[كاتب الرشيدي]

هلابك اخوي مالك الصامل


سعدنا بمشاركتك

ونتمنا للجميع التوفيق



وياهلا

[جميل مساعد]

... القصيد الجزيل ...

يازماني عليك الرفق ماترفقا = لوتكرم وخبري ما انت شخصٍ بخيل
بين نار الغموض وبين نار اللقا = وش بقا يالوضوح ولابقا مستحيل
كاتمه بالخفوق ولاحصله نقا = ماعرفته وربي ماخلقني ذليل
حكمتي للحقايق من فعل ماتقا = والصراخ القوي يكفيك شر العويل
والقصايد مواقف ماتجي الابشقا = والشقا مايجيب الا القصيد الجزيل
طارقٍ بابها والجن جن أزرقا = وآقف بوجهها والبحر بحرٍ طويل
وأن طرأ ماطرأ واللي نزل مارقا = قدها ماتزحزح قد نار الفتيل
لا ذبحني صبر والعمر مايفرقا = ثابت ابخطوتي والراس عيبٍ يميل
عزتي غاليه لا لا تمون اصدقا = ماوراها ياغير الموت حملٍ ثقيل
حاسب النفس زين وحلمها بالوقا = لاتكاثر كثير ولاتحاقرقليل
عن ردي الكلام النفس ماتنطقا = منه ماتفرق العقيل شمسٍ وليل
والورود الجميله همها بالسقا = والسقا يتعب الفلاح بعد المقيل
يادروب العنا ياشمسنا المشرقا = ماتفرق غيوم ولا حصلي حصيل
بين نار الغموض وبين نار اللقا = وش بقا يالوضوح ولا بقا مستحيل

شعر : جميل مساعد الرشيدي ...
(المشاركه بالمسابقه ..

[كاتب الرشيدي]

مرحبا اخوي جميل مساعد

سعدنا بمشاركتك

واااستلم





وياهلا

[عبدالرحمن العويمري]

السلام عليكم ورحمة الله وبركاته
اخوتي واحبتي في قلعة المجد والتاريخ اقدم لكم هذة القصيدة بالمسابقة الأكثر من رائعة واتمنى ان تنال اعجابكم واستحسانكم كما اتمنى للجميع التوفيق والسداد,,,,,,

((كـــل الأمـــــــــــــاكن))

جو الفراق وغيم الأشواق والتيه= على بعضهن من بعضهن تشاكن

وصار العتب على الزمن والمشاريه= هذا الزمان اللي بحزنة لفاكن

لية المفارق يازمان الشقا ليه= يااحلى الليالي لية دارت رحاكن

يعني فرح عمري معه جرح قافيه= ومغلفة بالجرح ضحكة جماكن

والجرح وهمومة وقلبي وأمانيه= اسمع صداهن داخلي لاتحاكن

يحكن عن غدر الزمان ومساريه= وذكرى الغلا من بين ذيك المساكن

ذكرى وليف(ن)غاب والقلب هاويه= مايدري ان جوي بلياة داكن

ياصاحبي شف خافقي شوف وش فيه= من يوم غبت الهم بالقلب ساكن

غبت وجروح القلب هدت هقاويه= وحبك وجرحك في ضلوعي تراكن

حبك مناة القلب والجرح كاويه= وعيون حبك في غيابك تباكن

هذا وانا طرق الحزن بس اغنيه= تشتاق لك عيني وكل الاماكن


اخوكم :عبدالرحمن سويلم

[shoeely ma]

السلام عليكم ورحمة الله وبركاته

احب ان اشكر ادراة هذا الصرح الشامخ والقائمين عليها على ماتبذله من جهود في كافة المجالات.

واضع بين ايديكم هذه المشاركه وكلي آمل ان تنال على استحسانكم.....

