[ابوفهد العويمري]

الاخ ابن هديبان القصيده للشاعر رابح بن دحيلان وليس رباح

عديـت اناباللـي نبامـن اجبالـه=في راس حزم تاقف الرجل وتحير
يـاول يادورمـن اول مضـالـه=يوم السعـاده مرتعـن للخواويـر
يدلـن للنـزوه والابيـض قبالـه=ومدهالهن يـوم الشتاوالمخاظيـر
وجابن حلون يطرب القلـب فالـه=والذمن حلوالعسـل فـي قواريـر
واشـــوف انادورتغيـربـدالـه=وحتى النوامي يبست عقب تخظير
ودورمضـى ماباقـي الاسمـالـه=وله على مجري الهماليـل تعبيـر
وقلبـي هواجيسـه دلنـه لحالـه=مثل المحوص اللي دلن جمة البير
حطن على قلبي بـروج ومحالـه=ميـه يوردهـن وميـه مصاديـر
من هم وقت يوم شانـت رجالـه=سبـت دهـر وتغيرالـدم تغييـر
اليانشانشوصفـقـتـه شـمـالـه=ودارت عليه غربية مع معاصيـر
راعي الغنم كد راع الهـم حالـي=من كثرمايرجع ويشري لهااشعيـر
اليوم حـط لهـا سفرمـع عيالـه=وقام ايتدين عقـب سلـم الدنانيـر
طـوى صميلـه ماهوتـه البلالـه=لارايـح نيـه ولالــه منايـيـر
مايهتنـي لوحـط عنـده نـوالـه=واقفت على دياره سنيـن مدابيـر
وبديت ذكراللـي يقسـم فضالـه=الخلق الـرزاق والـي المقاديـر
اهوالـذي مـاضـل الاظـلالـه=مهدي على عبده من الامن والخير
ياخالـق نوركشـف مـن هلالـه=يامخظرودي السنه عقـب تغبيـر
يطلبـك عبدظايـق خلـق بـالـه=متحيـرمـن كثرردالمـشـاويـر
من فضلك يارع العطى والجمالـي=يارب ياللي ترزق الذيب والطيـر
تجيـب نـون مدلهمـن خيـالـه=يمطرعلى راس القرى والعثاميـر
مـدت كريـم وكـل عصرنشالـه=توحي رجيف السيل يظرب محادير
وفيض على وادي العقيلـه نزالـه=والله يغيـث مكرميـن المساييـر
وغنيـم ياتـي مطلبـن باحتمالـه=والبصريصفق في الوعروالمحايير
وارخى على وادي العمايرسبالـه=وعلـى المريريبدرالوسـم تبديـر
وجانا من الفيهه صـدوق نسالـه=يقول ظاربهامـن الوبـل نهريـر
يقول سيل انبـط يهـزع ارمالـه=من الخرم سيله لياادنـي زبيعيـر
وفيض على وادي القصيم اشتعال=يحدمـن عرعرليـاوادي النـيـر
وعقب ثـلاث ادوارتخظرادحالـه=امريظـن عشبـه كبارومصاغيـر
يصبح به الراعي حمدمن فضالـه=والارض لبست ثوبهاوانتجت خير
وتلبسـت ثـوب السعدمـن قبالـه=قامت تغطـى مـن خزاماونويـر
وفي حاجرنورالشقـارى زهالـه=وربـي كساهاثوبهاعقـب تدميـر
والبدوطشوشطـة مـن فضـالـه=وتوحي دنين انجورهم اللمساييـر
وصلوا على ذكرالنبي في عدالـه=وصلات ربـي عدمايلفـح الطيـر

[الاجهر]

رحم الله الاميرسويلم ابن هديبان ورحم الله الشاعر
مشكور وتسلم
تحياتي لك

[راعي العليا]

ونعم بالشيخ أبن هديبان وصح لسان راعي العليا

[منصوربن هديبان]

الله انه يرحمة وينزله اعلاء المنازل الله

ونعم والله ونعم العبد االعابد

نعم يقولون انه مثل ماوصف اجابه ربه

اخوي ابوفهد اسمحلي والله اني اعرفه وخواني الله يرحمة ولاكن انقطع من اسنين مشاغل الدتياء

وانا سامعه منه هو ولاكن شباب وريهمني الاالاغاني

امشكور مشكور والله اني ادور علي من يعرف القصيده والله جابك

وياليت الربع يثبتونها لان فيه من المواعظ والحكم الكثير

[ابوفهد العويمري]

اخي ابن هديبان
وله من قصائده هذه القصيده عندما اتى اليه ابوعيسى صالح ابن سيحان رحمه الله
فقل له يابو منصور نريد منك تستغيث الله لنا
فقال هذه الابيات وبعد القصيده بيوم هطلت امطار غزيره سميت سنة الغرقه وذلك عام 1395 ويقول شاهد اعيان ان نخل قرية ابا الصبان وقصورها التي بنيت من طين سقطت بسب هذه السيول الجارفه ويقولون ان السيول لم تتعدا عماير المرير جنوبا ولم تتعدا المزايين شمالا
وهذا من فضل الله سبحانه ان يستجيب لهذا الشاعر
وقال هذه الابيات

