[عواض بن بهلان]

يقول لي [ كل الغلا ] من عطيته ..؟!

قـلت اعكس الجمـله وتطلع ( الغـلا لـك

[عواض بن بهلان]

لولا الخطا محدن عرف قيمة الصح
..........................ولولا الصحيح يصح جات الفضايح
شي طبيعي يوم ننصـح وننْصـح
.............................الناس كانـوا يشتـرون النصايـح
ياجاهلٍ في الوقت تسرح وتمـرح
.............................ترى الحيـاه لهـا نظـام ولوايـح
وأن كان ماتبغى كلامـي هـذا رح
....................واشره على اللي قال وين أنت رايح

[عواض بن بهلان]

ماكل من يضحك بوجهك يودك ** ولا كل من يبكي بكى صدق واحساس
أحدٍ بكى في غيبتك يوم صدك ** وأحدٍ ضحك يومك عليل ومحتاس
عش في حقيقه واعرف اللي يحبك ** واعرف قدر من هو يعزك من الناس

[عواض بن بهلان]

ياوجودي وجد من صفق على ماضي شبابه
,,,,,,,,,,,,, بان شيبه والسنين اللي يبيهن خالفنه
غرته خضر السنين وراح عمره مادرى به
,,,,,,,,,,,,,,,,,غررنه وارفعنه إلين سج وحولنه
وياوجودي وجد عودٍ لا عيال ولا قرابه
,,,,,,,,,,,,,,,ماجداه ألا يون ويردف الونه بـ ونه
مالقى فزعة رفيق ولا دعاةٍ مستجابه
,,,,,,,,,,,,, كل ماأمسى له بظنٍ خيبة الأيام ظنه

[مرآهيش]

ليه أحس القصايد في غيابك تغيب= ليه عقبك أحس إن الكتابه ملل
ليه أمر القلوب العاشقه مستريب= ليه أحس المكان إليا ذكرتك طلل
ليه ماني على بعضي ولاني قريب=يمّهم يوم يقرون بقصيدي خلل
لا تعاتب وأنا أدريبي قليّل نصيب= لا تعالج لك الله ممتلي بالعلل
بس أفهم ولا عقبك لقلبي حبيب= وإن غيبتك خطبٍ في عيوني جلل

[.last breath]

,

,,

ليه الزمـن يلبـس قنـاع
ويعلـم الصـدق الخـداع

ويخلـي لحظـات الفـرح
ساعات من ليـل وعـذاب

[فضي البراك]

ان كنت مانت بمصدق على هوووونك=تعآآآآل طالع دروبي وين ودوني
(أصبحت أجامل عدآي اللي يحبونك)=وأكره مشاهد عداك اللي يحبوني

[مرآهيش]

يوم هبّ الوقت و أعماني عجاجه=الفرج عيّا و أنا بالصبر راهي
ويوم مال وطال ميله وأعوجاجه=رحت أدوّر شين يشد إنتباهي
وشفت زولك مقبلن مثل إنفراجه=كنّه اللي جايبن عزّي و جاهي
ياه يا ضيقات صدري وَ إبتهاجه !=تذكر آخر مرتن شفتك متى هي !!
صاحبك من يومها زاد إحتياجه=وأمتطى ظهر المصايب والدواهي
سولف الليله على قلبي و ناجه=من بقى لي غيرك أفخر به وَ أباهي
يابعد من كدّر غيابي مزاجه=وَ يابعد من مرّت حروفه شفاهي
رغم حيرة قلبك ورغم إنزعاجه=الزمن ماغيّر احساسه تجاهي
ورغم وحشة بعدك وَ قسوة سياجه=كل حاجه فيك ظلّت مثل ماهي !
الخجل في وجهك أول مـ نتواجه=والبراءه في عيونك وأنت ساهي
و بسمتك لامن بغيت تقول حاجه=وغيرتك لاشفت كنّي عنك لاهي
قبل أشوفك والزمن عاقد حجاجه=أسأله : وش فيك ؟! وألقى العذر واهي
ويوم شفتك قلت للوقت وعجاجه :=هيه ياللي في طعونك كنت راهي !
أنت لو غيّرت فينا ألف حاجه=القلوب البيض تبقى مثل ماهي