[سعد بن عادي]

لايجـرحـك تـاريـخ مــر بحيـاتـك
شايل معه مليـون ذكـرى قديمـه
يـوم الدمـوع ونظـرتـك والتفـاتـك
كـانـت ولا زالــت بقلـبـي ألـيـمـه
البـارحـه هـبــت عـلــي ذكـريـاتـك
لين استقرت داخل العيـن ديمـه
ماتشبه دموعي بلحظه سكاتك
الا الـدمـوع الـلـي بعـيـن اليتـيـمـه

[سعد بن عادي]

نـخـاف مـــن الـرحـيـل .. وكـــل نـــزال لـغــده رحـــال
ولـــــــــو إنـــــــــا تـجــاهــلــنــا الـــمـــفـــارق .. مـاتـجـاهــلــنــا
كذا الدنيا .. ولا أحداً في حياته مستريح البال
نواصل نـاس .. وصـدوف الدهـر تقطـع تواصلنـا

[سعد بن عادي]

الى متى واحساسنا ينقله... صوت ؟
واشواقنا متن ألامل... ماحملها
اهون على الارواح لو ذاقت ...الموت
من عيشها تحرس مقابر أملها

[سعد بن عادي]

الحلم يكبر براسي والهقاوي بعيد
وانا طموحي طموح اللي بعيد ٍ مداه
لي حلم ابا حققه مدري متى الله يريد
يطري على خاطري حتى وانا فالصلاه
ابعد من الجدي واقرب من حبال الوريد
واسهل من النطق واثقل من جبال السراه

[سعد بن عادي]

من يمسّ العقيده .. ويتجـرّا عليهـا
ماله الا المجابه .. والكفاح المسلّح !

[سعد بن عادي]

طلـت النـور مـن مبسـم ثغرهـا
حي هذا الصباح وحي نوره.!
طـفـلـة تـذهــل الـكــون بنـظـرهـا
كيف مع واحد يفقـد شعـوره.!

[سعد بن عادي]

بعض العرب ما ينعطي وجه بالحيـل
وليا عطيته وجـه صـار لـك علـة

وبعض العرب ماله سنع لكنـه حليـل

بالضبـط كانـك لا تمعنـت ظـلـه

وبعض العرب شقرا و شقرا مع الخيل

مـا ينفعـك لـولا الرمـوش المظلـه

و بعض العرب لا يعجبك ثرثرة ليـل

و باكـر تـرى مـا قالـك شـي لله

وبعض العرب مرسال مادري مريسيل

يسايـر العالـم و هـو حاصـل لـه

وبعض العرب يصلخ و ينفخ و هو ريل
و في زعمه انـه يفهـم الكـون كلـه


وبعض العرب ما غير بندق و دربيـل

و منين مـا هـب الهـوا جايـز لـه

وبعض العرب يطلع كما طلعة سهيـل

و يغيـب نجمـه قبـل دربـه تدلـه

وبعض العرب يوذيك بالقـال والقيـل

تجلس معـه ساعـة ولاخـرى تملـه

نذل و خسيس يفصل الهـرج تفصيـل

و ليـا لقـا لـه طيـبـن يستغـلـه

وبعض العرب منظر و كشخة وتحليـل

شبح بحـال و حالـه اخـرى كرلـه

لا شفت زوله مـن خيـار الرجاجيـل

و ليـا عرفتـه مـا تجيـه بمحـلـه

و بعض العرب ماضيه ليل على ليـل

كـذ بصمـوه وصــوروه الادلــه

وبعـض العـرب لا والله الا تهاويـل

مهمـا عقـدت الحبـل لازم يحـلـه

كـذ دربـوه و لكعـوه الرجاجـيـل

من قبل لا يصير الحـدث جاهـز لـه

وكانك شجاع صحيح حارب اسرائيـل

قبـل اليهـود الـقـدس لا تستحـلـه

وكلش يهون الا الثلاث الغرابيل

المسكـنـه و المـهـزلـه والـمـذلـه

[سعد بن عادي]

الموت مفهومه اللي يعتبر فالصميم
المشي من ساحة المسجد ليا المقبره


لا صرت فاقد نديم ماهو أية نديم
نديم مافيه مثله فأبن رجل ومره