[سعد بن عادي]

يارب عبدك من ( الدنيا ) تعـب صـدره
مايقدر يسكـر إزراره مـن ( الضيقـه )
كل ماتذكـر ذنوبـه عايـن إفـ( قبـره )
وخذا نفس وإستحى منك وبلع ريقـه ..!
تنزل دموعـه قبـل ماتطلـع [ العبـره ]
وقلبه من ( الخوف ) ماتشيلـه معاليقـه
( وضميره الحي ) باقي شوي من عمـره
لا مـات ماتـت معـه حتـى مواثيـقـه
حتى [ الشعر ] صار مثل الحب من نظـره
ماعاد يغريـه ( معنـاه وطواريقـه )..!
اللي يخبـره طلـع ماهـو علـى خبـره
واللي جمـع ، حظـه يمـاري بتفريقـه
عنـده أمـل مثـل ماعنـده بعـد قـدره
وفي فرق بين الصّعب والصعب تحقيقه ..!
اذا نفـدت إمنيـاتـه مانـفـد صـبـره
حتـى لـو إن الحمـل مايقـدر يطيـقـه
لذالـك أدعـوك تقبـل دمعـه وعــذره
وترأف بحاله من ( التأنيـب والضيقـه )

[سعد بن عادي]

كل ّ المضافين راحوا .. ما بقى إلا أنتي
في عالم النت ّ .. وألا العالم الثاني
مدري وش أقول .. لكن وين ما كنتي
تراني ألقاك .. حتّى فـ/ أصغر أخواني
الله وهبك الغلا .. حتّى تمكّنتي
من حب ّ قلبي .. وأحاسيسي .. ووجداني
حبّيتك العام .. وأنتي ما تبيّنتي
ولا زلت أحبّك دهر .. كان الله أحياني
وإن مت ّ .. لا تنثرين الدمع لاهنتي
مصير الأيّام .. تصدر حكم نسياني
يا حلم سلطان .. في حلمه تسلطنتي
يا أغلى من الدم ّ .. في قلبي وشرياني
أجدتي الثقل لـ/ أجل رضاي .. وأحسنتي
في صمتك اللي تجيدينه .. على شاني
وإن كان من سيرة الأشواق .. هوّنتي
العمر يفداك .. دام إن ّ العمر فاني

[سعد بن عادي]

:


دام السهر .. دافع على كشف الاوراق
قل له : معي .. لا عاد يثبت : وجوده !

( النوم بدري ) . حل جذري ل الاشواق
خصوصاً ف ( ليلة ) .. هدوء و بروده !

[سعد بن عادي]

:

:

درست فالدنيا على يدّ الظروف اربع مـواد

الحب والاصحاب والاقراب والوقت الـردي

الحب يعطي للغريب بلاد لـو ماهـي بـلاد

والعاشق اللي ماطغى عقله على القلب يغدي

والصاحب اللي بينك وبينه حصل ملحٍ وزاد

أوفي معه لكـنّ لاتضمنـه وتـروّح فـدي

امّا القريب اعطه حقوقه واخذ خط الابتعـاد

خلك بعيد تصير في عينه مثل نجم الجـدي

والوقت لاتعطيه وقت يلبّس ايامـك سـواد

عش يومك وخل امس مات وخل بكره يبتدي

:

:

[سعد بن عادي]

:

:

به بنك من دون ماتطلب يمدّك قروض

مايطلب القرض منك ولايبـا فايـده

في كل يوم يتخصص لك بعدة عروض

من غير خدماته اللي بالفعـل رايـده

ينصحك تستثمر الدنيا بخمسة فروض

ويقدّم الخير لك والدعـوه العايـده

الأم (بنك الحنان) وحبّها مايـروض

يغرقك من فيض حبٍ نكهته زايـده

:

:

[سعد بن عادي]

:

:

أميرتي ، بنيت لـك قصـرٍ علـى شاطـي الغـرام
ملكْـك ولا عنـدك شريـك الا المليـك اللـي بنـاه


عيشي حياتك فيه .. شوق ، وحب ، وافراح ، وسلام
واللي بناه .. يعيش لا هنّـاك .. فـي قمـة هنـاه

:

:

[سعد بن عادي]

البَرْد مَاهُو رَجْفَة ايدين وعظامْ
البَرْد بَرْد الرُوح لاغَاب غَاليكْ

[سعد بن عادي]

.

سريتك غلا, واِعتاب, واْسرار..ماتنباح
سهرتك مشاعر.. والدُجىَ نام في جفني

عيونك رمتني.. و اِذبحتني بدون اِسلاح
تراجف عليك اْعضاي يافاتني.. شِفني

ليا قلت: ببعد عنك, وانسى التعب واَرتاح!
تجي بالغلا والشوق فازع.. وتخطفني
.
.