[سعد بن عادي]

ياطير ياللّي في ركون الحديقـه
بين الشّجر تصدح غناويك ياطير
قل لرّفيق اللّـي يخلّـي رفيقـه:
(مافيك خير.وخوّتك مابها خير)!!

[سعد بن عادي]

ما علموك بغيبتك وش جرالي؟
حتى ( الخبل ) لا شافني قال عزّاه
عزيز قوم وبهذلتْه الليالي
كبا , به حصانه وخانت به خطاه

[سعد بن عادي]

حكم ضميرك حكمة العااقل بتحكيم الضمير
وسدد وقارب واللعن الشيطان واسمع مايلي
ان الكبير بهيبته يبقى على خبـرك كبيـر
وان الصغَير ماتكبره المناصـب والحُلـي

[سعد بن عادي]

الفرق بيني وبينك بانسكـاب الدمـوع
دمعي توجّد وحزن ٍ وانت دمعك دلـع
الدمع قبل المفارق مايعـرف الطلـوع
ومن يوم قفّيت ماشاور عيوني طلـع ..!

[سعد بن عادي]

وزن الأمل فيني .. ولا ( واحد اجرام )
ومقدار عزمي .. ثّـور أقسـى قريحـه
( خبرة ثمان اسنين ) .. في موت الأحلام
أستقبلـه حلمـي .. وأجهـز ضريحـه

[سعد بن عادي]

أهنيّكـم وأبلّغكـم قبـل يـبـدي نهار العـيـد
أنا خـارج نطـاق التغطيـه خمسـة عشـر ليلـه

ولا أدري لو يجي في غيبتـي ياهـل الوفـا تمديـد
عسى ربيّ يسهلها .. ويا دنيا .. من .. أنتي .. له !

[سعد بن عادي]

المدح لامن قيل في رجل ٍ يقول ولا يطول
كنه مسبّه ابطريقـه راقيـه ومهذبـه ..!

[سعد بن عادي]

حسب الغـلا .. والعـز .. والتقديـر
وجميـع مـا يطـري علـى بـالـك
ارسلت لك : (كل عام وانـت بخيـر)
(وتبقى لي اغلى شخص .. وابقى لك)!