[مرآهيش]

إن حكيتي لا تزيدين .. ( الكلام ) !=حطّي ( اعيونك ) بعيني , وافهمك
في حضورك شوقي فبرد , وسلام=وفي غيابك كل ( عرقٍ ) يزهمك .!
استخف الناس , واحيا بـ ( الغرام )=الله يخليك , وجعلي ( معدمك ) .!

[ودق أنفاس]

أفراحي بصدري قطيع أغنام عاشت في حصار
والهم ذيبٍ لاعماه الجوع حوّل لغنمي
يا امّ الخطا ماعاد ينفع للخطا ردّ إعتبار
وانتي خطاك عروقه بصدري وشوكه في فمي
أكثر هزيمه توجع الإنسان بعد الإنتصار
وأكبر قهر لاصار باللي يطعنونه يحتمي

[جُمانه]

من يوم جيت الله وكيلك علـى طـول
سلامك عتاب !! .. وسواليفك عتاب!!

طوّل علي بالك عسى عمـرك يطـول
ماكل موقف تنشرح فيه الأسبـاب ..

[وليد البراك]

كان الرجوله بالمناظر والاشكال
عزالله اني ماعرفت الرجوله
وكان الرجوله بالمواقف والافعال
عزالله اني مرتوي ياخجوله

[مرآهيش]

انا ( الغريق ) اللي غرق في , مياهـك=وانا الشجاع اللي ( طعنته ) ولا خان !
وانا الوحيد اللي سمع صوت ( آآآهك )=لاصرت بـ( حزانك ) تبي , وقفة انسان
لوكنت تدري عن ( شعوري ) تجاهك ؟=ماكنت تتركني على ( زلة لسان ) .!

[ودق أنفاس]

ورب الشعر و أغصان الشجر و البحر و الإنسان
يا إني رحت أتوسل غيابك يرحم أهدابي
تمر البال ماكنك تمره مثل أيّا كان
تمره لين ما أشعر بموتي و انت تحيا بي
وأروح أجمع لك فروحي عصافير و مطر و أغصان
و حزنٍ من نشف صوتك كأنه حاسب حسابي
وش أقسى من السؤال اللي شهقته .. ماتمل يا فلان؟
وش أقسى من الجواب اللي زفرته.. ناطر أحبابي!

[جُمانه]

ماني بقـد العتـب .. فـي ساعـة الفرقـا
يكفي من بعيد .. ( لوّح لي .. وألوّح لك ) !

[مرزوق العجوني]

الحب الاول انت وانت اخر الحب=مافيه لا قبلك ولا بعدك انسان
كل ماولهت فغيبتك قلت يارب=يارب لا تقطع رجا كل ولهان