[ابوصالح لرشيدي]

هلا والله ببو توتو والله جديد من السوق الحين ..
وهذا التمر والفنجال دوب طلعت من النار ..
تفضل يابعد راسي ....




وانت بعد يالقناص ماطلب شي ياعزوتي ..
هذا الشاي والله دوب طلع من النار ..
يمناك لا عدمناك ..



يالله حيهم بغياب اخو جزعه ....

[ابوتوتو]

الله يعطيك العافيه يابو صالح
اجل الغدى علي قولو تممممممممممم

[قناص الضواري]

كفو والله يابو صالح والله انك كريم وماقصرت

[ابوتوتو]

تفضلوووو على المقسوم وسامحونا بالقصوووووور
اخو جزعه اخذ معاميله وخلى الدوانية تصفي بس سوينا اللي نقدر عليه
ارحبوووووووووووووووووووووووووووووووووووووووووووووو وو

[قناص الضواري]

يمال العافيه يابو توتو انا الشهد اني قلط الحالي ياعمار

[شاعر الصعاليك]

ابو توتو خل عنك المفاطيح ، وسبح وهلل واستغفر ربك

تحذير رقم 2 //
دفعة ثانية لهذه الموجة الغبارية تؤثر على رفحا وهي تتجه بإتجاه الجنوب أي أن حركتها يمين حركة الموجة الأولى لذلك لا نستبعد من تأثر شرق حايل والقصيم وسدير والدوادمي بهذه الموجة الثانية مساء هذه الليلة والله أعلم

[ابوصالح لرشيدي]

الله يستر منك انت وانذاراتك يااابتاع كله ..ههههههههههه
تفال خير تجده ..
والله سمعت من واحد بعد عندي يقول انه بتاع كله يقول الى يوم الثلاثاء .... ولكن الله اعلم ..

اللهم الطف بنا وهون علينا وازل هذا الغبار عنا واغثنا وانزل علينا المطر ..
ونقنا من الخطايا كما ينقا الثوب الابيض من ادنس ,,,

[شاعر الصعاليك]

ابو صالح حنا متفائلين خير ، والله يرزقنا الامطار
واللي عندك عز الله انه حول حروووه .. لكن قله الصعلوك يقولك
جهز العزبه يوم الاربعاء نبي نكشت ، ترا الديار ممطوره
هههههههه وانت معنا يابو صالح