[سعد بن عادي]

انا زرعت الطيب في بعض الاصحاب
وفي ساعة الشـده حصتـه ندامـه
وش عاد لو ودى زمانـي ولاجـاب
الصـد شيمـه والتجاهـل كرامـه

[سعد بن عادي]

سولف علي الله يمسيك بالخيـر
سوالفك منوه وشوفتـك منـوه
الليله اللي تجمع قلوبنـا غيـر
لو كان في بعض المواصيل عنوّه

[سعد بن عادي]

يـاللـه يلي تعلم أسرار القلوب
جيتك وانا همي على قلبي سطا

همّ الحياة اللي مضت مثل الهبوب
أعمالها جمعتها صح وخطأ

أتوب وأرجع للخطأ وأرجع واتوب
وأعيش من رحمتك في ستر وغطا

مازلت تسترني وأنا كلي عيوب
أزريت اغير وضعها رغم البطا

اهيم واسرح في الشمال وفي الجنوب
مرة على القمة ومـره في الوطا

عيني على البراق في غر النصوب
من يوم أشوف البرق حثيت الخطا

كل الدروب احلام واوهام وهروب
إلا طريق رضاك ياجزل العطا

يارب تهديني على خير الدروب
يامن هديت النحل وأسرار القطا

وارزقـني التوبة وغـفران الذنوب
وشفاعة أفضل من على البيدا وطا

[سعد بن عادي]

من عجائب غيرة الأنثى ..انها لاتغفر لك أي قصة حب سابقة!!! فهي ترى ان قلبك خلق لها قبل ان تعرفها ..

[سعد بن عادي]

بعض البشر ماهو يجي حسب ظنك
حتى ولو تفتح له .. آفاق و دروب

اتعلمه فعل الجمايل .. و كنك ؟
تطلب من العميا اتخيِط لها ثوب !!

[سعد بن عادي]

في [ صوتها ] نبرة حزن ! مدري بقايا من جراح ؟
والاّ طبيعة صوتها .. تجرح / قلوب السامعيــن !
في [ صوتها ] تلقى الطيور تنشد مواويل الصباح
رغم انّها تشكي ألم ! تسعد جميع الحاضريـن !

[سعد بن عادي]

أحيان مافيه دافع يستفز الشعور..
واحيان مابه كلام يترجم شعورنا ..

[سعد بن عادي]

سترت عيبك عن عيوني ولا بحت
وخذيت من دنياك جرح وشكرتك
الله يسعد خاطرك وين مارحت
والله يسهلها علي ، ( لاذكرتك )