ضــع اعــلانك هنا
 |
الملاحظات
|
|
خيارات الموضوع | ابحث بهذا الموضوع |
|
|
|
|
|
|
|
وعليكم السلام ورحمة الله وبركاته اسعد الله اوقاتكم بكل خير عشاق هذا القسم اليكم محاورة العمالقه المعزب وابوو موووسي . . . . ابو موسى سلام رده طيبه والطيب يجزونه بطيب= عطني يمينك يا المعزب مدها وامدها لقيت لي صوره غريبه واسم راعيها غريب =كيف العرب حطولها برواز ما هو قدها المعزب; يامرحبا ترحيبتاً مضمونها العلم اللبيب=واليا عطيتك كفي الايمن بكفك شدها
ترا الجروح احيان مايقدر يعالجها الطبيب=والناس يابن الناس هذا طبعها لابدها ابو موسى; احلم يا شاعر والحلوم بلا حسيب ولا رقيب = لاكن لا تنزل سليم بخد ماهو خدها
انته عيونك صاحيه هذي ذهب ما هي ذهيب = ام الجدايل ما لقت غير العمي تكدها المعزب; بعض الحلوم الها نصيب وبعضها وماله نصيب=والمشكله ماهي الحلوم المشكله في عدها
ومعزب الضيفان لاجيته يقدملك عصيب=حتى يسيل مع الشدوق من الضيافه ندها ابو موسى; راس الجبل كله حصى والورد في بطن الشعيب= والناس تنضرلك بعين ولا تبيح سدها
انته ما بين الديس والمحلاب وتدور حليب = وفيت خل اللي تخالط مزحها من جدها المعزب; ماني بنازل للشعيب وعاشق المرقاب ذيب=لكن خلك دون من ورد الشعيب وسدها
انا حسبنك ياوسيع العرف بالمعنى خطيب=على مقال الك المثل قم جيبها قم ودها ابو موسى مشكلتي اني كل ما القا غصن اعرف انه رطيب=رجلي تبا الغصن الرطيب وراسي اللي ردها تجبرني الدنيا على الصده واغيب ولا تغيب= وانت بدوي وش عرفك جزر البحور ومدها
المعزب; لايغرك التمثيل ياجساس مدري ياكليب=ترا الرجال عيونها صوب البعيد تلدها ياحضر ياللي شوفكم لاهو بعيد ولاقريب=اما استرح في فلتك والا تراي اهدها ابو موسى هذي هزيله واعتبرها قل بحساب الاديب = انته معزب واليتيمه كيف تمسح خدها
شرهتك يا بيت الغزل عند الحبيبه والحبيب = الكلمه اللي تختلج فالصدر قوم وبدها المعزب; الياسرى بيت الاديب اضرب على رايه صليب=لو هزّل علوم الرجال اللي رهيّن عدها ياللي تبى تموح الرشا بيديك من فوق الجليب=الاوله والثانيه واللي بعدها صدها السلام عليكم تحليل المحاوره رايح يكووون علي اسس وقواعد وسيكوون هناك لجنه فنيه لتشرف علي التحليل ويكوون عنترزمانه حكم من طرف حزب الحريه والابعاد الثلاثيه وابووو عقالين حكم من طرف حزب النصر والعويمري والعمده الطرف المحايد وانا راح احلل الطارووق وارسله الي الحكام لوضع تعليقاتهم عليه ومن هنا اخواني الشعراء والمحلليلن من كانت له رمعه في هذا الطارووق يرسل تحليله للجنه وبالنهايه اتطع اللجنه اقرب ثلاث مواضيع وترسلها للشعراء لوضع تعليقهم عليها وتنشر هنا كأفضل تحليل للمحاوره وش رايكم ؟؟؟؟؟؟؟؟
آخر تعديل بواسطة قسورة الغاب ، 12-10-2010 الساعة 11:23 AM.
