[ابوصالح لرشيدي]

يسلام عليك ويقو اسمع اسمع طال عمرك ..

ياشاعر الصعلوك حيّت حيّت=وحيّت ياراساً على العز رباك
بشعر والنوماس طالع لكم صيت=ابوصالح من معزتك ناداك
وماني من الي يدفن البيت بالبيت=شاعر ومتذوق ونفرح بالقياك
وسلام من عداد مارحت وماجيت=وعداد ماحرفً كتبته بيمناك

بعد لا تصير مثل عمدتنا ممنوع الاقتيباس ترى وضعه مو صري ههههه خلها على حاله ههههه

[شاعر الصعاليك]

صح لسانك ولسسانه ، وغمرت الصعلوك بطيبك طال عمرك

وقله الصعلوك يقول ما عليك زود ، وهاك أسمع

خطن لابو صالح قريته وفزيت = نادى على الصعلوك واقول له جاك
يا مرحبا بك عد ما اصبحت وامسيت = بالعود والريحان ياشيخ يزهاك
ذوقك وفكرك ما اختلط داخله زيت = ولك نظرة فالبيت لامن تعداك
وافي مع الوافي ولعداك وفيت = وافي على الوجهين من طيب منشاك
وان كان في حي الصعاليك مريت = اقولها مليون مرحبا وحياك

[قناص الضواري]

صح السانك يابو صالح
وصح السانك يصعلوك

[شاعر الصعاليك]

صحت ابدانك يا قناص ،،

وصباح الخير على أهل الديوانيه ، وعطونا أعلومكم ياهل الضحاوي

[الشقاويه]

السلام عليكم ورحمة الله وبركاته
صح اللسنتكم ابو صالح وشاعر الصعاليك

[شاعر الصعاليك]

وعليكم السلام يالشقاويه الخضراء ههههههههه
وصحت أبدانك ، ما تدرين عن اخو جزعه وش اعلومه
الظاهر انه اختفى بعد هالغبار ههههههههههه

[الشقاويه]

لا ما شفته بس اذكر اخر بيت قاله هذا

يا تل قلبي يوم قفا وانا اقفيت = من عقب ما حي بولكم هلا باك

[شاعر الصعاليك]

اقتباس من مشاركة الشقاويه لا ما شفته بس اذكر اخر بيت قاله هذا يا تل قلبي يوم قفا وانا اقفيت = من عقب ما حي بولكم هلا باك

قصدك أخر تغريده ههههههههههه