[عبدالعزيزعلي]

اقتباس من مشاركة عبداللطيف العايضي متابع للشاعري العزيز والقدير أهداء خاص لـ أبو جلوي و أدري طيبتي غلطه تصميم قصيدة من قصائد ضيفنا العزيز عبدالعزيز علي الرشيدي وهذا أقل شيء أقدمه لأخي العزيز والقدير يا هلا بللي ينور دنيتي صوووته للقراءة القصيدة بشكل أفضل أضغط على الرابط التالي http://www.7ammil.com/data/visitors/...20alakhyrh.jpg

عبداللطيف العايضي أشكرك من أعماق قلبي
على هذا الأهداء والتصميم الرائع فوالله

أسعدني كثير دامك الله بالوجودياصديقي العزيز


أسأل الله لك التوفيق

[عبدالعزيزعلي]

من مسجااااااااااااتي


أجرحيني لوعلى طــــــول المـدى=وأنظريــــني لوبنظراتك جروووح
لوجرحتي خــــــافقي كله فــــــدى=ولوغلطتي قلت من ضمن المزوح
باق(ن) بفكري من أصواتك صدى=يشهدالله عن سماعي مايــــروح








إن قلت أبنساك وأنســى كل ماقلته=اشوف عندي بعيدوصعب نسيانك
من شان عينك غلاك بخافقي شلته=لعل عمرك طويل وتسلم أعيـــانك

[عبدالعزيزعلي]

أولى مشاركاتي بشاعرالعرب

من دارابومتعب سلام اعم به كل العرب=قاداتها وشعوبهاوحضورهاوغيابها
باربع جهات الهم سلام وكلهم عين وهدب=والمملكه منهم وطن واموت دون ترابها
اشعلتها شعلة شعروأوقدتهاالمعنى حطب=اشعلتهاوشبيتهاوالنار من شبابها
وفي يوم فيه الشعروالشعارومنافس لقب=باسوقها للي تحراهاوأباأفتح بابها
يوم(ن) كلٍ من بنات الفكربالمعنى كتب=هذي قصيده مثل بنت الريح والله جابها
قصيدتي مهره آصيله للآصاله تنتسب=المهره اللي مايروضهاسوى ركابها
طبت لها بروض(ن)ماطبت قبلهاغيرالسحب=في روضة(ن)خضراءوغيرالطيرماغنابها
قامت تنقّاءمن زهورالعشب وبلطف وأدب=واليانظرت خيالها زادت عليها آدابها
يقولها اللي كنها اللي طار من عقب إنقضب=إنفك من شبكة صقاقير(ن)عقب ماأمسى بها
طاروتعلافوق لين المزن من دونه حجب=وكل ماتذّكرطيحته كل الجنحان اومابها
خلاالهموم خلاف وانّحلت عنه كل الكرب=وامسى بدار(ن)خاليه متعّلياً مرقابها
أحدن بها الدنيا خسر واحدن بها الدنيا كسب=اللي خسرمن غرته والمعتبركسّابها
حيث إنها دنيا التجارب والغرائب والعجب=من دون آمان إن جابها آلك وقت إن قفّابها
ان كان تجهلهاأسال اهل العلم وبطون الكتب=من مر قبلك ماسبقك من السنين أدرابها
اللي صدق قالوا صدق واللي كذب قالواكذب=الناس تعرف صادق الأقوال من كذابها
واذا كلامك فضة(ن) إعرف سكوتك من ذهب=قول(ن)صحيح وقيل اهل مكه تعرف شعابها
يالله ياللي لك بزينات العمائل نقّترب=ياعالم حضور الليال وعالماًبغيابها
اللهم أجعلني مابين الناس صادق مستحب=ياجاعل الأصحاب تتجمل رضى لصحابها
إنك تجملني وتبعدني عن المنقودلوإنه عتب=الناس ماودي على منقودها وعتابها

[عبدالعزيزعلي]

ولكم مني ومن ( حامل المسك)بالختام هذى الهديه

[EmOtIoNs]

صح لسانك وسلم يمينك
وماقصرت اتحفتنا بروائع شعرك
والله يسلمك يا اخونا عبدالعزيز

[عبدالعزيزعلي]

اقتباس من مشاركة EmOtIoNs صح لسانك وسلم يمينك وماقصرت اتحفتنا بروائع شعرك والله يسلمك يا اخونا عبدالعزيز

صح قلبك إيمو

اشكرك على متابعتك الرائعه

الله يسلمك من كل شر

تحياتي لك

[ادري طيبتي غلطه]

السلام عليكم ورحمة الله وبركاته

يسعد صباحكم

اعتذر عن غيابي الغير مقصود باليومين اللي راحت

وحبيت اشكر شاعرنا عبد العزيز علي

بصراااحه ما قصر كفيت ووفيت يا ابو جلوي

وسعدنا في استضافتك شاعرنا الكريم واثريت صفحاتنا بكل ما هو جميل اشبعت ذائقتنا الشعريه بتحفك الفريده سلمت اناملك على هذا الابداااع المتواصل


الله يعطيك العافيه على هالحضووور الجميل والقصيد المشرف

والله يديم قلمك عطر يعطر صفحات منتدانا


والف شكر لك على تواجدك المستمر


اختك ادري طيبتي غلطهــ

[خاتم الرشيدي]

اخي عبدالعزيز صح لسانك
انت رايع ولك منزلتك بلقلوب اطيبه