|
|
معقوله اسماء مستعاره بهذا المستوى والله حرام وينكم عن الملاعب والله انا ما بعد قريت اوسمعت من زمان هذه الجوده اعجبني ابو موسى عده للبيت كنه بيت غزل ويحمل معاني تهد جبل
|
|
|
الرجل المناسب في المكان المناسب
واثبت اخونا القسورة انه من الكفاءت التي نفتخر بها في شبكتنا الراقيه نعترف بتحريكه للمنتدى للأفضل وهو ماكان سئء لكن لمسنا جهوده بهذا الصرح الشامخ وهذا المطلوب في شعر المحاورة وغيره التشجيع والأسلوب العلمي وبث روح المنافسه الشريفه بين الزملاء الشعّار وبهذا المستوى اراهن على منتدانا ليكون الأول على مستوى الشبكة العنكبوتيه ونحن نملك كل مقومات الشعر بشعراء أكفاء وموهوبين لهم في هذا المجال باع طويل ولهم إبداع ويملكون ارتقاء المعنى واختيار المفرده ولكن يجب ان تكون بعيد عن العشوائيه اشكر الأخ العزيز القسورة واقول إلى الأمام يابطل والشكر موصول لشعرائنا الذين دائماً يمتعونا بمحاورات لها قيمتها الشعريه وكذالك الجمهور هو من يشجع الشاعر على الإبداع وعندما نصل للجمهور نجدهم شعّار ونقاد واحب ان اوصل تحيه لعنتر زمانه الذي تجده في كل محاورة ويرفع من معنويات زملاءه وتكون معه روح المرح وبحدود واجد كل شاعر إذا ماوجد تعليق عنتر زمانه له أثر في نفسه من الحماس والرقي بكل جديد اخواني وزملائي ورواد هذا الصرح ما أوجدت الأحزاب لجل عنصريه بل تجلت بروح الأخوة وخلق منافسة ثقافية لتبادل الخبرات ومقومات الشعر واكتساب الأفضل من احتدام المواجهات وألفت النظر لمن لم وهاهي ثمرة تنافس الأحزاب بوجود هذه الكوكبة الرائعة من الشعراء ذو الأهداف السامية التي لنا بهم ثقة واهنئ انفسنا بهولاء الشعراء الموهوبين ولكم مني اجمل تحيه ولجميع فيهم الخير و البركة
|
|
|
السلام عليكم ورحمة الله وبركاته
اسعد الله اوقاتكم بكل خير عشاق هذا القسم كما وعدناكم سابقاً اليكم تحليل محاورة العمالقه المعزب وابوو موووسي .وبعد ارسالها لبوو العناتر كتب تعليقه علي التحليل باللون الاحمر .تابعووونا ^_^ . . ابو موسى سلام رده طيبه والطيب يجزونه بطيب= عطني يمينك يا المعزب مدها وامدها لقيت لي صوره غريبه واسم راعيها غريب =كيف العرب حطولها برواز ما هو قدها <<< بدايه طيبه من ابووو موووسي وكما عودنا علي بداياته المليانه بجزالة المنطق وصدق المعني حيث سلم واسترسل المعني في الشطر الثاني وكأنه يقوول : طبعاً هذا اول لقاء يجمع عملاقين المعني النزيه فطلب ابوو مووسي من المعزب ان يمد يد الطيب والنزاهه وانا من ناحيتي سأفعل بالمثل لان المووضووعنا لا يحتمل الغدره ههههه وبداء ابووو موووسي بصياغة المعني في البت الثاني ولا توقعووون اني راح اكشف اسرارهم ههههههههه لكن اقدر اقووولكم الموووضوووع الي لعبووو عليه بالمثبت ههههههههه صوووره من اروع مايكووون في صياغة وابهام المعني صح اللسانك يابووو موووسي >>>صح عليك وفوزي وفوزك واحد ياللذيب صح المعزب; يامرحبا ترحيبتاً مضمونها العلم اللبيب=واليا عطيتك كفي الايمن بكفك شدها ترا الجروح احيان مايقدر