[مسندالعويمري]

نحمد على على رجعتك يالعمده =سالم وطيب معافا من الوعكه

نحمد الله على سلامتك و طهوور ان شاء الله يـ ابو تركي
و اعذرني لم اعلم في رحلة علآجك ولا على الاقل اتصل عليك و اتطمن عليك فـ هذآ وااجب
امآ الادارة لا اتكم بأسمهم لأني اعتزلت الادآرة من اكثر من سنه

مسند مشكور ماتعلمني الاداره منهم انا ماشوف الا ابو عيسى وسعد عادي وهم اختفو

[العميل السري]

السلام عليكم ورحمة الله
الحمد لله على سلامتك يالعمده وهذا اهم شئ
وبالنسبه للزعل عندي تعليق بسيط
بصراحه الناس ماتدري عن رحلتك وحنى لو كتب عنها هنا ماعاد تصدق الخبر من كثر مغامراتك ورحلاتك
.دائماً نقرا عن سفراتك ومايكتب عنك ولاندري هي صحيحه ولا ..لا؟؟
لكن اسمع من العميل

الروس تبقى روس والباقي ايا غاب وحضر=متساوي بقاموسها غيبته ولاحضرته
والناس ماتدري عن ابو زيد لو حط الخبر=ومن كثرة علومه ماحد صدق بطاري سفرته

[محمد بن صبح]

أنت نور المنتدى وشلون ما نسأل عنك .!!



الحمد لله على سلامتك


وطهوووور إن شاء الله يا أبو تركي ..

[الـخشف]

الحمد لله على السلامه يالعمده
ما تشوف شر بس هد اعصابك لا تنتكس
هذي الدنيا الناس رفيقهم القوي وانت خلاص لولووووووووول

لو يروح الجيل الاول يجي بعدين جيـل=الفلك دوار ياللـي سكنـت قصورها
الزمن لـو مدلـك مايمـد إلا القليـل=عادة الدنيا كذا مـن قديـم عصورهـا
سامح الله وقتي اللي جبرنـي لرحيـل=احتمل ميلات الايـام وسـط بحورهـا
هب ياحظ ٍ تعثر مـع الوقـت الطويـل=ماكسبت من الليالي ياكـود حضورهـا

[أفــراح]

السلام عليــكم ورحـمة الله وبركاته


صباح الخير ((يالله صباح خير ×ــ^

الحمدلله على سلامتك اخي ناصر خنيفر


كل عام وانت بألف خير


بنسبة للمنتدى قبيلة بني رشيد منتدى رائع ^ـ بصراحه



اما الأداره مايقصرون والله فيهم الخير ولبركه

لكن انت الحين ليش تعاتب الأداره ؟؟؟؟ على شأن انهم ماسئلو عنك صح ×ــ×

طيب تبغى الأداره تفقدكـ مع 15.000عضو؟؟؟ الأعضاء: 15,031 !!!!!!!


العتب عليك انت يوم كنت بتترك المنتدى فتره معينه اقل شيء اترك رساله

للأداره او نزل موضوع انك طالع تبغى تتعالج فلخارج اقل شيء ندعيلك بشفاء ان شاء الله

ام تترك المنتدى لاحس ولا خبر وبلأخير منزل عتب على الأداره الله يهديك وهذا

وانت العمده بعد ×ــ×


اسفه على الأطاله ^ـ

[ابن اخزيم]

الحمدالله عل سلامتك ياالعمده ومايجيك الشر باذن الله
امابخصوص الاعضاء والله اني غبت عن المنتدى والله ولاواحد سل عني ياناصر ولا واااحد من الاعضاء وشنسوي طال عمرك ربعنا ولازم نصبر عليهم

وهذا بيت اهديه لك يشرح عن نفسه وبيت معروف ل عوض خيران

وثر ماني غالي مثل ماهم غالين
ونا احسبني زين مع ناس زينه

[سعد بن عادي]

ياهلا وغلا والله يا ابو تركي وتو مااسفرت ونورت ويعلم الله انني فاقدك والتقصير موجود لكن والله انا انشغلت الايام الماضيه بأجازات واموار أخرى ويعلم الله انك علبال
وكل من يغيب يا ابو تركي من الاعضاءيعلم الله اننا نفقده خصوصا من لهم مكانه كبيرة بين صفحات الشبكة وانت من الاعمدة والركائز بالشبكة وغيابك له تاثيره الواضح ونحمد الله على سلامتك ونتمنى من جميع الاعضاء الغائبون ان يعودون وتزيل ظروفهما ويعذرونا من لم نذكر اسماءهم .
وكل عام وانت يابو تركي بخير والجميع ..

[ابو مشاكل]

يامعاتب الناس بغيابك=الناس ترجع شهر عشره
اغيابك ابحل وش جابك=ذولا سنه عندهم بكره
بعد السنه تصحي اصحابك=وتحرك المنتدى فتره
وممكن مايدرون وش صابك=وانته على احر من جمره
قاعد تحرا على بابك=زوار والناس في سهره
يا شايب اعصابك اعصابك=ما عاد بالمجتمع دبره
برجليه ويديه متشابك=مالك معه مدخل الابره
مير الله الوالي اولابك=وألا انت في هالزمن عبره