[سالم الرشيدي]

ياقلب .. مالك ومال صدور خلق الله !
والله ما يدوم عزّك غير في صدري ...

على كثر طيبتك ، تدري وش العلّه ؟
تقدر انسان , عمره ما عرف قدري !

[ناصر الرشيدي]

اقتباس من مشاركة فضي البراك عندي سؤال تووووه خطر يحتاج له منك اعتراف=وشلون اسميك المطر ويصيبني منك الجفاف

اكتب سطر واشطب سطر ومن الحقيقه لاتخاف=واليا بقى آخر سطر اشرح ظروفك لاتخاف

[هذيان]

انا لو قلت ماحبك ! تراي اخفي شعور انسان
مشاعر صادقه حلت تفاكيري ووجداني
عشقتك كثر مااشتقت لدفاك وجيت لك ولهان
كثر مااشفق عليك وكثر مااحبك وتجفاني
اعيش اسّير بيدين الغريب ورحمة السّجان
وانا اللي كل ماجيت اكتبك بيديك تمحاني
تعذر بالزمان وبالليالي والظروف احيان
وانا ماسامحك لاصرت بأعذارك تحداني
وانا ماسامحك لاصرت بأعذارك تحداني
امانه لاتقول الحظ خانك000 والزمن خووان
تراك انت الخيانه والزمن مظلوم باعياني

[فضي البراك]

منور يابو سيف

[ناصر الرشيدي]

هذا ظني فيك ياسبة نجاحي=والا ياسبة جروحي والقصيد

[ناصر الرشيدي]

اقتباس من مشاركة فضي البراك منور يابو سيف

الله ينور دربك

الليله يابو فيصل حضر سهيل ههههه


.

[مرآهيش]

البـرد موجـة عـذاب وحضـن مايدفـي=لـو قدّستـه المنافـي " شرهـة حمـيّـا "
مثل الزمـان التليـد إللّـي غـدى مجفـي=ريحانتـه تستثيـر " البـرد " مـن غـيّـا
والمهجر إللّي جفـاه الموعـد " المنفـي "=يطوي لحاف المساء ويقـول لـي " هيّـا "
هنـاك ,، يـمّ الحنيـن ووقتـي المقـفـي=ولاّ تـراب الجفـاء يـزرع لـه " جفيّـا "
ياليت قلـبٍ صفالـه يـوم ،, لـي يصفـي=ماكان " طاح الحطب " عندي ,، وبـه عيّـا
ضجّ المكان ب" صفير " الريح , من خلفـي=يـلهـج بذكـرٍ ,، يـفـجّ الـصـدر منـيّـا
إسأل دروب السهر عـن " مُثقَلَـة " كتفـي !!=وإسأل دموع الزهر عـن راحـة (إ) يديّـا !!
وشبّاك " نبض الورَق " والشارع المطفـي=وأوراق ٍ مبعثـرات ,، هـنـاك وهنـيّـا
والليلـه إللّـي تجيـب أوهـام ماتعـفـي=كنّ " الوهـم " فـي ظـلال الصـدر يتفيّـا
"و السوسن " إللّي روت وتشرّبـت عطفـي=وشلون عقـب التسامـي تُنكـر " الميّـا "
أحيان طبع الجفـاء مـن عارِضـه يشفـي=وأحيـان مـن غفوتـه ماتشعـل الضـيّـا
ولو كان " كلّي " يموت ,، ليا غدى " نصفي "=ماكان مـات " الغيـاب " وشفتنـي " حيّـا !!!

[لايطول غيابك]

وش يقول اللي تعود يلتقيك
يوم عمره مالقى عقبك غلا

ماقدر في بعدك الا
يحتريك
وماعرف في غيبتك غير الولا

كم تمنى بالوفا لو يحتويك
في خفوق بأصدق الود أمتلا