[النمر1012]

لا تقطعين الياس مني وانا حي
تكفيني الذكرى وشوف الرساله
وان مت ذاك اليوم من فقدي ابكي
كان القلوب البيض فيهن عداله
وحده من الثنتين ياذي ياذي
قلبك معي ولا مع الغير داله
ان كان قلبي تحت شمسك لقى فيّ
عليك قلبي مد وافي ظلاله
ما قلت هذا لك واللي بقى لي
قلبي حلالك يوم جيتي حلاله

[نايف ابن عليثه]

لو طاحت انفوس الرياجيل ماطيح
عليت نفسي للعلا واعتلـت بـي

اقدر ضروف الوجيـه المفاليـح
وابقى على هقواتها اللي هقت بي

[عنقود البدو]

بعيد عـن عينـي ولكنـك علـى قلبـي قريـب
حلمي حقيقه والمصيبه شوفتك صـارت سـراب

اذا تركتـك منتحـر واذا تمنيتـك صـويـب
واذا تناسيتـك كـدر واذا تحديتـك عـذاب

[النمر1012]

صدقيني ان قلت أحبك يا ملاك
لا تقولي بس أبا منك دليل


المعزه هي بداية ملتقاك
وابتدى مشوار حبي يا جميل


صرت اخونك مع خيالك في قفاك
واحتضن طيفك ومابه مستحيل


ذي شفايه تحتضن ضحكة شفاك
كن كلي من اشوفك لك اميل


ان قربت اطير في عالي سماك
وابحر بعينك يعل عمرك طويل


أنت أصل النور والنور ابتداك
وانا كوكب دون نورك كالعليل


ان بعدت أحس مقبل عالهلاك
كنني مكتوب في بعدك قتيل


والحزن يكوي حنايا من شراك
صار بعدك نار تشعل بي شعيل


ياملاذي من يشابه مستواك
غير مثلك ياحبيبي لك مثيل


يعني انته بس واحد وانتهاك
حب لول حب أخير ولا بديل

[عنقود البدو]

احبك قلتها والصدى غطى المكان
والتفت من كان حولي مندهش من كلمتي
ثم جلست اردد الكلمة إلى وقت الأذان
ثم ذكرت الله وهللت وبديت بدعوتي
ربي أحفظ من ملكني حبه طول الزمان
ربي اكتب كل خير بدربه واقبل دعوتي

[النمر1012]

هلا والغلا في داخل القلب لـك مرسـوم
وفي داخله حطيـت صورتـك باركانـه
سجل الزياره كلهـا باسمـك المعلـوم
وقفله علي البصمه مصمم علي شانـه
وأنا ماشي بدربٍ كتبلي وهـو مقسـوم
وأنا مسيـرٍ ماأختـرت للقلـب سكانـه
ألا ياهلي مهلاً أنا اللـي علـي اللـوم
على لمحتي له شـرع القلـب بيبانـه
أحسبٍ إن غلاه أيزول يوميـن ولايـوم
وأثر كل يـوم يزيـد مابـان نقصانـه
محبه غلا تقدير حشمه وهـو محشـوم
وله قدر في صدري . . ثقيـلٍ بميزانـه
تدلل .. تدلل .. ماتبي جاهز ومحسـوم
وتربع وسط قلبـي بروضـه وبستانـه
وياعاذلي بالله تـرى خاطـري مهمـوم
ترفـق علـي قلـبٍ إميـنٍ لخـلانـه
وإلي زدت في عذلي يزيد الغلا ويـدوم
وأنا غالي(ن)عنده وأنا أغلا من أعيانـه
أنا في رجا الله يجمع الشمل وأهنى النوم
وتهنـى عيـونٍ ليلهـا دوم سهرانـه

[عنقود البدو]

يكفينـي لا نظر لي نسيـت اسمي واسم جدي
وذكرت اسمه واسم أمه واسم جده مع اخوانه

خلاص اليـــوم ياعــالم ملكـت الكون من قـــدي
ما أبــالغ لو عـشق قلبـي القبيله بس من شانه

[النمر1012]

فديتك ما قدرت أنساك مرّه
أسولف فيك من بالي لبالي
دواليب الهوى قلبي تفرّه
و من وين أتجّه طيفك قبالي
لأنّك بين كلّ الغيد درّه
و وصفك ما حصّل بأوّل و تالي
غرور الحسن في دربك تجرّه
و تشرق من محيّاك الّليالي
غريق الهمّ لا شافك تسرّه
و تعطي له من الفرحه مجالي
سكنت بخافقي في كل ذرّه
بدونك يعتبر قفرٍ و خالي
تعال بكحلك لعيني و ذرّه
ندوّر حلّ في حالك و حالي
طراة الحب يرجع في مقرّه
نكبّ الهجر و نصبّ الوصالي