[سعد بن عادي]

الشيب لاح بعارضي والعمر قرب للنفاد
يالله تزيد ونعم فالدنيا بحسن الخاتمـه
واليا دخلوني في القبر يالله يارب العباد
ضوّه بنور المغفره يجلى الذنوب القاتمه

[سعد بن عادي]

اكبر قهر لجدد الوقت جرحـك
بيدين اقرب ناس لمصافح يديك

[سعد بن عادي]

صابنا تال الزمن ضعف حيل وضعف دين
عقب مفتول الذراعين جاء فيه انحلال

مالنا حيله ياكود الدعاء يــا مسلمين
والهدى والنصر والعـز من رب الجلال

[سعد بن عادي]

لا تنجرح لا قلت لك : ودي أنساك
هي رغبتي لو أنّها [ مستحيله ]

حاولت ابنسى ما تعلّق بـ ذكراك
وعجزت لـ آنسى الذكريات الجميله !

[سعد بن عادي]

حسبي الله على أمريكا ونعم الوكيل
ما يشب الحرايق غير مقباسها

تحت بند العداله كم تحط وتشيل
وفتنة الشرق الأوسط من تحت راسها

بالسلاح القصير وبالسلاح الطويل
ترسم ومرسمتها فوق كراسها

مجلس الأمن كلّه يقضم الجنزبيل
ترفع الفيتو ولا يجرح إحساسها

يا الله انك تسلّط فوقها شهب ليل
لين تهدم معالمها على ناسها

والعرب يفتح الله والحصيل الحصيل
ما لعب في الخزينه غير حراسها

أحفظوها مثل لايق وجاله دليل
طابخة فاسها تشرب مرق فاسها

[سعد بن عادي]

اعترف لك ( ماتحملّت القطاعه )
ضاق فيّ الكون كله واتسّاعه
لو بغيت انسى زمانك واتناسا
صدقيني ! ماقدرت انساك ساعه

[سعد بن عادي]

تعطيني الايام وصل وقطاعـه
وأمدّها بالضحك والصبر والحيل
وأملك من الثنتين كنز القناعه
والعذر في وجه السنين المقابيل

[سعد بن عادي]

شي بصدري لي زمان مخبيّه
ودي اقولة بس وشلون اقوله

أخاف لاجيت اتكلـم وأبديـّه
يفهم على مفهوم ماهو بحوله