[عيد الداموك]

[عيد الداموك]

ماهوب كفو الوقت حبك يمحّيه
ياللي تخاف ضروف الايام تمحاه

ارتاح دام ان المواصل يقويه
انت . انت وانا . انا وقلبي هو إياه

حتى ولو بتغيب ذكراك تكفيه
ياواحدٍ تكفي عن الناس ذكراه

حُبك على رملة خفوقي مواطيه
ورياح عذلي عَنك ماتمسح خطاه

واللي يعذل القلب عن درب غاليه
( يالله عسى اللي يبلا المواليف يبلاه )

اخفيه يابلفيت والحال يبديه
ادناة واحد ينظر الحال يقراه

اخفيه فيه ومعتنيٍ به وحاميه
عن كل عينٍ ودها تنزل حماه

قلبٍ يحبك والهوى الذرب ماليِه
كانك مكذبني بعينك تحلاه

شرط . ان تشوفك فيه منت بحواليه
ويمكن تشوف ديار واماكن رعاه

وشوف به تمثال والوقت هاريه
وبتشوف زرعٍ ميتٍ واقفٍ ماه

وبتشوف جرحٍ فيه سكين راعيه
راح ونسى السكين والجرح ينخاه

وبتشوف حصنٍ عجّ الاقدار سافيّه
وبتشوف باقي بيت . راعيه خلاه

لاتنزعج . هذا خفوقي وباقيه
ولاتضايق من تصّدع زواياه

قَد زلزله فرقا وهزة عراويه
والله ستر والحظ عانه وعافاه

كانه صلح لك واعجبك . زين تبنيه
ابنه وجهزّ للمقابيل مبناه

ابغيك بس من المفارق تداريه
وازهل من ايداري شعورك ويدراه

وحلل وحرّم فيه . ياأبرك بلاويه
وحله وراع ارضاي ورضاك وارضاه

جعلك بعد بعض الوجيه . امحق وجيه
ناسٍ مراتعها الرفيق بتقفاه

انواع . واخطر نوع مانيب ناسيه
نوعٍ على تفريق الاثنين مسعاه

تلقاه دوم . وكل يومٍ تلاقيه
واذا بغيت الصدق ماعاد تلقاه

وإلا انت . ردك كُل مادعيك لبيه
انشهدٍ منتوا بفي عيني اشباه

منت بمعى العالم . ولا تقولي ليه
انت ادرى مني وفي جوابي وفي احواه

كذيه ومن الله يازين وإليه
واغلى طروش القلب ودواه من داه

الحلم ياتيني بزولك واراعيه
وفي كل حلم اقوم قبل اتحفاه

واعشق سميك في البزارين وادعيه
واقبل خطاه الا اخطى واتلقاه

واسمك يروعني اذا مرّ طاريه
واحب ملقوفٍ يسولف وطراه

وامرّ بيتك من بعيدٍ ولا اجيه
وانا لو انه في يدي ماتعداه

حتى تواير موتري تلتفت فيه
تبغي تلفّ ويستحي العقل والجاه

وصلك يخيط الصدر والبعد يفريه
ويابري حالي كان صديت برياه

ويلي على ادري حبنا ويش تاليه
وويلي على ادري وش ورى الغيب ويلاه

عشان اشوف اذا محبتك ترفيه
والله لاقفي عنك . استغفر الله
الشاعر/ محمد بن فطيس المري

[عيد الداموك]

البارحة ربي كتب لي ومريت ..
..دربٍ عليه بروق الأحباب لاحت

جيت المكان اللي جمعنا وخفيت ..
.. وقامت جروحي للجوارح وصاحت

ياليتني في لفة الدرب زليت ..
.. كان العيون من الدموع استباحت

التم غيم الدمع من يوم لفيت ..
.. وورقا القصيد لشوفة الغيم ناحت

وضحكت ماأبغي الناس تدري يبالفيت ..
.. لكنها غصبٍ على العين ساحت

حارت دموعي في عيوني وصديت ..
.. وأرمشت مابيها تبين .. وطاحت

وعقبه برق في العين براق .. واسقيت ..
.. خدي ووناتي بصدري تلاحت

وأنا أحسب إني في فراقه تشافيت ..
.. وان عبرتي من مدخل الزاد زاحت

اللي يحسب إني على البعد سجيت ..
.. والا ان عيوني للرقاد استباحت

ياليتني من قبل لا أحبه اقفيت ..
.. والا ان دروبي عن دروبه تناحت

أهون علي من البكا والتناهيت ..
.. وأشلا من سدودٍ على الناس باحت

عرفت كيف الحي يفرق عن الميت ..
.. وعرفت قيمة نعمتي يوم راحت

قولوله اني عقب بعده تدانيت ..

.. ورجلي عن دروب المعافين شاحت

البعد نار وطاعة العذل كبريت ..
.. يقصر على بعده .. ترى الكبد فاحت
الشاعر/ محمد بن فطيس المري

[عيد الداموك]

حتى ولو بتغيب ذكراك تكفيه
ياواحدٍ تكفي عن الناس ذكراه

[عيد الداموك]

ياعزتي لي من رجاء موعد الغد
امضيت في رجواي للغد مده

واقفى وانا اصفق بيدٍ على يد
= واقول لا بد الليالي ترده

اللي بنى حبه وبعد البناء هد=
(( ما هده بيده ولكن بصده ))

ماهو بيتحدى بصده ولو صد=
غصبٍ عليه امر الطبيعه يصده

من عقب مااثمر حبنا هاف وارتد=
غصبٍ علينا قاسي الوقت لده

صارت ظروفه دون شوفه لنا حد=
حدٍ تحداني وزاد الموده

[عيد الداموك]

[عيد الداموك]

جيتك وعندي حاجتن بيـن اياديـك
والمشكله تقدر عليهـا وقصـرت

رح بشر اللي ملتفت لـك يناديـك
قله تركتـه لخاطـرك ماتأخـرت

صدقني انها غلطتي يـوم اداريـك
ولا انت لولا غلطتي كان ماصرت

كبرتـك بعيـن البعيـد وحواليـك
ابيـك تكبـر والمصيبـه تكبـرت

حاولت اغيّر فيك من كثر مغليـك
قـدرت لكنـك عليّـه تغـيّـرت

[عيد الداموك]

اشهد إن بعض المواقف تحدك للسكوت
تجبرك بالصمت لو إن في صدرك كلام