[بدرناصرالخياري]

مرحبا اخي العرعري احييك واقدر جهودك المثمره وعطائك المبدع الا محدود
هناك بعض الملاحظات على نقل المحاورة كتابيا وهي الاملاء ارجو التصحيح كما هو ملون لك بالون الاحمر ولك مني كل الشكر والعرفان
دمت بكل ود
ناصر بن مرسال


يامرحبا بأسم أبوبدر الف مره
انشهد ان ناصر براهيم وافي


ياكويت ياكويت الفرح والمسره
ذكرتني مرشد وصقر النصافي


فلاح القرقاح


عداد ماتبدي نجوم المجره
تبقى ويبقى كل رجلن سنافي


هذا الوطن حر وطريقك يمره
هديته منك الحكم والقوافي



ناصر بن مرسال


تسلم وعلمن في ضميرك تحره
مدام زان الليل والجو صافي


العلم وقت فات هذا مقره
واليوم فيه مجادله وأختلافي



فلاح القرقاح


لوشبت النيران مابه مظره
ثلاثه ارقام وتجيك المطافي


بعض الآوادم عايشن فى مغره
مايدري انه ماتدوم العوافي


ناصر المرسال


لو الحريق يشب يلحقك شره
لاتستهين النار وانت متعافي


وقت مضى لشعيل فالأرض جره
واليوم حتى جرته ماتشافي



فلاح القرقاح


ماينقص من الكون مثقال ذره
لولحق سبع سمان سبع عجافي


ياجاهلن بالوقت برده وحره
وشلون تسبقنا ومرقدك دافي



ناصر المرسال


لولا الرخى ماجاك مال تسره
والشخص مهما حاش ماقال كافي


يالايمي لاتلوم يوم اتشره
قدر مشاريه القلوب النظافي



فلاح القرقاح


انا ماوقف عند باب المبره
لو انجبرت امشي على الشوك حافي


النفط مالي بحر ربي وبره
لكن ماغير المصافي مصافي



ناصر بن مرسال


جاب الخبر واقول لله دره
لوللخبر وجهين بين وخافي


الأدمي يكفيه دخنه وبره
لايلتفت يم الرجوم المشافي



فلاح القرقاح


احدن يشب الجمر واحدن يكره
والحاضرين اثنين مثبت ونافي


كم من غني شق ثوب وطره
وكم من فقير عاش والستر ظافي



ناصرالمرسال


رزيتم الأعلام فى راس حره
وأهل الحقوق تعود منكم عيافي


في كل ليله وانت صوتك تجره
ماكن في جنب العيافي عيافي



فلاح القرقاح


خذلك على كورنيش الابراج فره
النص مايحتاج الأسم الأضافي

[مزن تهاما]

صح لسانك اخوي بدر

واضح بعض الابيات مو طبيعيه لكن سلمت يداك على التعديل


تحياتي لك,,,,

[مزن تهاما]

اخوي العرعري الله لايهينك ياليت لو تنزل هذه المحاوره متواصله لو تكون مقطع mp3 دون اي انقطاع او اجزاء

وشاكر لك على جهودك المميزه,,,,

[(*العرعري*)]

اقتباس من مشاركة مزن تهاما اخوي العرعري الله لايهينك ياليت لو تنزل هذه المحاوره متواصله لو تكون مقطع mp3 دون اي انقطاع او اجزاء وشاكر لك على جهودك المميزه,,,,

هلابك أخووي
المحاورة هذي جاري تنزيلها كامله فيديو وايضا سوف انزلها صوتيه بشكل اوضح بس انتظر يوم بأذن الله

[(*العرعري*)]

تم تنزيل الفيديوو كامله

[(فارس الرشيدي)]

اخوي المشرف العرعري خذها وجهٍ لوجه اشهد بالله ان هذا التسجيل وهذا النقل يليق بالمحاورة ويليق بك كمشرف ساحات تستحق اكثر من ذالك
ولكن تقبل تقديري

[بن قنور]

بارك الله فيك يالعرعري نعم هذي التسجيل حلو مرررررررررره بارك الله فيك ومشكووور

[(*العرعري*)]

هلا ومرحبا بالجمييييييييييييييييييييييييييع