[الجابر]

إننا من الكويت نبدأ، وإلى الكويت ننتهي، وما عدا ذلك فليس من الكويت، وليست الكويت منه

[ودق أنفاس]

هيه ياريانت العود لاهب الهبوب
لاعبي تيك الهبايب على ماهي تريد
واذكريني كل ماهب نسناس الجنوب
واذكري كل الرسايل وغني بالقصيد
واذكريني كل ماجات حزات الغروب
واذكريني كل ماراح تفكيرك بعيد

[لايطول غيابك]

وين انت يا ملهم قصيدي اناديك!!!
الصدر ضايق وخاطري منك ما طاب
اخر قصيدة حب موضوعها فيك
مضمونها ياصاحبي لوم وعتاب
يوم غبت عني كل يوم احاتيك
انت الوحيد اللي عن البال ماغاب

[فضي البراك]

اذا غرورك يمنعك تعتذر لي
تعال جنبي وابتسم لي وأسامح

[سالم الرشيدي]

كل مآ حصلت نكك مع المتوآجديـن
رحت اسجل لي دخول وتواجد وحركه
وانت متوقف نشاطك حوآلي سآعتيـن
نكك معلق إلى غبت وش له تتركـه ؟
منتدى حسك مهو فيه يلقآ حاجتيـن
تنفر الـزوار منـه ولا فيـه ابركـه

[لايطول غيابك]

‎ماودي أتخيّل حياتي / بليّـاك
يا أغلى من أقرب شخص لي بحياتي
ومن كثر ما احبك وأبي ساعة رضاك
شفني على خنجرك / كاتب وصاتي !
دامك تبي الفرقا .. فـ أنا اروح وياك
ما ابغى أقابل لين أموت .. امنياتي !
خذني وعذبني على كيفك هناك !
وان مت .. رجعني على ذكرياتي !!
‎

[مرآهيش]

تعال خذني عن مسا البرد بدفآ=عساني القا بين يدينك الضو
ماعاد يغريني دفا الشوق واغفى=الشوق فيني صار بارد مع الجو
جمدت خذني عن هوى البرد تكفى=ما اذكر ذبحني البرد مره مثل تو !!

[ودق أنفاس]

أنفضي بعض شالك فوق وجه الغدير
يمطر الغيم عطر..وتنبت الأرض ماس
ولو تحب النجوم أصبعك بس الصغير
يمسي البحر فضّه والشواطي نحاس