[شـــوق]

1 سارا كيك او باوند كيك فانيليا
مربى مشمش
حليب طازج
2 دريم ويب
2 قيمر كي دي كاو
2 جلي مشمش
4 حبات جبن كيري
مشمش معلبات
الطريقة السهله:
==========
==========

تقطعين الكيكة مستطيلات وتصفينها بالبايركس الكبير المستطيل(طبعا اهو حجم واحد الكبير)
وتشربينها بشوية حليب سائل وعقبها تدهنينها بمربى المشمش(طبقة خفيفه تمسحينها مسح)
وبعدين بالخلاط :القيمر والدريم ويب وجلي المشمش والجبن وفنجان مو متروس حليب سائل
ليما يمتزج الخليط عدل تصبينه فوق الكيك المدهون بالمربى وتزينينه بالمشمش المعلبات.
وانا مرة ماكان عندي مشمش معلبات فرشيت من فوق بودرة جلي المشمش وصار لونها أغمق من
الخليط تقريبا برتقالي غامق وشكلها وطعمها لذيذ.
حلااااااااااااا رووعه بسويه اليووم بعد :))

[الجود]

ههههههههه

المهيمزيه هذا يسمونه حلو الرفله ههههه

لان مايحتاج لا فرن ولاشي وكل شي جاهز

بس صراحه لذيذ

[شـــوق]

اقتباس من مشاركة الجود ههههههههه المهيمزيه هذا يسمونه حلو الرفله ههههه لان مايحتاج لا فرن ولاشي وكل شي جاهز بس صراحه لذيذ

هههههههههههههههههههههههه احلا شي

بعدين ياويلج من البنات لانه هالحلوو كاتبته لهم ,, لا لا يا الجود تقولين عن خواتج رفلات ماهقيناها منج
يعني عشانهم توهم مبلشين يتعلمون الطبخ تكرمشين مشاعرهم واحساساتهم

<<<<<<<<<<<< تحرررش

[الجود]

انتي المفروض تبدين معاهم بالعميق وعلي طول تحطين طريقة

طبخ الذبيحه خلك جديه معاهم اول شي هههههههه

[بنت الأصايل]

مليون هلا بالغاليه بنت العبسي


الحمدلله أنك موجوده وبخير وهذا أهم شي أما النك مو مهم


المهم أنك بنت العبسي وهذا يكفي


وبالنسبه للرساله ماتصدقين شكثر فرحت فيها ( كنت حاقده على دمعة فرح )


وبعدين شدعوه معقوله تشكين بمعزتك عندي بصراحه زعلت بس الفرحه نستني الزعل


وياهلا فيك مره ثانيه ولاعاد تعودينها

[ابوجن]

بنت الا صايل
معليش سوال
اذا تكرمتى اختى فالسلام
بنت العبسى موجوده
وش نكه

[بنت الأصايل]

الهنوف


حنان


طيف المشاعر


أعتذر منكم والله إني أحياناً أدخل بس أكون مستعجله وما أقدر أرد


بس أطمن عليكم وأروح أكمل شغلي


حاسه إني حايسه برمضان بين الطبخ والزيارات وعيالي وفوقهم أبوهم الله يخليه لي


المهم انتو كيفكم وش أخباركم والله اشتقت لكم ولسوالفكم


واشوفكم قلبتوا السوالف طبخ أي استشاره ترى خبرة مطابخ مع إني ماواطن الطباخ


حنو نه ماعليج من المهيمزيه ترى ماعندها سالفه


خذي العجينه هاذي لعيونج يالغاليه


فنجان قهوه سكر


ملعقتين خميره فوريه


كاسين ماء دافي


ذرة ملح


كاسين طحين الترجمه دقيق ويفضل يكون كويتي


ملعقتين كبار حليب بودر


تخلطينهم وتتركينهم عشر دقايق


وبعدين تضيفين لهم


ثلاث كاسات طحين


نص (نصف) كاس زيت


أعجنيهم عدل واستخدميها على طووووووووول


الجود مو تقولين عجينة الرفلات هذي عجينة السنعات اللي مثلي هههههههههههه


بس والله من جد رووووووووعه خفيفه وطريه ولذييييييييييذه وما تاخذ وقت


وتراها معروفه بإسم عجينة العشر دقايق


إذا طلعت حلوه أمانه معك تدعين لولدي بالشفاء


وسلامتكم أي شي تبونه قولوا لي وتركوا المهيمزيه

[ابوجن]

الله بخلينكن كتاب الطبخ
تقبلن مرورى