يعالجها الطبيب=والناس يابن الناس هذا طبعها لابدها <<< طبعا المعزب فهم مقصد ابووو موووسي واعطاه العلم من الشطر الاول وكأنه يقوووول : المعزب شاعر واديب يحب لقاء الادباء والادباء يجبووون لقائه ومع ذلك هذي يميني عليك الله وامانه هههههههه الله الله قال مدها قال شدها وهذا كنه عهد عند الرشايده هههه شوووفووو حلاوة رد المعزب علي المعني وكيف اخفي ملامح المعني لانه حساس عند المعزب هههههههه ابوو موووسي هنا اخذ صوووره ان المعزب مافهم ويطلب توضيح اكثر لكن المعزب كان واضح كل الوضووح وهذي من الاساليب الحرب الاستراتيجيه عن المعزب هههههههه ديماً يحاول يخليك في دائرة الشك ^_^ المعزب قال : وش تبينا نسوي هذا طبعهم والله لو عندهم اكثر ماكان قصرووا ههههههه >>>بالعكس المعزب صريح في هالرد لأنه اخبره ان الشق اكبر من الرقعه وهذي عاده دارجه وهي التفخيم هنا وفي كل مكان ابو موسى; احلم يا شاعر والحلوم بلا حسيب ولا رقيب = لاكن لا تنزل سليم بخد ماهو خدها انته عيونك صاحيه هذي ذهب ما هي ذهيب = ام الجدايل ما لقت غير العمي تكدها <<<طبعا عاد ابوو موووسي صياغة المعني للمعزب وبما انه ابوو موووسي شاعر ميدان ولا يقع في دائرة الشك بسهوووله ادرج شطره الاول احلم ياشاعر .... واستدرك المعني كأن شيئا لم يكن ههههههههه البيت الثاني يبدووو ان ابوو موووسي وقع في ماأراده المعزب ان يبقي اللعب علي الاسلووب الي المعزب يفضله 4/4/2 وابووو مووووسي يحب يلعب 4/3/3 ههههههه ابوو وووسي قال : ليش تحسبوون منتدا المحاوره ضايع وهووو ذهب ليش ماتقدم المعزب والا اسبع الضاري وابن عطوان ^_^ ام الجدايل منتدا المحاوره >>>هنا ابو موسى حط اللوم على المعزب في المجامله الحاصله وقال له نزلوا الناس في موقعهم لا ترفعونهم لأن هذا الشعر او ملعبتكم ذهب وملعبتكم اصبحت كل من جاء لقطها ويقصد الأجناب المعزب; بعض الحلوم الها نصيب وبعضها وماله نصيب=والمشكله ماهي الحلوم المشكله في عدها ومعزب الضيفان لاجيته يقدملك عصيب=حتى يسيل مع الشدوق من الضيافه ندها <<<طبعا جت علي كيف المعزب وبكل سهووله تخارج منها وقال : في ناس موفقه وفيه ناس ماهي موفقه مايخليك تطلع من الدايره المعزب اذا طبيتها ههههههه والمشكله ماهي في الناس المشكله كلاهما و تفكيرها السحطي ومع ذلك تلقاه يتكلم ويرفع صووته ^_^ طبعا رد المعزب عنه وعن المنتدا وقال :المعزب تخبره اذا جيته اكرمك وذبحلك جمل حتي تسيل شدووق الضيافه من الشحم وتعرف قوة وقوة وربعه اهل المنتدا هنا يعتقد البعض ان المعزب حفر لبووموووسي حفره مابين كلمة عصيب ويسيل من الشدوق لكن المعزب جابها سليمه من اي شوائب ولا يدخل فيها الشك ابداً لان اليسيل شدووقها الضيافه وليس شئ اخر . >>>هنا يقول المعزب بأنها كثيره هذه المجاملات وبعضها يستحق والبعض لا ولكن لا تتشره الا علي حيث انني لا اقدم الا الجزل ابو موسى; راس الجبل كله حصى والورد في بطن الشعيب= والناس تنضرلك بعين ولا تبيح سدها انته ما بين الديس والمحلاب وتدور حليب = وفيت