[فضي البراك]

فزّ الخفوق وقلت يالله عسى خير=أثر الليالي (عاد) غايب قمرها

مع شوفته نشوه و فزّه و تخدير =و عيون خلاّن(ن) تعانق نظرها

يفزّ له قلبي كما فزّة الطير=و الرجل كن اللي تحتها غدرها

يا صبح عمري يا صباح التباشير=نوره ملا قلبي و روحي غمرها

(عقب) الفراق اللي تعدّى المحاذير=يبّس غصون القلب جافي دهرها

ربّع بـروحي عقب ماهي معاسير=سحابة(ن) هلّت بقلبي مطرها

و اسقَى بها زرعة هوانا بتقدير =غرسة غرام(ن) بالمحبه بذرها

يا عاذلين العين والله مخاسير=و اللي درَى عن حال عيني عذرها

(تشوم) عيني عن جميع الغنادير=و إن ناظرت عيني فوادي نهرها

يا ناس احبه و المحبه مقادير=هذا هوَى نفسي و هذا قدرها

و الحب ماله يا اهل الحب تفسير=(قلبين و الله بالمحبه امرها)

لا جيت اصوّر حالة الحب تصوير=و أرد عن حالي لخلّي خبرها

لقيت وجدي فوق كل التعابير=كل الشعر قطره و شوقي بحرها

[مرآهيش]

جعل قسمي عند ربي من خيار القسوم=واحد(ن) يعطى العطايا ..ولا يرتدها

[عطر الاوركيد]

صح .. تقليب المواجع بالسوالف ما يفيد ..
وصح ان الصمت |قاسيُ | واقسى من صمتيُ الكلام ~
.. .. ..
بس لآ صآرت حيآتك .. سجن مظلم .. وإنت قيـد ..
مآلك إلآ لآ تعبت .. تطير آهآتك حمآمٍ .. !

[فضي البراك]

نامت عيوني ، على حسنك وشفتك (حلم)=(يازاير الليل) ،ليـل البارحـه (عدنـي)

متى تجيني ، مثل ماجيت حلم(ن) علم=يازايد القلب خفقـه بالهـوى زدنـي

ترى (البخل) من (كريم الأصل) مثلك ظلم=ياظالـم اللـي يـوّدك ليـه تجهدنـي

سويت في قلبي اللي قد عطيتـك ثلـم=ياماخذ القلـب تاخذنـي وتجحدنـي

ماهوب عند العرب وأهل الجماله سلم=إنـك بمـا تاخـذه منـي تهـددنـي

وكاد محد(ن) تعرّض للعيـون وسلـم=لاشك أنـا بالوفـا قلبـك معاهدنـي

[عطر الاوركيد]

سافرت عن وطن عيني عصافير!!
وامتلى " صوتي المتعب " غناوي..
قلت انا بـ خير .. لكن / ماني بـ خير !
قلت ابـ اطفيك فيّ ودمت ضاوي !
يا رفيق الأماني والمشاوير
عن منافيك ابيني فيك - آوي - !
واوعدك كل حلم بـ يبتل ْصغير
" كبر الاحلام " خيّب لي هقاوي !*
..

[مرآهيش]

حلمت فيك البارحه ( حلم دافي )=والبرد بـــ / أطراف الشبابيك .. له حظ
،.،
ياجعل هالفرقى ( لكبدك عوافي )=إن كان وصلي متعبٍ قلبك الغض

[ضوء]

.

عطر الآوركيد ...,’

التسجيل : 15/ 12 / 2008
العضوية: 5988

المشاركات: 2,009

حين يكون الــشعر قرين يحملك الى آخر حدود السماء
وحين يكون الـ عطر آوركيد حتما سيكون الواقع مختلف بهوائه...,’

الف مبروكـ الآلفية الآخرى
الفين قبلة لـروحكـ والباقي ليمينكـ

):

يامن جرحني بالحب جرح تجدد
وياما بقلبي شلت ناس نسوني

عاملتهم بالود ومحدا تودد
عاملتهم بالصدق ماصدقوني

قربت منهم بس آشوفه يتصدد

ساندتهم باالحيل

بس إخذلوني

كانوا آمالي وحلمي اللي تبدد
بغمضه عين لمحوا للفراق واتركوني...!

[مرآهيش]

يا هنوف القوم .. شوفي حالي ونفسي جريحه=حبنا أوشك مماته .. حافظي على كيانـه
،.،
كنت أقول الناس هذي مخطيّه .. وأنتي صحيحه=وأثـر عقلك فاقد التميّيز من فقدْ إتزانـه
،.،
إنقطاعك هبّت هبوبه ... ويوم فاح ريحه=خالطه ريح إنقطاعك بالهوى .. ريحة خيانه
،.،
هم سؤالين إختصرهم .. وأبغي إجابه صريحه :-=1- ليه ما جيتي عشاني ؟؟ .. 2- يوم رحتي من عشانه ؟؟