[فضي البراك]

اقتباس من مشاركة ناصر الرشيدي يافضي انت تدندن على الوتر الحساس [/poem]

ذكرتني يابو سيف مقولة (حول ذلك فَـ دَوْزِنْ) الله يسعدك ياكحيلان

في هالزمن تقدر تقول ان المثلث مستقيم=وشي طبيعي لو تقيس الدائره بالمسطره


وش بقى دام الرّجال تنقّل علوم الحريم=يعني عادي يوم ألخبط بين رجّال و مره

[مرآهيش]

كتبت اجمل قصيد الحب ورسمت الشمس في يمناك=ورسمت الليل بحضورك على وسادتك متناثر
وشع النور من وجهك فضح رمشك ولون شفاك=وغار الفجرمن صدرك وانا مثله بعد غاير

[فضي البراك]

فيها النعومه عيب وياحلو العيوب=عيوب شاقتني غلا وأشتقتها
يادوب تتحمل هوا الغربي يدوب=وشلون تتحمل قساوة وقتها؟

[ناصر الرشيدي]

اقتباس من مشاركة العبسي الغامض متآبعَ |~ لـ تلكَ الذآيقاتَ وأنفرادةَ لــ أبو سيف فـ التفجير : من نبضَ خفوقه

لك و لنبض قلمك انكسر خجلاً

[مرآهيش]

الحب مثـل النـار تبـدا شـرارات = ومهما لهبها طـال تبقـى محـدودة
تصبح رماد عقب ما هيب جمـرات = مثل السحاب يزول لا انهى رعـوده
زرعت أمل وحصدت اسوا احتمالات = حلمي بعطر اليـاس فاحـت وروده
لكنني ما اندم على الحب لـو فـات = بعض الشدايـد عاقبتهـا امحمـودة

[ناصر الرشيدي]

كانك تبيني رح لصندوق الرسائل=واكتب اللي في ضميرك وارسله

[فضي البراك]

مدري ليه فرحت يوم ذكرت علي هالأبيات

(قلبي) على (الماء) و (قلب الماء) على (شطك)=الماء وأنا يا القراح العذب ورادك

كم شالك الحلم بأهدابي ولا حطك=والعين يرعى نظرها عشب ميعادك

يا(شمسي) اللي تدلى بالسماء قرطك=عن كل هالورد هذا (القلب) عبادك
(طلي)...و (هلي) على صدر البحر خطك=وش تالي أخبار ريحانك ورينادك؟

[مرآهيش]

يشتاق قلبي للمطاليق=شوق الحبيب اللي تمنى حبيبه
كنز الرجال ولا كنوز الصناديق=المال يفنى والنشاما تجيبه
رعاك ربي من عيون المخاليق=والله يصيب اللي يبي لك مصيبه