[أبن حديجان العجرمي العبسي]

اقتباس من مشاركة شهاليل آهاااااا وانا اقول ابن حديجاااان وينه مختفى له مدة .., اذا عُرف السبب بطل العجب خخخخخخخخخخخخخخخ ياماال العافيه ...,’ ماشاء الله لاقوة الا بالله مطلبن اثيوبيا عشان المقنااص .., صور جميله وبإنتظاار باقي الرحله ., لاتتأخر علينا .., :)

هلا والله بالأخت شهاليل منوره الموضوووع ,, والله يعافيك ياغاليه :)
أي والله أثيوبيا والحمدالله على سلامتنا هههههههه << منتهين ككككك
وأبشري بالخير المجموعة مقبلة إن شاء الله ... ومشكورة على المرور .

[أبن حديجان العجرمي العبسي]

اقتباس من مشاركة فهد الطويل الله يعطيك العافيه بسراحه صور حلوه بس استعجل علينا بالصور "ابجلس هنا لين ماتجيب الصورالباقيه"" ههههههههههههه الله يحفظكم وتقبلو مرورررررررررررري

هلا والله فهد منور الموضوع :)

وعيونك الحلوين ياغالي ... وأبشرو بالخير << يمكن الكثير مايعرف طريقة سرد القصة !! أنا أبنزل الموضوع وأخليكم تعيشون معي كل لحضة بصورة :)

وأبشر ياغالي الموضوع ماتم إلا لكم .

[أبن حديجان العجرمي العبسي]

اقتباس من مشاركة سند الداموك يعطيك العاافيه يابن حديجان ورحله جميله وبإنتظار بقية الاجزاء تحياتي

هلابك سند منور مره ثانية وأبشر بالخير والله يعافيك من كل شر ياغالي .

[أبن حديجان العجرمي العبسي]

اقتباس من مشاركة (ابوعواض) يعطيك العااااافيه تاااابع يابطل

أبشر قاعد أجهز الصور,, أخر جز لليوم ونكمل غدا" إن شاء الله .

[برق الوسم]

ابن حديجان
حياك الله
والحمدلله ع السلامه .. ياطويل العمر
صووور روووعه ... ومتاابعين
لايطوووول انتظارنا ... الله يسعدك
تحياتي لك ...

[مروان الرشيدي]

يابن حديجاان منور والحمد لله على سلامتك


يولد والله لعبت بأعصابنا


لاكن عندي لك فكره هات الصور وخلني ارفعهم مره وحده ونخلص << متحمس الولد هع هع



ومقنااص واضح انه كله فله ومغامرات


صايد والله ونورت المكان انت وموضوعك

[عبس404]

الحمدلله على سلامه ومن طول الغيبات جاب الغنايم وجيتك اليوم اكبر غنيمه يا ابن حديجان

[أبن حديجان العجرمي العبسي]

نكمل الجزء الأخير لهذا اليوم على أمل أن نلتقي غدا" بالجزء الثانــي وبداية الرحلة

الفعلية لأخوانكم << أنواع الصدمات ههههه ...

بسم الله

صورة الشباب وحنا متوجهين إلي المطعم السودانــي طلع قريب من شقتنا وقررنا ناخذها تمشية بشوارع أديس أبابا ,, أبونايف وأبوفهد وأبومبارك مبسوطين على الأخر مايدرون وش ينتظرنا هههههه ,,

وهذا الشايب أبوفلاح مبسووط علي الأخر وكان متحمس للصيد بصورة غير طبيعية ههههه ,,, والحمدالله على كل حال :)



وصورة للشباب وأحلي خويا برحلة رجال شرواكم كلن يشد حزامة لصيد:) والوالد خلف يتمشي على راحته ولقا واحد يسولف معه إلي أن وصلنا للمطعم



وحنا جالسين بالمطعم يوم وصلنا لقينا كل المطعم طاولات وأصرينا أنا نجلس على الأرض أزاحم الطاولات وفرشو فرشة وجلسنا نسولف مع الأخ طلع يتكلم عربي وفادنا على عدة نقاط وأستفدنا منه :)



وهذا قبل الغدا جابولنا شوربا ويدام مع خبز طلع فلفل مررررره :)
والله يديم النعمة من غدانا أزين ماطلبنا (( شيــا )) ومعناها بسوداني لحم محموس مع ملح فقط .. والحمدالله على النعمة أولا" وأخرا"



تغدينا وعينا من الله كل خير وشربنا ببسي << هههههههههههه أدمان ببسي أبونايف ولامهونه لكم ولا لخوياي يقووول هذا طعم الببسي عندنا سنة 1970 ومن عرفت الرجال ماعمري شفته يشرب الببسي إلا بأثيوبيا هههههه ,,
طلعنا من المطعم لقينا الرجال هذا يبيع فول سوداني محمص طازج وطعمه رهيب مررره :)


شوارع أديس وحنا بطريقنا إلي شقتنا (( ويمال السيل )) ههههه



أبومبارك يقول متحديك متحديك بتصوير وبالله عليكم ردووو عليه ههههههههه
ياحليلك يأبومبارك ونعم الرجل شرواكم


وهذا منظر أخر من العاصمة أديس أبابا :)


القات وما أدراك ما القات << ياداااااااااااافع البلا من إلي يخزنووون قات !! الله الله الله الله .... كل زاوية فيها مجموعة وأعتقد كلن منهم يقووول التخزين عندي !!
الله لايبلانا ومعدمهم بشكل رهيب وفيه ناس أصبحت بلاعقل من القات وشفنا بعيونا أشياء لاتصدق مع أهل القات الله يعينهم على مصيبتهم ... وعلى فكرة مسموح مررره القات يباع بشارع وله أنواع كثيرة مررره ومنها الشديد ومنها الخفيف << حسب كلام أهل القات من سؤالي لهم !! << لاحول الله .




إلي ذالك الوقت أتمني من الله لكم دوام الصحة والعافية مع متابعة طيبة لباقي الموضوووع والله يعينكم على موضوعـــي (( والخافي أعظم )) هههههه

دمتم كما تحبوووون ياعبس إلي أمل أن نلتقي على خير بالحلقة المقبلة غدا" أن شاء الله ... تصبحون على ألف خــــــير .