[النمر1012]

لو تشره ترى عمـر التشـره طويـل
الحكاوي ربـت عنـدك وفيهـا ولاك
لا تشكك ترى مـا للشكوكـك دليـل
كل شكٍ طرالك فيـه معنـى خطـاك

[النمر1012]

قالوا ان الحـب سكـه مـا يسايرهـا الخنـوع
قلت موت الحب والله لا انكسـر فيـه الشـراع
قالوا ان الحـب موتـه لا غـدا خلـك خـدوع
قلت موتي صاحبي ما يعـرف دروب الخـداع
صاحب ٍ وافي شقاوي فـازع ٍ صـادق جـزوع
جامع ٍ زين الوصايـف محتـوي كـل الطبـاع
دوم يتعب في غرامي ساطـع ٍ فينـي سطـوع
وان أمرته قال أمرك يـا بعـد عمـري مطـاع
كنت أحبك يالثلوث وكنـت أجوعـك يالربـوع
يـوم كانـت فـي ثناياكـم مراسيـم اجتـمـاع
كنت أشوفك بالمحبه كـل صنـف وكـل نـوع
كنت أعيشك بين صدري والكتـف ويّـا الـذراع
كنت أصل الحب .. جذره .. والزهر ويّا الفروع
كنت جلسـة اقتـراع وفـزت باعلـى اقتـراع
كنت لي في ظلمة الليل الكئيب أجمـل شمـوع
تحترق من شان أشوف الظي واحيـاك استمـاع
يا حبيبـي والأمـل فينـي يبـي منّـك رجـوع
شوف همي في ضلوعي أصبح الأمـر المشـاع
إرجع إرجع ودي القا تحـت رمشينـك هجـوع
إرجع إرجع ودي أنهي مـع تجافيـك الصـراع
إرجع إرجع وانظر بصـدري تلاقيلـك جمـوع
هي سوالف .. هي مشاعر .. هي عتابات ونزاع
يا حبيبي والغياب اللـي سكـن بيـن الضلـوع
يعلم الله مـا عـرف غيـر ابتهـالات الضيـاع

[النمر1012]

يا صاحبي وان غاب حسّي ولا بـان
لا تحسب إنّي منقص بوصلك الكيـل
لا والله انّـك دايـم الـدوم سلـطـان
للشوق والرغبة وصـدق المحاصيـل
لكن زماني يا ابيض الوجـه هيمـان
في ظيقة احوالـي وسـود المجاهيـل
عجزت الاقي بيـن الاحبـاب خـلاّن
واعجزت اعيش ولا تجينـي بهاذيـل
واعجزت اميّز بين صـادق وخـوّان
واعجزت الاقي شمعة ٍ تضوي الليـل
واعجزت احسّك واحد ٍ ضمن الاخوان
لنّي أشوفك غير عـن كـل هالجيـل
من حقي احلم لكـن الحلـم خسـران
لا صار زايـد فـي تفاصيلـه الميـل
آسف على مافات لا صـرت غلطـان
وآسف على قلّ الوصـل والمراسيـل

[النمر1012]

العقل نعمه والسوالف لها ساس
والرجل يوزن كلمته لا نطقها
واللي بيسمع مايقولونه الناس
نفسه على طرد السوالف حرقها
سم الكبود الحكي ياطير قرناس
ارفع مقامك لاتجي في طرقها
خلك مع العالم على كثر الاجناس
والاذن عن قولة يقولون صقها
نقل الحكي بين العرب يرخي الراس
ياما وياما كم جميع فرقها
والمعرفه غبّه وتحتاج غطّاس
حتى يجيب الولوه لا لحقها
من لايقيس جو له الناس قِيّاس
ولا عاد تنفع شهقته لاشهقها

[النمر1012]

يابو نوره يوم غنيت الاماكن
ماحسبت حساب لقلوب البشر
حركت مع نبرتك بي كل ساكن
اشهد انها وقعت على وتر
اتصدد كل ما مريت لكن
غصب عنّي صوبها الد النظر
كل ما حولي اكتسا له لون داكن
الشوارع والمدينه والعمر

[النمر1012]

ف الليل دمعه والنهار ابتسامه
على عيون الناس كني خلي بال
ابا السلامه مير مابه سلامه
مادام مابه حظ بتموت الامال

[النمر1012]

البرد قارس ..! والدفا : ما من دفا
حتى المشاعر : من غيابك بارده
شحوب وجهي : مايبن ... لك وفا
قلبٍ على . الحرمان سيفه : جارده
حل الشتا / لاتبتعد ... عني كفا
خل .. الضروف .. الصادره .. والوارده
طيفك .. وهو .. طيفك ليا منه لفا
كم من سؤال ؟ في حضوره سارده
اسمع : ترى قلبي عن غيابك عفا
تغانم .... ايامك .... تراها : شارده

[النمر1012]