[النمر1012]

وأن شفت درب العز ماروغ عنّه
وأجيب طيب المسك لوكان غالي
ومن ظن بي ظن ٍ تعديت ظنّه
وأقول قول الصدق والصدق فالي
وأسامر نجوم الليالي بونّه
وأهيض القيفان فيما جرالي
تطفي هجوس ٍ بالحشا مرجهنّه
أقنع بها من هو من الهم سالي
هذا الجواب وسيفكم لاتسنّه
وعساك تعرف رد نفس السؤالي

[النمر1012]

تبغى علومي؟ صب فنجان دله
من شأن شئٍ داخل الجوف ببديه
أصبحت مثل اللي مريضٍ بعله
ويرجي الرجاء في مكتشف من يداويه

[النمر1012]

لا تناظرني بنظرات غريبه
العيون يهزني لمحة بصرها
ما هقيت ان نظرة العاشق عجيبه
لين شفت العين غرقان هدبها

[النمر1012]

تحسب أني عديم أحساس مابالي
وأني هني الحياه اللي تعانيها
لا والذي صوّرك ماكنت أنا سالي
ياكيف أنا أسلى وأنت تسهر لياليها
الخوة اللي تجعل الصدق مدهالي
صعبه على الشمّات يدخل مبانيها
والخوة اللي تسمّع القيل والقالي
لابد للي ناوي الشر يعميها
وصلاة ربي في نهاية مقالي
على الرسول الهاشمي بأختم معانيها

[النمر1012]

من ذاق طعّم التضحية في لهفة قيود العناق
طاوع هواه . ورغبته كسّر سلاسل شوقها
يا بنت . من حب السعه ما حب جوّ الاختناق
تضحك هلّ النمة وتلّوي بالكلام شدوقها

[النمر1012]

والصيف اخذها ياعسى عمر الاجازه مايطول
وآمال عمري تنتظرها واقفه في بابها
قولوا لها وضعي معاها يرفض انصاف الحلول
ترجع وتعرف ماحصل في دنيتي باسبابها

[النمر1012]

وانقسم بحر الهوى بين الكتابه والقراءه
واصبح الحب ايتثى بينهم من دون قيمه
لاقسى وجه الزمان وصار داءه في رداءه
صارعدل الوقت فعيون العرب مثل الظليمه
الشجاع الي يخبي الجرح ويظهركبرياءه
ماطلب منك العفو لو كان رمحك في صميمه
والبريء الي قضى عمره لإثبات البراءه
شابت عيونه من القاضي وتثبيت الجريمه
وقفوا حكم القضيه واسمعوا آخر نداءه
لك نديمٍ يانديمه مابغى غيرك نديمه

[النمر1012]

عل اللقاء بيني وبينك يعودي
يا اللي ليقتك وأنت في زحمة الناس
منته لديرتنا من اول ترودي
لكن حداك الحظ في فرصة ألماس