[مرزوق العجوني]

انت يلي بالمحبه في خفوقي تلهو=لا تضايق لا نسيت الموعد ولا جيتك
يافديتك يارجيتك جل من لا يسهو=لكن اصلا كيف اجيك وجوف قلبي بيتك

[مرآهيش]

ألا يامرحبا ،، لا تعٌبت ياللي جيت لي داري =ياحيٌ الله ولهك الغايب إللي عاد بك وألفا
أثاريه الجفا نعمه ؟؟ ،،، لك الله توني داري !!=مدام إن الجفا جابك !! ،، أبي منك العذر ( بجفا )
تعبت أشوفك بعينٍ أكحلها من أعذاري=ألبسٌك العفو ويضيق بذنوبك معي وأعفا !!
أغطيٌك البياض بطيبتي وأسبل أمطاري=عساني بالعطا بلقا ،،، وعيٌت قاعك لتلفا !!
( حبيب البارحه ) ،، ليتك غديت بعجٌة أقداري=ولكنك مشيت برجلك ،، وبطبوعك الصلفا
مدام إن الجفا جابك وعوٌد بك على داري ؟؟=( عشانك ) ،، ماهو لشاني ،،، بغيٌر طبعي وبجفا
هما ذالحين ،،، سولف لي ولا تنشٌد عن أخباري=وش أخبار الوفا ؟؟ ،،، سولف على سمعي وأنا ( بغفا )

[ناصر الرشيدي]

بعدك عن اللي مايعزك معزه=وبعدك عن اللي يعتنيبك ردى منك

[مرآهيش]

الشمس ،، ياما حاولت رسم ظلك=لكن ،، ظلك لا إنرسم ينعكس نور !!
مجنون من يجلس معاك ويمٌلك=صمتك لـ حاله ،،، سالفة شعر وشعور

[مرزوق العجوني]

صباح الخير ياكلي وبعضي واخر اشواقي=صباح الخير لو قيلت لغيرك مالها قيمه

[مرآهيش]

ماظن في قربي تعيش ( بسعاده )=كيف أمنحك شيٍ أنا منه " محروم " ..!؟

[مرزوق العجوني]

ماهو الوحيد اللي بهالكون عايش=لكنه اغناني عن الكون كله

[مرآهيش]

غدا الحلم الجميل براحتي كنه فَـرَاش النـار=بعد ماكان قصره في صميم القلب ( ياكبـره )
لفيتك طفلةٍ تنثر بيـاض ،، وتكتـم الأسـرار=ورجعت ،، ومامعي غير / الجديل / وكفي / وعبره ..!!