[سعد بن عادي]

الهجير اللي تزايد في ضلوعـي حـرّه
له ثمان سنين واعماق الحنايا بيتـه...
كل ليل الضلع الاول للأخيـر يمـرّه
والبلا مع حزة النومه ضبط توقيته...

[سعد بن عادي]

لي سموّي لو سموّ الشيخ ما يرضا بـه
المـدوح الزايفـه لا ينتظـرهـا مـنّـي

أن مدحنا ما مدحنا غيـر أسـود الغابـه
لو عيال الذيب ترقص مع عيال الجنّـي !

عشت يا راسي بخير ولا عليـك رقابـه
يا عسى تفداك روس ٍ خاب فيهـا ظنّـي

[سعد بن عادي]

ياحبيبي عيونك في هدبها كـلام
مير عيت شفايفك الخجوله تقول
اقتل الصمت واطلق للكلام الخطام
تضمحل المشاكل مع وجود الحلول

[سعد بن عادي]

ياشين الخطأ لاجاك من واحدِ تغليه
ماتدري عليه تـرد والا تحملهـا

[سعد بن عادي]

القناع اللي لبسته عنك زال
أقضب أرضك لين حظّك يعتلي
ما طلبتك .. لا جنيه ولا ريال
والمدوح اللي تجيني منك .. لي
يا مشخّص بالعمامه والعقال
راسك الدرموح ما جاله حلي
مير خلّ عمامتك لأم العيال
وأنت أخذ منها الحرير المخملي
لا تعلّمنا لسانك ويش قال
لو تموحه مثل ميحات الدّلي
كل بادي ليل تسرد لك مقال
وبلبلي يا أم البلابل بلبلي
اليدين قصار وعلومك طوال
ولو نصوّت لك تلقيّت الخلي
يختلف طبعك عن طبوع الرجال
الرخامه عنك عيّت تنجلي
كان تبغى مثلها .. روح وتعال
مير قبل تروح سجّل ما يلي
نعرف الطليان .. ونعرف الجمال
كيف تنطح لك جمل .. وأنته طلي ؟

[سعد بن عادي]

عزالله ان البدو ما كانوا كـذا
أهبّ يا هذا المسلسل ما أكذبه
تسولف الحرمه معا هـذا وذا
والرجل بالمكياج دقنه وشنبه!