[عابدالبراك]

عاشت ايامك ياراشد

[المقدااد]

اقتباس من مشاركة عابدالبراك يازين عرفك لاكن الاسم ويش احتوى=اعلومكم ياوسيع العرف وديبها اللي براسه نسم واللي براسه خوى=نكويه با النار لاشبت مشهيبها

انا سميي نهار المعركه مانزوى=عى جواده يصد القوم ويريبها

يالبدوي اللي لمنه راح والاضوى=يومن تضيع غنمك ويومن اتجيبها

[عابدالبراك]

صدام بام المعارك راح فيها هوى=عقب على دار ماتحمد عوقيبها
راع المزارع حصد حبه وحبة نوى=والوصفه الثانيه يا الله لاتبليبها

[المقدااد]

اقتباس من مشاركة عابدالبراك صدام بام المعارك راح فيها هوى=عقب على دار ماتحمد عوقيبها راع المزارع حصد حبه وحبة نوى=والوصفه الثانيه يا الله لاتبليبها

يا عابد الشعر ماهو مثل لعب القوى=الشعر دوله مضلمتن سراديبها

والا انت يشبه لك اللي لنداوي شوى=عليك نجلا تصيح ومنفرن جيبها

[عابدالبراك]

الشعر قالو غوى يامدورين الغوى=وشلون تبحث عن السيه وتاتيبها
طويت عنها شريط الحب عنها طوى=واليوم ترسل عيكم في مكاتيبها

[المقدااد]

اقتباس من مشاركة عابدالبراك الشعر قالو غوى يامدورين الغوى=وشلون تبحث عن السيه وتاتيبها طويت عنها شريط الحب عنها طوى=واليوم ترسل عيكم في مكاتيبها

صح السانك ياعابد البراك وترى كلها مزوح وانا تشرفت باللعب مع شاعر كبير لاهنت وتصبح على خير والمتابعين يصبحون على الف خير ومع السلامه يابطل

[عابدالبراك]

بيض الله وجهك وتصبح عل خير ولا عليك زود يالمقداد انت شاعر علم

واشكر الجميع عل المتابعه

[عبدالباري عبدالعزيز]

بيض الله وجيهكم على الطاروق والمعاني الرائعة