[الهنوف]

بروح بعـد إذنك وأبرتاح وأنـام
من ليلة البـارح وحنـا هنـيّـا

أكتب وتقرون من بـوح الأقـلام
قافٍ رفـض صمت الكلام وتهيّـا

تدرون ..؟! خلوني على كف الأيام
النـوم نادته المحاجـر وعـيّـا

ناموا وأنا مابيـن حلمي والأوهام
متعلقه بيـن الـثرى والثـريّـا..!

[عواض بن بهلان]

يمطر لغيري من حنانك سحابـك

ويموت قلبي ظاميٍ بيـن أياديـك

رجيت عطفك بس ، طال الرجا بك

لين انقطع باليأس كل الرجا فيـك

[مرآهيش]

إلى لندن أبرسلها نداءات الوله والشوق=إلى ذيك الثلوج اللي تغطي كل ما فيها
إلى صوت الجرس لما جرس ( بق بن ) يجي مدقوق=إلى ذيك الدروب اللي خطى هالهجر تمشيها

[ناصر الرشيدي]

ماهو بكى ... حزن هذا اللي حكت عيني
.................... لكنها يا صديقي دمعة الفرحه

مبروك لفضي البراك

وانتظروا التغطيه كامله بعد سبوعين :)

.

[ناصر الرشيدي]

ياكثر ما غيب عنها و انشغل عنهـا
...........................واخطي عليها خطايا مالهـا تالـي
وان عاتبت رحت كني ما علي منها
.......................وقفلت عن صوتها سمعي و جوالـي
انظر لها نظرة اللي مـا يواطنهـا
.........................ما كنها اول طموحي و اخر امالـي
وان قلت ابثقل عليها ليـن اجننهـا
........................ضميت عليها عيوني و انشغل بالـي ~


....

[الـشـقـاوي]

كَل مآاحسَ انيّ فهمتكَِ - ! -
وٍ آتقرب .../ وٍ أعيشَ حبكَ ...
ترجعَ بـ/ صصصصدَمهِ جديدهَ ,
( تببببعدكَ) .. عن قلب - ح ب كَِ -

[عواض بن بهلان]

الحلم يكبر براسي والهقاوي بعيد
..... وانا طموحي طموح اللي بعيد ٍ مداه
لي حلم ابا حققه مدري متى الله يريد
. يطري على خاطري حتى وانا فالصلاه
ابعد من الجدي واقرب من حبال الوريد
.واسهل من النطق واثقل من جبال السراه

[هذيان]

.
.
عرفت إن السعـادة بسمـة الأحبـاب !
ولمست إن البـلاد عيـون غالينـي !!
بيوم الحزن كشّـر للمفـارق ... نـاب
سمعـت الريـح والذكـرى تنادينـي !!
مقلط بيتنا ! ودلالنـا ! ..... والبـاب !
تبي تصـرخ دخيلـك ... لاتخلينـي !!
كفوف اخواني تلـوّح وش الاسبـاب !؟
وصوت امي علـى نفسـي يوصينـي !
بظن إن الرحيل و وحشـة الاغـراب !
تصير مهند ٍ يدمـي .. نحـر دينـي !!
رحلت وفي عيونـي كانـوا الاصحـاب
مصابيح ٍ تضـوي عتمـة سنينـي " !!
وطارت من يدينـي أمنيـات اسـرااب
ولاحطت علـى ضفـة .. عناوينـي !!
ومـرّت صورتـك وترقـرق العنّـاب !
ولون التووت غنّـى فـي شرايينـي !!
ياليت آكـون حلـم يعيـش ماينجـاب !
وانااااام وصفـة رموشـك تغطينـي !!
واحلق بـك سمـا ود وغـلا واعجـاب
وفي قلبك عـن العالـم .. توارينـي !!
واذا تسأل : صحيح إن الهوى غـلاّاب
جوابي لـك : تكـرّم ناظـر بعينـي !!
تشوف إنسـان بهيـام المشاعـر ذاب
يغني لك " أحبـك لـو تجااافينـي " !!
وحانت رحلتـي والأمنيـات ركـااااب !
مقادير البدو ... ...قامـت تسرّينـي !
رحلت بـحلم شايب وبعزيمـة شـاب !
مرامي : عودة الـورد لـبساتينـي !!
حبيبي ماعلى الصلب الكسيـر عتـاب !
وانا جور الزمـان المـر .. مروينـي !
تعاتبني ! ... وانا مابين ناب وناب !!!؟
وعن لمّة حطامي ... عجزت ايديني !!؟
كفاني من عذابـي وحشـة الأغـراب !
وأنا اشوف بعيونك ..... " لاتخليني " !!
.
.