[أحاسيس]

بلاني شخص مريض النفس لاعاقل ولامجنون
توهم في خياله اني متيم في هوى عيونه
مصيبه كيف تخلص من جنون العاشق المفتون
اليا من صار مابينك وبينه عشق يطرونه
تركتها كحفظ لحين اكمالها بمشيئة الله قريبا

[أحاسيس]

كلك تعالي غلا و الاارجعي كلك
بعض الغلا منك ما يستاهل الجيه
طالت و انا في رجا ليتك و ياعلك
أوراق بالذاكره و اوراق منسيه

[ألمــــاس]

( عمر الغلآا ) ما ينقصـه زووود الأيـّام
حتـّى و لو خالف زمـاني .. / زمانـك

تبقى الليالي ’ عزف و روحك لـها أنغام
و يبقى ’ مكانك .. مثل ما هو مكانك

[عطر الاوركيد]

يُمّه: وكَم كابوس الأيام أفزَعني ..
...... وأمسيت بأحْضان : أشباحٍ تِهاديني ..!
سمِّي عَليّ : ما عاد كُبري يمَتِّعني ..
...... طِفلَة بحَنانِك : ولَو شابَت بي سِنيني ..!
..

[ابوصالح لرشيدي]

غرك زمانك لاكن الوقت خداع = يبي يجيلك يوم تشكي من جروح

مادمت تسعى ياهوى البال لطماع = خلك على دربك وسعيك لي مصلوح

[هذيان]

خطاي إنّي سألت و جيت أدوّر للغياب أسباب ..
خطاي إنّي تعلمت الوفا و الناس كذابه ..
حسايف يا زمن ما عاد باقي في الزمان أحباب ..
على حسب المصالح كل واحد يحسب حسابه ..

[نايف ابن عليثه]

( جو الكويت ) إحتاج لك ليه ماجيت ؟
................يبي صفاء روحك , ( وطلة جبينك )

فيه ( العجاج ) من التعب بـ التناهيت
................يسأل ( سحابٍ زارها ) عنك وينك ؟

( تعال ) ما فيها ( كلافه ) لو ألغيت :-
................كل إرتباطاتك لـ/ ( خاطر ضنينـك ) !

[هذيان]

ان جيت واحسرتي وان رحت واغبني
ان رحت وان جيت في غبني وحسراتي
تعبت من حظي التعبان واتعبني
أسعى ويسعى معي حظي لعثراتي
ابني طموحي ويهدمه الزمن وابني
انهد حيلي وأنا ابني في طموحاتي
ياصرح الأحلام قبل انك
تعاتبني
قدر جهودي وروحاتي
وجياتي
دام العمر راح وش ذنبي تحاسبني
راح العمر غلطته ماهي بغلطاتي