[آهــذريــبــك]

أشهد أن بعض المواقف " تحدك للسكوت "
تجـبرك بالصمت لـو أن في صــدرك كـــلام

[العنكبوت K]

مشكور ويعطيك العافية

[آهــذريــبــك]

لاتحسب السبت ناسي ليلة الجمعة
ولا الخميس استحى من يوم الإثنيني
الحب فزعة وأنا طلاب للفزعه
يما الإجابة نعم ولا تناسيني
شمعتك تحرق وأحب إحراقهالشمعة
يمكن عشان إنها بالحرق تدفيني

[عنقود البدو]

هلا بالخاطر اللي لا خطر يرتاااح معه البال

هلا باللي إذا جااني يروق لجيته بااالي

[النمر1012]

تدرين ويش اللـي يخلينـي اتـوه؟
واضيّع اللـي كنـت نـاوي اقولـه


لامنّ رديتـي وقلتـي لـي الـووه
تضيـع كـل المفـردات بسهولـه


والا انا يا اميرتـي فالغـلا يـووه
ما فيه احد ياخـذ معـاي البطولـه


بالفعـل لـو بقولـك شـي قالـوه
اشره على نفسي اذا جيـت اقولـه


يانور عينـي ياحياتـي وياهـووه
يادنيتـي يامنوتـي يـوم اطـولـه


لبيه يا احلا بنـت واثنيـن جابـوه
يا اجمل جميلات العـرب ياخجولـه


اسمك اذا جابـوا مجالـه ونـادوه
جوارحـي مـن فرحتـي صفقولـه


فديـت قلبـك والمخاليـق يفـدوه
ياجنتـي ياحلـم ذيـك الطفـولـه


حلمٍ قضيت سنين عمري وانا ارجوه
حتى تحقق فـي وجـودك نزولـه


قلبي بحر والناس ما يـوم عامـوه
كـلٍ يبـي مرجـان قلبـي ولولـه


تعالـي بستيـان وردي ومـايـوه!
وعومي بكيفك فيه عرضه وطولـه


يفـداك مرجانـه ويفـداك لولـوه
ملكك لوحـدك مـا يمـرون حولـه


ولا تسأليني ليه ويش فينـي اتـوه
ماعاد عندي شـي غيـرك اقولـه

[ابوديما]

اشتقت .. والا ما يهم اني اشتقت
ما ودي افسح .. للحنين الكتابه

كافي علي اني الى من .. تضاقيت
ضميت وجه الخوف .. داخل ثيابه

[ذبحني غروركـ]

صـــــباحك بالكــــــلام اللي يزين خــــاطري وياك
،،،،،،، بســــوق الشــــــعر لعيونك .. وأغنيها على بيتك
بأعــلق روحي بروحك ،، وأمشـيها على ذكراك
،،،،،،، وأقول بلهــفتي : ويــنك ؟ ترى من لوعتي جيتك
قريتك حـــرف .. والمعنى : بقلبي شاعر ٍ يقراك
،،،،،،، كتبتك حــــب .. يفضــــحني .. وأنا بالسر وصيتك
أنا ماشي على دربك .. ورجــــلي سابقة لخطاك
،،،،،،، أخاف قلوب تسبقني ،، وأقول بصــوت : يا ليتك
تعال نعيــــش في روحي يشــرف أرضها ماطاك
،،،،،،، تعال بعــــالمي تكــــفى .. بكل إحـساس : ناديتك

[ابوديما]

تدفعني اشواقي ويرهبني البوح
ما غير المح لك عن الحال تلميح

ويضيع رجع الصوت واقول مسموح
كم حيرة فيها عن النفس ترويح

اصعب سؤال اواجهه وين ما اروح
به ينبني قصر للاحلام .. ويطيح

الصدفة اللي ساقت الروح للروح
وش منتهاها بالقلوب المجاريح ؟