[سعد بن عادي]

دورت فـي صـدري لحزنـي منافـذ
وعجزت لا القى في الحقيقـه طريقـه
مدري وش آخلي .. ولا ادري وش آخذ
مشاعري صلفه .. وروحـي رقيقـه
ولا انكـر عيوبـي .. عليّـه مآخـذ
حب الصراحـه .. واعتنـاق الحقيقـه

[سعد بن عادي]

هنا.. فصل الحكاية واصلها من سالف الازمان
خلل يصعب على الانسان مهما كان اصلاحه!

تئن الريح فا البحر الغزير ويفزع الربان
اذا مال الشراع وضيع المجداف ملاحه

ترجل فارس وطاحت سروج وضاع صوت حصان
عبس وجه الحياه وجـرد الفـارس مـن سلاحـه

اذا صارلك يالعصفور ريش وصار لـك جنحـان
تبي تسخر من الصقر الجريـح وكسـرة جناحـه

عبث حب الخـرز بالمسبحـه والشاعـر الفنـان
تساقط مثل حبـات الخـرز مـن خيـط مسباحـه

فرح وين الفرح والأرض لاصاحـب ولا خـلان
فـرح ويـن الفـرح والنـاس سراقـه ومزاحـه

فـرح علـق مواعيـده علـى شماعـة النسيـان
وأنا المنسـي وراى شماعـة النسيـان وافراحـه

انا من وين ابلقى في زمان الزود والنقصان
صديق يشتري مني تعب ويبيعني راحه

متى تصحى شعوب وينتصر حلم وتعيش اوطان
متى حقل السنابل يرتمي باحضان فلاحه!!

[سعد بن عادي]

عيني على اللي مابعد شافتة عين

ولا كـل مـن وده يشوفـه .. يشوفـه

مـزيـون لـكــن غـيــر كـــل المـزايـيـن

عــذروب تـرفـات الصبـايـا وصـوفــه

[سعد بن عادي]

حرارتي تسع وثلاثين من دونك
وضلوعي العوج .. من دونك لها حنّه!!
وعيوني .. أيتام من خلّتني عْيونك
إكفل يتيمين ، وإضمن فيهم الجنّه!

[سعد بن عادي]

عشرين عام ..وماتغيّر ولاشي!
نفس الرسوم اللي على باب دارهـ
حتى شبابيكـ التلاقي كما هي!
النقش ..وألوان الحشب ..والستارهـ
معقول ياقلبي قديم الهوى حي!
بشّر ..وأخذ مني كبير البشارهـ

[سعد بن عادي]

ياكثر من مرّ في بالي .. ولا أشتقت له
الا انت .. ياللي ليا مني ذكرتك / سرحت
طالبك : ( حلم ٍ حلمته معك ) .. لا تقتله !
ارجع / تراني من سهوم الصدود انجرحت

[سعد بن عادي]

خدرة عيونه .. وخثرة نبرته .. وجفاله
وابتسامة شفته .. ونعاسته .. وغروره
كلها عندي (حلا) الدنيا بكـل أشكالـه
وكلن يوصف (حلا) دنياه من منظـوره

[سعد بن عادي]

تضيع الابصار عند الضيق والانفعـال
و المنفعل في كلامه ما يعي ما يقول
تراك مسموح مني ياحسين الخصـال
لو ان كلمتك في صدري تجول وتصول