[الفيلسوووف]

عارفك صاحب معاني والمعاني تزيد=لاكن ثبت رجولك وسط ميدانها
ياكبتن الشعر منته في زمانك جديد=الله يكفيك شر الجن واجنانها

[الكابتن]

بعلمك بالخبر مره ولا تقول عيد=الطايره لا تبرد فوق جنحانها
خلك معي بالكبينه ياعسى تستفيد=ركز معي وفهم القصه بعنوانها

[الاســد]

السلام عليكم ورحمة الله وبركاته عيدك مبارك ياكابتن عاش من شافك عساك في خير بشرني عن صحتك يعلم الله اني الياشفتك اني كانني في ميدان المحاوره الله يذكر ايام العير عبدالله باالخير الله يرحمه تذكرت ولانسيت ياكبتنا الغالي ولايهون الشعار الباقين عااااااااااااااااشو الشعاااااااااااااااااار عاااااااااااااااااااش ابو الكباتنه عاااااااااااااااااش الفيلسوووووووووووووووووووف اللللللللللليلللللللللللللل وين الصفوف يامل بردة الحيل يا ها الصفوف ذابحهو النوم والوقت توه بدري عاااااااااااااااااااااااش الكابتن عاااااااااااااااااش الفيلسوووووووووووووووف تحياتي للجميع

[الفيلسوووف]

اللي يتخصص لابد انه بالشي يجيد=ياراعي الطايره ماشوف اضمانها
دارين عنك ياكابتن في علومك سديد=عنوانها واضحن لاتقوللي شانها

[الكابتن]

ياهلا بالاسد يالله حيه

كل عام وانت بخير وصحه وسلامه ،،،، شكرا على التشجيع ولا عليك زود طال عمرك ،، الساعه المباركه شوفتك يالاسد ،، حضورك اسعدني بارك الله فيك

[الكابتن]

قررت احط القلاده فوق جيد ام جيد = وان قلت لي وينها بقول لك عانها
الفيلسوف يتفلسف مير ما من رصيد=ملك قبل لا يخطبها مير ما صانها

[صياف]

امسي على الجميع بخير شعار وصفوف

واقول كل عام وانتم بخير

[الفيلسوووف]

ياراعي الجيد جيدك مثل جيد الصعيد=الظاهر انك مثل ماقيل سكرانها
لاشفت علم الحقيقه قمت تجحد جحيد=وعلومك اخلفتها وغيرت فالوانها