[الـشـقـاوي]

حسبت انها تمازحني و تتصنع جفا و صدود
ضحكت بوجهها من قلب.. مع انها بايخه النكته

و قالت ارضى بالواقع .. قلبي ماهو المعهود
تغير كل شي صوبك .. نصيبي ما اظن انته !!

[الرشـ بنت ـايده]

ليت غيابي عنك ماهـو بمحسـوب

او ليتك اليا رحت من عرض ماراح

[النمر1012]

وين الصديق الصادق اللي رفقته مثـل القـراح
الى عطشت اسقاني بطيبـه وصـدري يشرحـه
يضحك حجاجه لا نصيته في مسـى والا صبـاح
ماضاق صدره والمـدح يستاهلـه يـوم امدحـه
اخير من صحبة وجيـهٍ قمـت اكافحهـا كفـاح
تركض على دربي وتمدحني من اجل المصلحـه
قدام وجهي تبتسم وأن غبـت كالسـم الذحـاح
اهل الحيل واهل المكـر والكـل فعلـه يفضحـه
ساقو مجاهيم النوايـا واختفـو قبـل الصيـاح
تقصر هقاويهم وجاهلهـم عسـى الله يصلحـه
المرجله صعبـه وراعيهـا مثـل طيـر الفـلاح
لو ينقفل بـاب المراجـل قـدم عينـه يفتحـه
والجاهل اللي مايميز في الرسوب مـن النجـاح
ولو تنصحه مليووون مره ما سمع من ينصحـه
حنا بلشنـا بالضعـوف وفـي زمـان الانفتـاح
العين من كثـر الهوايـل دربهـا مـا تبرحـه
الطيب يجزا بالردا والكـذب عنـد اهلـه مبـاح
مـات الوفـا بقلوبهـم والطيـب محـدٍ يمنحـه
حتى اقرب اصحابي طعن جنبي مثل طعن ا لرماح
لكن يا هل العرف مـن قلبـي تـراي مسامحه

[ساره الرشيدي]

يالله كم عبد لفزعتك محتاج

..........كم واحد له حاجة ما قضاها

همي ثمان سنين فالقلب سهاج

..........اركاء على بيض الصلوع وحناها

ارخي على نفس بها الحزن دواج

..........ارخي علينا لين بين عناها

حاولت بالدنيا على كل مسهاج

.........لقيتها عوجا كبير خطاها

إذا أدبرت دنياك لابد تنعاج

.........ولابد ما تشرب وتشكي شقاها

وإذا اقبلت تعطيك من بحر هداج

.........يرعد رعدها ثم يمطر سماها

ياليتني طير بعالي السما راج

..........روحه على الجنحان تاخذ هواها

[النمر1012]

على الله يا زماني والليالـي زودهـا نقصـان
جنيت من الدروس الفايـده مخلفـت إيمانـي
صدقت وما كذبت وفي المواقف يظهر الأنسان
هذا من فضل ربي ماخدعـت فـلان وفلانـي
زرعت الطيب في صحرا الجفاف بغالي الاثمان
على وضحا النقا ما بين صدقانـي وعدوانـي
وحسافه يا حسافه كيف تذبـل وردة البستـان
على كفوف الزمان اللي جحد صدقي وخلانـي
افكر فـي مفاهيـم الاوادم وارفـع النيشـان
عن دروب المتاهه واجزي الاحسان باحساني
صحيح أن الزمن غامض ولاكن نعمة النسيان
وهبها الله لخلقه قبـل نزغـة كـل شيطانـي
زمان العولمه والكـذب والتظليـل والبهتـان
اشوف أشيا غريبه واتفا دا غلطـة لسااانـي
يضيع الطيب فلي ما يعرفـه والـردي منـان
لوانه قال انا طيـب تـرى للطيـب عنوانـي
اعاتب ناس تفهمني لهم في مجتمعنـا شـان
وبعض الناس لو تخطي علي في حسبة اخواني
كبيرة غلطة العاقل صغيرة غلطـة الورعـان
ورغم كل الظروف المبهمه ما ني بخسرانـي
اقدر من يقدرني واعـزه وواوفـي الميـزان
ومن لا يعتبرني قـد نسيتـه قبـل ينسانـي
يقولون الزمن خاين وانا اقول الزمن ما خـان
لكن الناس اضنه صابها التخدير مـن دانـي

[ساره الرشيدي]

