[أميرة البنات]

ماإاهنا والي ^_^

مخمرين عن البرد

[شاعر الصعاليك]

اقتباس من مشاركة ابوصالح لرشيدي اسمع ياشاعر الصعلوك .. انت وخو جزعه وكل من يمر من هنا .. تكفون يالي تركبون الجديدات =برسل معاكُم خط من دون عنوان اذا مشيتم وقفُ في ابنات=بديار ابن مظبر وبطيب لهُم شأن سلم عليه وقل سلام وتحيات=سلم على شاعر يقال ابن عطوان قله ابوصالح فقدك انت بذات=انته رحلت والا تخفيت يافلان وان كان ابن عطوان حياً ولا مات=قله يجينا عند ربعه والاخوان وان كان صوتي ما صعد ضمن الاصوات=اسند على الصعلوك شاعر وبطران وبشعر اهو شاعر ورجل المهمات=واله لحونن تنطرب له الأذان وليته يجاوب صاحبه بعض الابيات=ويجر صوته وتسمعه بين الاوطان وقول اله شكراً عداد الهلالات=وصلو على سيد البشر نسل عدنان

يا مرحبا يا بو صالح ، وابو عطوان والله اني ما أعرفه
والا كان ارد لك العلم عنه ، وانت طيب ولا تنشد الا عن طيب ، ولكن أخو جزعه والعمده
جاري البحث عنهم هههه ، عاد العود الاقشر معه ربو ههههه

لكن اسمع يالامير

أسمع يا بو صالح مدام أنها جات = الكلمة اللي راجحه بكف ميزان
عز الله أنك ما قطعت العلاقات = " خوة رشيدي " ما تبدل بالازمان
روحك زكيه طاهره كل الاوقات = كما عبير الورد في وسط بستان
تنشد عن الغالين وتقول هيهات = كيف الزمن غير مواقيف شجعان
ويومك رميت الحمل من دون شرهات = انا على ظنك تفاكير ولسان
أبشر بعزك يا حفيد المروات = دامك مصافح في يمينك كحيلان
أن كان ابن عطوان حي(ن) بلثبات = أنا علي أدوره وين ما كان
بنشد عنه راعي الخطوط السريعات = وبنشد عنه فالبر والا في ضلعان
وبنشد عنه كل العرب والخواجات= وأدوره في كل حاره ودكان
وأن عسرت الدعوه نحط افتراضات = يمكن تشوف النور من خلف بيبان
الحي بتلاقيه مره ومرات = لو دارت الدنيا وكف الزمن شان

ممنوع الاقتباس

[دواس الظـلام]

ان كان صوتي ماصعد ضمن الاصوات=اسند على الصعلوك شاعر وبطران

الله الله صح الـسـانــكـ مـلـيـووووون ولايكفـــوان

يــ ابو صالح

[أميرة البنات]

ولو كف الزمن شان


صح السنتكم

>>متابعه متابعه

[دواس الظـلام]

الصعلوك صح السانك شاعر جزل

[شاعر الصعاليك]

أميره البنات


صحت ابدانك اخوي دواس ، واشكرك على كلامك الطيب
والله محييك بالديوانيه هههه

[ابوصالح لرشيدي]

شاعر الصعاليك
دائماً وابداً قلمي يقف امامك عاجز عن التعبير ..
صح السانك وبيض الله وجهك اشهد بالله انك رجال تنومس من يسند عليك ..
ابن عطوان هذا سلمك الله سالفه طويله ..
اهو كان شاعر هنا قديم مسجل بسم مستعار عبد الباري عبدالعزيز..وكان اخويانا هنا سموه على المصري عبد الباري ابن عطوان ..

..
بس اسمه الحقيقي الشاعر الكبير معيوف ابن زهيمل ..

وصح السانك وبيض الله وجهك عزالله انك كفيت وفيت ..

[شاعر الصعاليك]

ولا عليك زود يا ابوصالح ووالله انك تستاهل كل خير
وذكرتني في بيت لعمي العمدة الله يعقله بعد هالغبار هههه
يقول فيه

يا عاقلن يوسف على ابوه يعقوب = ترد لي معيوف عقب المغيبه

وابن زهيمل شاعر كبير ، وله قصيده عندي بجيب منها
ابيات رائعه والقصيدة كلها جزله

ترى العرب قامت تضيق بهـا الـدروب=ماعاد يرويهـا مراويـح السحـاب!
الوقت يمضي والزمن هذا محسـوب=والرابح اللي كمّل أشـروط النصـاب
صدر الشمال اليوم.. في صدر الجنوب=مالك عـذر قـدام مرويـن الحـراب
ما كل يوم اتهـب للفـارس هبـوب=واحيان مايذوق العشاء فرخ العقـاب
لكن تغانم فرصـة الذيـب النهـوب=واركزعلم شمط اللحا فوق الهضـاب
لاتنتظر والشمـس تدنـي للغـروب=تضوي عليك الجايعات امن الذيـاب

وعز الله انك اطربت الصعلوك بالرديات ههههه