[ابن وايل]

اقتباس من مشاركة الكايد99 صح الله السنتكم والصحيح سساري بلا معنى وبلا مجازات

صح بدنك هذا الكلام اللي يصحي من النوم

[بيطار الشعر]

صحت اللسنتكم ومثل ماقال مصفي المرح والكايد البيت ساري من ناحية القافيه ومن ناحية المعنى نفس الشي وكلمة الحق تنقال

[شاعر الصعاليك]

مع المعان القديمة لو تروحون وتردون = يستحسن ان الشعر من بينكم ود وتراحم من الرحمه والعطف

بالله هدو لنا السرعه تراكم ماتهدون =ولا بينكم ياولد صارم مع العالم ترى / حم ما بينكم شخص محموم او عله

هذا من وجهة نظري ، والبيوت ما هي ساريه
والشعراء الاولين لايهتمون كثيرا البيت ساري والا لا
لانهم مشغولين بفتل ونقض المعني
ولكن بعد ما ضاع المعني لدى الشعراء المتاخرين
صاروا يتصيدون الاخطاء .

[نور حائل]

صح اللسانكم يأبن وايل وووالصارم الى الامااام وبالتوفيق

هع ترى مااااافهم على الشعر والا اعلق عليه

[حزام غانم]

اقتباس من مشاركة شاعر الصعاليك مع المعان القديمة لو تروحون وتردون = يستحسن ان الشعر من بينكم ود وتراحم من الرحمه والعطف بالله هدو لنا السرعه تراكم ماتهدون =ولا بينكم ياولد صارم مع العالم ترى / حم ما بينكم شخص محموم او عله هذا من وجهة نظري ، والبيوت ما هي ساريه والشعراء الاولين لايهتمون كثيرا البيت ساري والا لا لانهم مشغولين بفتل ونقض المعني ولكن بعد ما ضاع المعني لدى الشعراء المتاخرين صاروا يتصيدون الاخطاء .

السلام عليكم

شلونك ياشاعر الصعاليك عساك منت حم

اذا موجود عطنا طاروق

[شاعر الصعاليك]

بخير جعلك بخير يا ابن غانم
ولا والله ماني حم الا ( سم ) هههههه

[الــــصــــارم]

شاعر الصعاليك مساك الله بالخير تعجبني فلسفتك الزايده
وبالنسبه لشعراء الأولين بالعكس اذا سرى احدهم البيت يعدله بنفس اللحظه اذا نبهه الشاعر المقابل او الصفوف ولايمكن يكابر ويقعد يتفلسف
وحنا لاننكر القوافي اللي نفس القافيه ومعناها يختلف نعرفها ونعرف قصد الشاعر لها من صيغة البيت وتناسق كلامه وهذي بيتين من نفس الطاروق هذا وانا اللي قائلهن والقافيه نفس الشي لاكن المعنى يختلف

عبس الفخر والشجاعه يابن وايل مايهونون=يالنوري اللي معذبك الدهر يرحمك راحم
يردون من بعد مارحم بها تسعه وتسعون=يالوايلي تحسب الباقين والا كم راحم

[شاعر الصعاليك]

الله يمسيك بالخير يالصارم

والدعوه ترى ماهي بفلسفة ولا تعصب وانا اخوك
يمكن اكون مخطئ والكلام الاول والاخير لصاحب البيت


وصدقت ان الشعار اول كان ينبه خويه
لكن انت جبت شي جديد نبهته ببيت
لاتسري البيت في سرعه ترى ماهو بهلون=ياللي بليت الشعر من ظمن ناسً فييه طاحم

وانت ادري وين راح تتجه المحاوره له بعد هالبيت
لكن ابن وائل اختصرها .