[مرآهيش]

احبك ياالوحيد اللي بقلبي والغلا مستور=اخيلك وين ماوجه ياعمري بــ/اتجاهاتي
اعيشك يالغلا قصه مداها فـــ /الزمان عْصور=حشى ماتنتهي فيني واناادرى في نهاياتي

[عطر الاوركيد]

مافيني شي :
بس يمكن من رحلت ,
وغبت عنّي | ضاقت الدنيا شوّي !

مافيني شي :
كلها دمعة بـ عيني ,
وإرتجافات الـ شفايف .. وغصّةٍ تجرح | خفوقي !

إنت شايف فيني شي !!!!

[النمر1012]

يااطهر من الغيم ياسيد العذوب
يامشاعر وافيه وسط الغرام
ان سمعتك تخفق انفاسي وذوب
وترتجف روحي وحس ابها حطام
وان بكيتي تاقف حروفي وتوب
وان ضحكتي قلت لدنيا سلام

[سحايب]

يا صاحبي لو كـل شـي يمـر بالخاطـر يقـال
ما كانت العبـره اتوسطـك لا منـي طريـت

شفني قدرت احبس ادموعي بس دمع القاف سال
ويا كبرها ساكت ولكن داخل اوراقـي بكيـت

[النمر1012]

عشقت الليل من أجلك لانه عالم الخلان
يجمعلي أحاسيسي وينثر كل وجداني

[عطر الاوركيد]

الصبح / والجرح / وأنا / وأنتظارك
على كفوف الغيم .. ننتظرك هناك .!

يمر فينا / فوق [ شباك دارك ]
ياليت تفتح " لهفة الغيم " شباك .!

[النمر1012]

اناادري أن العشق مر وتكاليف
لكن فدى من ياخذ الروح بسكات
إن صارت قلوب الخلايق مواليف
هانت طعونٍ في الظماير خفيات
انا صبور لو مضى الوقت ماشيف
يكفي حبيبي انه حميد السجيات
والصوت يكفيني مع نسمة الطيف
خوف الظروف وقول عاذل وشمات

[مرآهيش]

وش له تشبّه حبي .. بحبّ ثاني ؟=كلٍ له احساسه .. وعنده ظروفه ،
شفني .. رغم زحمة وفاي .. وحناني=بتشوف جرحي .. قبل لا اقول شوفه .!
مغليك .. في صدره مشاعر وأماني=وعنده كلام .. وماتشيله حروفه ،
في نظرتك .. وش موقفه يالاناني=لا من بغى يرحل .. وطوّل وقوفة !