(اتذكرينـي ليـا هـب النسيـم )
ياعذبتي في غيابـك تعترينـي ضيقـة الحـال
ردي علي الضيا واعطينـي المجـد وصهيلـه
اشتقت لاحلى الليالي شوق ما يطري على بـال
واشتقت يا عذبتـي لعيونـك السـودالكحيلـة
ياماعلى حنجرتـك الدافيـة علقـت الامـال
واهديت عطرك وهمساتك للاضـلاع النحيلـة
واشتقت للضحكة اللي صبت من الحلـم شـلال
والمبسم اللي يشب البرق من سـدر المخيلـة
تعالي ابغى استريح بظلـك الممـدود واختـال
تعبت واتعبني الركـض الطويـل بـلا وسيلـة
تعالي ابغى عيونك معطفـي وذراعـك الشـال
ترجف عظامي من البرد العنيد ومـن صليلـة
البارحة كنت افكـر واعـزف التفكيـر مـوال
وابكـي رمـاد الليالـي والمسافـات الطويلـة
من يختصرني لوصلك مـن يبشرنـي بالامـال
من يطفي الشوق في صدري ومن يبردغليلـة
قضيت الايام لاجـل اعيونـك الحلويـن رحـال
بين الورق والمحابـر والطـروق المستحيلـة
ولمست في بعدك الدرب الطويل امن اشهب اللال
واخضر عود البلح في بيـدر الشعـر ونخيلـة
ذكراك في داخلي جلسـة غريـب ونـار ودلال
وشعاع قمرا ودمعة شوق احـر مـن الفتيلـة
لي في عيونك سهاد وفي هدبك الظـل مقيـال
لكن مااسرفت في فيـة هدبـك وفـي مقيلـة
وشلون اشوفك واكيد العـاذل الكـذاب واحتـال
وانـا نفـد صبـري الطيـب ولا فاليـد حيلـة
عليك مني سـلام وحـب يـا دلوعـةالبـال
ما رف رمشك وما ذاب الزهر فـوق الخميلـة
اتذكرينـي ليـا هـب النسيـم وحـرّك الجـال
واختل وجه القمر في ماه واطلـق بـه سبيلـه

مع تحيات مخاوي

[زلزال الرعود]

هذي مشاركتي

كل ماتطلع عليه مفاجأة الطريق =اتذكر كلمة ٍ من زمان اوحيتها

كلمة ٍ تبرابها تجربة عمر الصديق=طشها في بحر آمالي وانا زليتها

قرّبتها بيض الايام لابواب المضيق=واوقفتلي لين ضاق الوساع وجيتها

اثرها تبرم وصالي مع البيت العتيق=مثل ماقال ابن وسام!يخرب بيتها

والله اني مانويت انقض العهد الوثيق= واترك اعهود ٍ على عاتقي حطيتها

لين حال الموج بين السواحل والغريق=واستوت عندي سوا اخذتها او خليتها

مايكلف ربنا..نفس فيمالا تطيق=اما انا لو هي بودي فنت ..مااعفيتها

اه من صبر ٍ صبرته على زيف البريق=انشفت حالي ورجلي وراه احفيتها

كني اللي كل يوم ٍ معلّق في فريق=الحضر مريتها والبدو مريتها

شيء في حقي وحق النشاما مايليق=لكن اني مثل ما جبتها وديتها

مادرا عنها معي لاالبعيد ولا الرفيق=صغتها في عرش كسرا سنه واخفيتها

لو محاديب الضماير مثل نارالحريق=كل ماشبت بطيب الرجاء طفيتها

اكفخ بجنحان حلمي كما الحر الطليق=واتفاءل ليت الايام تصدق ليتها

من حجا شم الشواهق نظر عيني يويق=حق الارض اللي لو اموت ماطبيتها!!

زلزال الرعود

[النقيشى]

السلام عليكم ورحمة الله وبركاتة
الشكر كل الشكر الى الاخ الاستاذ كاتب والله ايديمه علا فعل الخير للقبيله
اخوانى لديه مشاركة اتمنا ان تنال اعجابكم ورضاكم


قالولى ابطيـــــــــت قلت لاعاد من بطا
عساك طيب من جميع الهوايل
قلت اليه حساب اسنين من تبعى الهوا
اولاخـــير فلى يخلفن الرسايل
رمتنى الى زينها يسقى الـــــــــــــطنا
وبزينــها ماقربتها المحايـــــل
رميتها رميــــــــــت عنود مــــع الخلا
وهـيه رمتنى بلعـــيون الكحايل
خرعوبتـــــــــن تشدا المطرق القــنا
الى مطاليــــــعه رمال اوسلايل
وجدى علاها عد ماينبـــــــــت الحيا
وعداد ماهلت عليه المـــــــخايل
وونتـــــــى ونيتـــــــــــها بين اوخفا
ياليت لى معـــهوحــلال اورحايل
فى ظـــــــف ربعاْ ماداخلوهوالعـــــدا
اهل الكرم واهل اليدين الطـوايل
انجيــــــت ابتبعهو ودارى من الخطا
ولد الطلق مايمـــــشى الابدلايل
اخـــــــاف من زله ومن هرجت المـلا
الى يبينون القول لوبالفـــــعايل
ايقــــــولها الى ظايق الين والجــــسا
ولايشد الحمل والحمل مايـــــل

[قسورة الغاب]

الله الله
صح الله السنتكم
شعار هذه الصفحه مبدعين والله
الله يعينك ياكاتب انت
ولجنة التحــكيم
ع الاختيار