يالله من ماطر(ن) نشوه بالاثنينـــــــــــــي =نشوة ضحى رودمت لين اسبلت ماها
من عند الابيض تفيض مع الشعيبينـــــي =معها الهوا ساكره والشرق يطماهــا
اليا استوت وارتخت مع مرتع (ن) زيني =هلت سبل مابها والمزن يرداهـــــــا
من العماير تحد اليا المزايينــــــــــــــــــي =وسميت (ن) يلفح البراق بتلاهـــــــا

وعندما سقطت النخيل والبيوت بسبب هذه السيول
قال هذه الابيات

اعطيت ورضيت ياوال المقاديري=جنب سخط قوتك عنا منقواها
راح النخل والمكاين والبساتيني=وبيوتنا اللي تهدم ساس مبناها

اتمنى ان يحوز على رضاك ما قلت
تقبل تحيااااااااااااااااااتي

[منصوربن هديبان]

اقتباس من مشاركة ابوفهد العويمري اخي ابن هديبان وله من قصائده هذه القصيده عندما اتى اليه ابوعيسى صالح ابن سيحان رحمه الله فقل له يابو منصور نريد منك تستغيث الله لنا فقال هذه الابيات وبعد القصيده بيوم هطلت امطار غزيره سميت سنة الغرقه وذلك عام 1395 ويقول شاهد اعيان ان نخل قرية ابا الصبان وقصورها التي بنيت من طين سقطت بسب هذه السيول الجارفه ويقولون ان السيول لم تتعدا عماير المرير جنوبا ولم تتعدا المزايين شمالا وهذا من فضل الله سبحانه ان يستجيب لهذا الشاعر وقال هذه الابيات يالله من ماطر(ن) نشوه بالاثنينـــــــــــــي =نشوة ضحى رودمت لين اسبلت ماها من عند الابيض تفيض مع الشعيبينـــــي =معها الهوا ساكره والشرق يطماهــا اليا استوت وارتخت مع مرتع (ن) زيني =هلت سبل مابها والمزن يرداهـــــــا من العماير تحد اليا المزايينــــــــــــــــــي =وسميت (ن) يلفح البراق بتلاهـــــــا وعندما سقطت النخيل والبيوت بسبب هذه السيول قال هذه الابيات اعطيت ورضيت ياوال المقاديري=جنب سخط قوتك عنا منقواها راح النخل والمكاين والبساتيني=وبيوتنا اللي تهدم ساس مبناها اتمنى ان يحوز على رضاك ما قلت تقبل تحيااااااااااااااااااتي

الله هو القادر المقتدر

-----------------
نعم الرجال والله ونعم سعة البال ونعم العباده
ومن هذه القصص
وامثالها هي من افضل القصص وانفعها لمن يعتبر بمن لاترد دعوتهم

الله يرحمة ويغفر له ذنوبه
تشكر يابو فهد

علي مانقلته لنا من الدر الثمين للشاعر المستجاب

[ابوفهد العويمري]

الاخ العزيز ابن هديبان
مشكور على مشاعرك الطيبه التي تدل على انك تحب مجالس الرجال
وهذا ليس بغريب عليكم جد عن جد

الاخ العزيز الشاعر رابح له قصائد كثيره ومازال هذا الشاعر على قيد الحياه ولله الحمد اسال الله ان يحفظه من كل مكروه
تقبل تحياااااااااااتي

[منصوربن هديبان]

نسئل الله له العافيه وطولت العمر

وانا سئلت عنه فضي بن رييشان قبل كم سنه وقال الله يرحمة وعلي هذا الخبر فقط

والله رحمنا ويرحم جميع المسلمين
مثل ماقلت هو من الشعراء التي لايشهرون انفسهم ولايفكرون بذلك

زمن مثل هولاء يجب بذات وقتنا اليوم نشر مجوهراتهم الليطلع عليها من يرغبون ويحبون

الكلام الطيب
شكرا مره ومرات يابوفهد

نحب نسمع ماهو صحيح زصريج ونحب ان نقول من اقوال ربعناء
لان الطيب ودك انه اخوك وشلون ماودك ان الطيب من ربعك
هذي قاعده للرجال اللي فيه خير ومنه نفع

القاعده المضاده لها هي

من لايحبون الا انفسهم ويكرهون يسمعون غيرهم ويظلمون طيبهم ويمدحون خايبهم

واذ مدح الطيب ردي نزل من قيمته واذا مدح الطيب طيب بقي علي طيبه

واذا مدح الطيب ردي رفع من الردي ونزل من نقسه