هات القلم ياخوي في خاطري بوح

.....ودي اترجم لي طواري وهوجاس

واخذ من الابيات سجّه مع الروح

.....في معزلً ما فيه ما يزعج الراس

هذي ثمان سنين والقلب مجروح

.....والفكر شارد والمعاليق يبّاس

ويفوح في صدري همومن كما فوح

.....صفر الدلال اللي لها الناس جلاس

امشي على درب المقادير وانوح

.....ويهيض وجداني ليا هبّ نسناس

سبة ظروفٍ تجهد الحال وتروح

.....وتترك مواجعها على القلب حراس

تعبت وانا اشيل والوقت مشفوح

.....يطوي سنيني دون رحمه ولا احساس

كني غريق شاف موته على لوح!

.....تلعب به الامواج ما صابه الياس

ابني من الاحلام بنيان وصروح

.....احلام ورديه غدت ما لها ساس!

واطرد سراب اللال واخيلها دوح

......مثل الذي فالدهر للسيل عسّاس

وازيف الفرحه سواليف وامزوح

.....وامنّي الخاطر بلا باس لا باس

تدري وش اللي يقهر القلب والروح؟

.....انك تعيش العمر محتاج للناس!!

[النمر1012]

ياهلا ماغـرد الـورق وانـزاح الظـلام
وابتدآ نور القمر في عيـون العاشقيـن
صوتك وطلتك والليل وأسـرار الغـرام
أشعلت كـل المواجـع وهلـت دمعتيـن
كنت أشيلك في الحنايا وأعشقك باحترام
واسأل أيامي عن غيابك وجور السنيـن
بين بعد وشوق ماهمني شـرب وطعـام
لهفتي ماهي على خبرك اللـي تخبريـن
فاتنتنـي فاتنتنـي بمعـسـول الـكـلام
تل قلبي كل ماوحيت صوتـك تقصديـن
منزلتك الأولـه بيـن جفنـي والمنـام
ومنزلتك الثانية بين قلب وبيـن عيـن
أعشقك عشق الصحاري على رش الغمام
وأشربك وأضماك ياسلوة القلب الحزيـن
لا تلوميني تـرى مالحـق شفـي مـلام
وإن عشقتك عاشقٍ بنت نـاسِ طيبيـن
وإن عطيتيني غلا صرتي لحبـي وسـام
وإن بخلتي بالعطا بعـد بكـره تندميـن
كان ما حاشك نصيبي على الدنيا السلام
اقبليهـا كلمتيـن وعطينـي كلمتـيـن

[النمر1012]

1

2

3

4

5

6

7

8

9

10

11

12

13

14

15
انا كل ما اسلى حرّك الناس لاوجاعـي
وتبدا جراح القلب تنزف من اوجاعـه
يقولون ما للحبّ فـي هالعمـر داعـي
اذا شاب راسك فاتركه وابتـد الطاعـه
وانا من زمان أول بمحرابهـا داعـي
قيام وتهجّد ما ادري الوقت والساعـه
اساهر نجوم الليل واشكي لها اوضاعي
ولكن تغيب وتتـرك النفـس ملتاعـه
وادوّر على بحرٍ يجدّف بـه شراعـي
لعلّي بيوم اوصل إلـى شـطّ اسماعـه
سقى الله زمانٍ كان في الحبّ مرباعي
اذا من ذكرته تشهق الـروح جزّاعـه
على حلم غاب اليوم وعيوني تراعـي
ولا لي سوى التنهيد من نـار لذّاعـه
عرفته يحبّ بصدق ما للهـوى باعـي
شريفٍ نظيفٍ ما خبر نقص باطباعـه
عفيفين في حبٍّ جمعنا بـلا اطماعـي
نفكّر بحلـم ولفّـه الوقـت بشراعـه
اعدّ الليالـي واثرهـا تعـدّ لخداعـي
على غفلـةٍ والقلـب دالـه بمرباعـه
رحل من سبا قلبـي وخـلاّه ملتاعـي
يخاوي الحزن والبين والنار با اضلاعه
سنينٍ طويله انتظـر فرحـة الداعـي
وهذا العمر ولاّ ولا ادري عن اوضاعه
عطيت العهد ما يوم يتوسّـد ذراعـي
سواها وانا باقي على السمع والطاعـه
اذا مت ما بي دفن .. تكفيني اوجاعـي
ابي راس مرقاب اشوفه ولـو ساعـه
اذا مرّني من بعد مـا يسمـع الناعـي
فهو يوم بعث الطير يصحى على ايقاعه