خل اللي تخالط مزحها من جدها <<<ابوو موووسي مازل محتفظ بالكووره هههههه و بما انه هوو الي البادع الوسيمه يحقله ان يغني علي ليلاه ^_^ مازلنا في المعني الذي لم يتضح حتي الان الاتفاق عليه ^_^ ابووموووسي قال : القمم تووجد علي رؤووس الجبال بالرغم بأنه لا يووجد فيها الا حصا والتعب والشقا اما الروومنسيه والراحه تلقاها في بطن الشعيب اذا حبيت تنزل هناك تلقا ناس مثلك علي قد حالها ولايغرك كلام الناس الي يطالعوونك تراك تحسب انهم معجبين فيك وهم مايعلموونك بالخافي . ابووموووسي يرد علي المعزب بالخبره ودهاء الممارسه وهنا ابووو موووسي شاف المعزب اقصر منه وحاول ان ينحني ويطق بأذنه كلمة راس هههههه قال ابوو موووسي : لا تماري علي بقوة ربعك تراك وفيت لكن لا تخلط الزين بالشين الديس و المحلاب علامة استفام لا هي زين ولا هي شينه ههههههه لكن عليها بياض الوجه والنزاهه >>>هنا لازالوا ماشين صح حيث يقول ابو موسى ان مواضيعكم المثبته مافيها طعم شعر او جمال بل ان الجمال الشعري موجود في المواضيع غير المثبته وانكم المسئولين عن هذا الخطاء لأنك انت يالمعزب متوفر لك كل سبل العيش في المنتدى حيث انك مابين الاداره والاعضاء لك اهتمامك بين الديس والمحلاب وانت تستحق ذلك لأنك وافي المعزب; ماني بنازل للشعيب وعاشق المرقاب ذيب=لكن خلك دون من ورد الشعيب وسدها انا حسبنك ياوسيع العرف بالمعنى خطيب=على مقال الك المثل قم جيبها قم ودها <<<المعزب : ماهووو انا الي انزل لكن انت الظاهر انك حوول الدعوا البيت الثاني مازال المعزب متمسك بحلق المعني مع القليل من الشكشكه هههههههه المعزب قال :انا احسب انك خطيب يووم شفتك مع الخطباء هاك اليووم واثرك لا تودي ولا تجيب >>>هنا المعزب يقول مادمت انا بالقمه ومحاوراتي تثبت فماني ملزم اني انزل اتحاور مع كل من هب ودب وانت الله يعينك خلك محامي للمواضيع الزينه اللي ماتثبت وكنت احسب انك تفهم اساليب الناس ولكن اتضح لي انك منت عارف سياستهم ابو موسى مشكلتي اني كل ما القا غصن اعرف انه رطيب=رجلي تبا الغصن الرطيب وراسي اللي ردها تجبرني الدنيا على الصده واغيب ولا تغيب= وانت بدوي وش عرفك جزر البحور ومدها <<< الله الله عليك يابووو موووسي بيت بحر بالمحيط في قمة الجمال ابووو موووسي قال : مشكلتي اني كل مالقاء شاعر اعرف انه مخضرم بالمتأكد من ذلك اجي اشجعه ولكن يدرووني عنه الربع ^_^ ابووموووسي : افا انا ماني حطيب يالمعزب الله يسامحك لكن مالوومك بدوي ماعمرك رحت للبحر وسبحت مابين الصفووف ههههه >>>هنا فهم ابو موسى معنى المعزب لكنه يقول اني لا استطيع ان العب دائم ولو اني تمنيت اللعب مع بعض الشعار ولذلك اضطر احيانا للأبتعاد عن المنتدى الا انكم في قلبي وانت يالمعزب لا تفهم في بعض الامور . المعزب; لايغرك التمثيل ياجساس مدري ياكليب=ترا الرجال عيونها صوب البعيد تلدها ياحضر ياللي شوفكم لاهو بعيد ولاقريب=اما استرح في فلتك والا تراي اهدها هههههه الله الله <<<المعزب زعل من ابوووموووسي وبط الجربة المعني