[الهنوف]

لا زلت أحبك حتى لو كنت - مو لي
الدرب هذا غير - وللحين - أمشيه ,

على غيابك , ماقدر أردك :- بـ شي
ولو كنت أمّلكْ شي واحد بـ سويه !

[ضوء]

,

,,

لو المطالب بالتمني دون كيف ودون ليه
كم واحدٍ لامن طلـب تحققـت امنيّتـه

ياليت له اخٍ صغيّر واتعذربـه واجيـه
لاقال وش عندك هنا طلّعت له عيديتـه

والله لعزّه وان تعثر قلت بسم الله عليه
ماهو لجل عين الصبي لجل عيون اخيّته

ذبحت نفسي من غلاه الله يرحم والديه
واللي ذبح نفسه بنفسه كيف تِدفع ديّته



&

[الهنوف]

مالي .. ومال " الحـب " ... وإزعاجه
مالي .. ومالالدروب "إللي تضآيقني"..؟!

[ضوء]

&


محدن يبخل على الناس بكلامـه
هي ثلاث أحروف ما بيها تـزود

أنجلست أخاف من كثر الملامـه
وأن مشيت الصبر له عندي حدود

العواطف شي ما يثيـر أهتمامـه
صار عنده مـا يشابـه للركـود

لاهو اللي صد وأنساني غرامـه
ولاهواللي صار في طبعـه ودود



&

[الهنوف]

إي أعرفك ( غيم ) ما أعرفك , بخيل
ليه ! تترك لي من أحضورك .. عطر


لي ثلاث شهور ! وأدموعي .. تسيل
شوفني جفيت .. ما عندك ( مطر )!

[ضوء]

&



وسؤالي اللي شبّ ناره ونوره
نفس السؤال اللي قتلني جوابه !!


كم غايبً يشبه غيابه حضوره
وكم حاضرً يشبه حضوره غيابه !!

[الهنوف]

أيام تضحك معي .. وأيام تبكينـي
هذي هواياتك اللي بـارع ٍفيهـا

ترى الحكـي ياحبيبـي مايكفينـي
الهجر قاسي .. وحاميها حراميهـا

أبغي من الحب تشبعنـي وتروينـي
مشاعري بالغرام أبغيـك تطغيهـا

[ناصر الرشيدي]

صابني مثل السّكُوْتِ المزعجٍ المحرجٍ : كـلام
آتنفس .. ||أبي أحكي
أنكسر ما قلت شيء !