[اخو جوزاء]

اقتباس من مشاركة سعد بن عادي السلام عليكم بعيد الشوح صعب اشوفك ولا ارد ياخي محبتك بقلبي من الله هههههههه شاعررائع ومميز وهذا الطاروق اكبر دليل اخو جوزاء رغم تقدمك بالعمر الا انك لاتزال تعطي وتقدم شعرا شاب ههههههه وصلو الله يعطيكم العافيه ومتابع لكم .

شكراً يابو جوري على المرور العطر لاهنت

[سلمان]

السلام عليكم ورحمة الله وبركاتهعمتم مساءً أيها الشعراء

[اخو جوزاء]

اقتباس من مشاركة سلمان السلام عليكم ورحمة الله وبركاتهعمتم مساءً أيها الشعراء

ارحب يابو عمار ارحب


الله يسعد مساك ايه الشاعر الاديب

[بعيد الشوح]

اقتباس من مشاركة اخو جوزاء يامدورين الزبيدي في حزم مافيه رقروق=الفقع يامدورين الفق ماهذا مكانه ياصاحبي يابعيد الشوح لاصاحو هل النوق=الركبي اللي مع الراعي يبيله خيزرانه

الله الله

لاتطالب الناس حقاً فات وانت بظهرك احقوق = ألزم سلوم العرب لايتهمونك بالجبانه
يلوح بالمزن برق وجرة الهملول مشقوق = والبحر من غاص فيه يعرف لؤلؤه ودانه

[بعيد الشوح]

اقتباس من مشاركة سلمان السلام عليكم ورحمة الله وبركاتهعمتم مساءً أيها الشعراء

هلا وغلا ياقاضينا وابرك الحزات تواجدك وبشرنا عسى فيه مسابقة السنه الجايه ههههههه

[اخو جوزاء]

اقتباس من مشاركة بعيد الشوح الله الله لاتطالب الناس حقاً فات وانت بظهرك احقوق = ألزم سلوم العرب لايتهمونك بالجبانه يلوح بالمزن برق وجرة الهملول مشقوق = والبحر من غاص فيه يعرف لؤلؤه ودانه

ياصاحبي يابعيد الشوح منت قليل اوفوق=الله يعافيك ويكافيك شر اهل الخيانه

ترا صدور الرجال الجوهر الاسرار صندوق=يعني على مايقولون الدراهم بالخزانه

[بعيد الشوح]

اقتباس من مشاركة اخو جوزاء ياصاحبي يابعيد الشوح منت قليل اوفوق=الله يعافيك ويكافيك شر اهل الخيانه ترا صدور الرجال الجوهر الاسرار صندوق=يعني على مايقولون الدراهم بالخزانه

بيض الله وجهك ههههههه
اسمع اسمع

ماني براعي سوالف قال والإ مسكة احلوق = انا بدوياً على عز وشرف ما أرضى الأهانه
بيني وبين الأدب حسن المقام وجزل منطوق = وانت اسلك الخط يالشايب ولاتبين الميانه هههههه

[اخو جوزاء]

اقتباس من مشاركة بعيد الشوح بيض الله وجهك ههههههه اسمع اسمع ماني براعي سوالف قال والإ مسكة احلوق = انا بدوياً على عز وشرف ما أرضى الأهانه بيني وبين الأدب حسن المقام وجزل منطوق = وانت اسلك الخط يالشايب ولاتبين الميانه هههههه

على مفاليك هاليومين اخيل رعود وبرق=لو ان هالوقت ماتطلع عليه القحويانه ههههه
انته تبي علمها تمرير والا علم ماثوق=عزالله انك من الشعار يالشاعر تكانه

اسمحلي ياخوي بالقصور ولنا لقا اخر ان شاالله جاني النوم هههههه