هههههههههه قال: لا يغرك التلفزووون واستار اكاديمي ترا الميادين ماهي لعبه ^_^ المعزب بين انه طوول ابوومووسي وقال : لا تطالع اقريب يابوو موووسي انت علامك اما استمر علي معناك والا تراني خربتها معك هههههه >>>هنا يقول المعزب لا يغرك بيت او بيتين او محاوره من شاعر فربما تكون فيها مساعد يا ... وهنا المعزب كأنه يقول انت مجهول مدري انت من القبيله والا من برى حيث اني لا اعرفك في قوله ( ياجساس مدري ياكليب ) واخبره بأن الناس تنظر للبعيد وتحبه وتميزه عن القريب ويقصد الجماهير هنا تحب الشعراء الذين من خارج القبيله ولو انهم لايفهمون بالشعر شئ ابو موسى هذي هزيله واعتبرها قل بحساب الاديب = انته معزب واليتيمه كيف تمسح خدها شرهتك يا بيت الغزل عند الحبيبه والحبيب = الكلمه اللي تختلج فالصدر قوم وبدها <<< طبعا ابوو موووسي انتقد المعزب عند كليب وقال : هذي الهزيله الي انا ناهيك عنها اول الطاروووق ولا رايح ارد عليها مدري وشلوون الربع يقووول انك سيد الملعبه لكن ان طعت شووري خلك شاعر غزل وقابل الحبيبه واي كلمه مثل هذي طري علي بالك قلها بدوون رقيب ولا حسيب هههههههه >>>هنا ابو موسى ينتقد المعزب لأنه شك فيه او انكر عرفه كيف لا تعرفني وانت معزب ومتابع للملعبه ( اليتيمه ) ويقول ان الشرهه تكون بين الاحباب عاده وانت اذا بصدرك شئ قله لي ولا تخفيه المعزب; اليا سرى بيت الاديب اضرب على رايه صليب=لو هزّل علوم الرجال اللي رهيّن عدها ياللي تبى تموح الرشا بيديك من فوق الجليب=الاوله والثانيه واللي بعدها صدها <<< المعزب قال : اي واحد يحقر عقووول الرجال المحنكه لانه مافهما اضرب علي رايه صليب البيت الثاني قال المعزب : لا تسوي نفسك اكبر مننا ثاني مره ههههههههههه >>>( ابو موسى سرى كلمة خدها ) وهنا يخبره المعزب بأن الشاعر اللي يسري القافيه يستحق ان يضرب على رايه صليب ولا يلتفت لكلامه ولو انه سب وشتم في رجال عدهم روي وراهي وفي بيته الثاني وداع حيث قال انت ياللي تبي تفعل هالحين دافع عن نفسك بعد ماسريت البيت
|
«
الموضوع السابق
|
الموضوع التالي
»
| يتصفح الموضوع حالياً : 1 (0 عضو و 1 ضيف) | |
|
|
مواضيع مشابهة
|
||||
| الموضوع | الكاتب | القسم | الردود | آخر مشاركة |
| معركه حزب العمده وحزب النصر | سعد الشقل | قسم المحاورات المنسقة | 117 | 19-10-2011 03:09 PM |
| اول اشتباكات حزب النصر وحزب الحريه ( عبد الباري & صياف ) | قسورة الغاب | منتدى المحــــــــــــــاوره | 14 | 27-09-2010 01:13 PM |
| النصر يطالب المنتخب بعلاج ريان بلال أسوة بياسر القحطاني | عايد2001 | منتدى الرياضه والشباب | 12 | 20-05-2010 09:51 PM |
| خبر عاجل جداً تم اعلان الصلح بين الحزب العمده وحزب النصر | عادل العويمري | منتدى المحــــــــــــــاوره | 48 | 10-02-2009 12:48 PM |
| السبع الضاري وحزب النصر | أنكسارحلم | منتدى المحــــــــــــــاوره | 27 | 15-01-2008 01:45 PM |
الساعة الآن +4: 03:24 AM.
جميع الحقوق محفوظة شبكة بني عبس
