[شاعر الصعاليك]

ابك البقاء يالشيخ والرب هاديك = وياليت تعرف وش صفات الرجوله
صعلوك خلا الناس واللي تواليك = كرامته تغنيه ما احدن يعوله

[ابو شرق]

اقتباس من مشاركة شاعر الصعاليك ابك البقاء والرب يالشيخ هاديك = وياليت تعرف وش صفات الرجوله صعلوك خلا الناس واللي تواليك = كرامته تغنيه ما احدن يعوله

تراك لو تزعل علينا نراضيك=انقول الك يابن العرب والحمولة
يارجل والله ماحد مشكك ن فيك=صعلوك ناس وطيبات ن فعوله

[شاعر الصعاليك]

نعرف دروبك يا المعشي واراضيك = وما كل عله حلها بالسهوله
يا صاحبي لا تختلف في مباديك = طاح الحطب والخير هلت هموله

[ابو شرق]

اقتباس من مشاركة شاعر الصعاليك نعرف دروبك يا المعشي واراضيك = وما كل عله حلها بالسهوله يا صاحبي لا تختلف في مباديك = طاح الحطب والخير هلت هموله

ياللي تحاول رفعة الظلع بيديك=الظلع لاحولك ولا انته بحوله
بكره نبا نربط يدينك برجليك=ونشد في ظهرك ثقيل الحمولة

[شاعر الصعاليك]

الطيب يا رجال خله باهليك = وسط العرب صعبن عليكم تطوله
بكره بوسط البير يا ذيب نرميك = ولا هي شجاعه لو اخذنا ذلوله

[ابو شرق]

اقتباس من مشاركة شاعر الصعاليك الطيب يا رجال خله باهليك = وسط العرب صعبن عليكم تطوله بكره بوسط البير يا ذيب نرميك = ولا هي شجاعه لو اخذنا ذلوله

نصيحتك تبقا لك الله يعافيك=خلك ببيتك لاتعدى الخجوله
ان كان عندك بير والله لناتيك=حنا نحفر البير ونزيد طوله

[شاعر الصعاليك]

لو الوى ايدنيك تجيني علابيك = يالشاعر اللي ما سمعنا طبوله
لكن نهاية طرقتي خاب شاريك = يالسلعة اللي طيبها للفحوله

[ابو شرق]

اقتباس من مشاركة شاعر الصعاليك لو الوى ايدنيك تجيني علابيك = يالشاعر اللي ما سمعنا طبوله لكن نهاية طرقتي خاب شاريك = يالسلعة اللي طيبها للفحوله

والله ماتتعب صحيب ن يباريك=اقولها من بعد صولة وجولة


صح لسانك وبارك الله فيك سامحنا واستر ماواجهت