[هـدوء الـحـزن]

تمنيت أن يكون هذا الموضوع في قسم تحت المجهر ..

ليفتح الباب على مصراعيه .. ولندلي بحقائق وأدله تجعل من المزاين أمر ضروري

ولكن الكلام محدود في هذا القسم ... وانما نطرح الامور للعامه وليس للخاصه

وشكرا لمن يستحق الشكر وهم كثر

(( عالسلامه ))

[الاجهر]

يربع المزاين اصبح مثل الفرض القبائل كلها سوت مزاين - وبعض القبائل سوو مزاين وهم غير مقتنعين فيه المهم مثل الناس .

وبعدين ممكن نجعل قيمة الجوائز لصندوق القبيلة

فكرة رائعة

[بحــ الخليج ــر]

موضوع رائع وانا مع راي اخواني اللي يعارضون فكرة المزاين فهو باختصار تحدي بين القبائل وكلن يقول القبيله الفلانيه سوت مزاين والثانيه سوت بالاخير ياجماعة هم بدو هذا تفكيرهم ولو فكرنا بالعقل والمنطق مالفائدة من وراء هالمزاين كله خسائر وتعب وتضضيع وقت والله اعلم من المستفيد من انشغال هالمساكين بهالبهايم اللي ماتدري وش السالفه وهذا البعير خرطومه ملتوي وهذا رقبته طويله وهذا سنامه منفهق ورى حتى ماينركب وخبال زايد ياجماعه والله هالمزاين مافيه فخر واعتزاز للقبيله وبعض الفائزين بالمزاين لو رجعنا على الدور الاول يعني دور الابل والجيش تلقى ماعنده الا عنزين ونعجه ويوم جاء دور البورصه والعقارات جمع له كم مليون (واشتراها)من الناس والشريطيه يعني ماهي له ولا لجده ولا لعده ماجابها بالسيف والرمح وضحى بدمه واهله علشانها من اجل ان يستحق المكافاة اشتراها والله اعلم يكون بمال رباء وهدايا من لاغنياء والادهى من هذا ان الابل اللي عنده تساوي قيمة الواحد فوق المليون وعنده يمكن 100بعير او اكثر يعني ملياردير وفوق هذا يعطى هدايا ومبالغ ماليه تفوق الملايين والبدوي المسكين اللي ذابحه الفقر ومبيع حلاله علشان يشتري له علف مايعطى ولافلس فهذا اعتقد ان فيه نوع من الطغيان والاسراف ياخي البعير مو محتاج الا كيس شعير وحزمة برسيم مومحتاج مخيمات ورقص وملايين والمجد والفخر بالفعل مو بالزين يمكن هالبعارين لو على دور اول كان بركت بوسط المعركه ههههههه على العموم اللي بغيت اوصله ياخواني ان المزاين مايضيف شي لتاريخ القبيله ولايغير من تاريخها شي ومعروفين اهل الابل والخيل ومعروفين اهل الملايين وتقبلوا تحياتي

[الربيط]

لا نريد مزاين للابل ففيه من

(الاسراف / الفخر المذموم / جالب لسخط الله على اهله / كسر خواطر الفقراء المساكين من ابناء القبيله لحاجة بعضهم لهذه الاموال التي هم احق بها من ناقه )


يانااااااااااااااااااااس ... آدم افضل من الجمل حيث فضله الله على هدم الكعبه

متى تعي القلوب







نريد تجمع الرابطه في العالم العربي .... هذا هو المفيد فمنه :


* صلة للرحم .

* التعرف على ابناء القبيلة في الخارج ... فلو سافرت الى احدى الدول تعرف ربعك اين هم .

[ولد عبس الرشيدي]

الا نبي مزاين مثل خلق الله

حلوة هذي القبايل تسوي مزاينات وحنا نقول لا ،،،،، ياخي ندعم الفقارى والمساكين في هذا المزاين يكون صندوق خاص لدعمهم

غريبة الاصوات تونا نسمعها بعد ماوافقوا على المزاين

شوكرن والمزاين قريب من عند الشيخ فهد ناهس البراك حفظة الله

[الربيط]

اقتباس من مشاركة ولد عبس الرشيدي الا نبي مزاين مثل خلق الله حلوة هذي القبايل تسوي مزاينات وحنا نقول لا ،،،،، ياخي ندعم الفقارى والمساكين في هذا المزاين يكون صندوق خاص لدعمهم غريبة الاصوات تونا نسمعها بعد ماوافقوا على المزاين شوكرن والمزاين قريب من عند الشيخ فهد ناهس البراك حفظة الله

لانريد ان نصبح مع الخيل ياشقراء كالباقين

حنا السباقين

وحنا اهل الاوله

لن يقدر احد ان يجمع قبيلته في العالم العربي كقبيلة الرشايده العبسيه المنتشره في بقاع الارض

هذه هي السابقه القاصمه

وهي فكره جديده

دعنا نحول المسار

الرشايده لم يتغير دينهم في العالم ولم تتغير عاداتهم الاصيله

اتمنى ان تفكروا جيدا وببعد

[ولد عبس الرشيدي]

طيب بالمزاين الرشايده كلها بتجتمع ياخوي

وبعدين انت تقول لاتصير مع الخيل شقرا يبن الحلال بكرة اذا صار الرشايده هي لحالها ماسوت مزاين من بين القبايل بتقول القبايل اكيد مافيه اباعر طيبة للرشايده او معندهم قدرة ؟ فكر شوي وبتعرف كلامي صح

وشوكرن

[الربيط]

اتمنى ان يضع الاخوه هنا هذا الموضوع في قسم خاص تحت المجهر كما اشار اليه احد الاخوه