[بشير العايضي]

جرحتني يا مداوي الجرح بإجراح
وأنا أحسب ِإنك صادقِ في دوايه

[عواض بن بهلان]

ليتك بوسط العين أو بيـن الأهـداب=وليتك بوسط الحضن ساكن ومدفـون
وليت اللحد صدري ولو فوقه تـراب=وليت الجسد قبرك وأبي الناس يدرون
وليت المنايـا تندفـع دون الأحبـاب=بروحي أنا بفديـك وفينـي يعـزون
راح الحبيب اللي له الجرح ماطـاب=راحت حياتي كلهـا دمـع وحـزون
أمشي وحزني يقطع القلب منصـاب=فقـد الحبيـب كايـد لا تلـومـون
رحلت يا عمري وخليـت الأصحـاب=وقعدت أجر الصوت ياللـي تنيحـون

[هـدوء الـحـزن]

يا ما على الجاهل يفوتن الافوات .. ويا ما على العاقل تحل المصايب

(( عالسلامه ))

[مسموح يالغالي]

أهداء لجميع متذوقي الشعر 000 مع العلم بأن القصيدة محفوظة الحقوق للشاعر / محمد بن مسفر
القحطاني (( أبن خالي ))

أنا أحب الشجاعة والكرم والوقت حــــال وحال 000 ومن يبغى إحترام النفس لا يكشف وجايعها
وأنا أحب أبذل المجهود وأفـــــرح بالقناعه فال 000 مع النفس العفيفه وإحترام اللي يشــايعها

وأنا ما أحب تجريح النفــــــوس ومن ترفع طال 000 تعرف سلوم ناس وناس ما تعرف طبايعــها
وأنا ما أحب أسولف والسوالف مالها أستقبال 000 ولا يخبرك بأسعار البضايع كون با يعــــــــها

وأنا ما أحب تكذيب الصديق وشيلة النقـــــال 000 شقايق في ستار الوجه ما تبراء شلايعـــها

أخوكم مسموح يالغالي

[بنت العبسي]

نقل راائع يحميك المولى

[بنت العبسي]

ياقبر اعز انسان غالي رقد فيك=خفف علية من التراب الثقيل
ياقبر ماني طيب عقب راعيك=الي رعاني صار عندك نزيل
اغليك انا ياقبر من حب غاليك=مرحوم ياراعي الوفا والجميل
ياللي سكنت القبر صوتي يناديك=موتك جرح قلبي وهد حيلي
ماانساك واللة لين قبري يوازيك=واعلن من الدنيا العريضة رحيلي
يبكي عليك البيت من عرض اهاليك=ليا دخلت البيت دمعي يسيل

[رحيــــــل]

ول ياكبر القهر لاصار ما باليد حيله
والجروح من القرايب والخطا مني وفيني

إن نويت اشفي غليلي ما لقيت أية وسيله
كيف ابلقى دام جرحي سبته طعنة يميني

[رحيــــــل]

يا ناس ويش الحب يا ناس يا ناس
لا قلت أحب اللي له الحب ما قِيس

حبّي لها ما يعرف حدود و قياس
طغى على " عنتر " و غطى على " قيس "

بإحساس ما يشبه أبد غيره إحساس
عدّا " نزار " اللي تغنّى بـ " بلقيس "

فـ القلب مسكنها و الأضلاع حرّاس
و لا ملّت الوحدة لها النبض تانيس