[النمر1012]

قمت انادي يا صغيرة .. بس ما لصوتي حياة..!
يمكن إني لا زرعته ما تهيّا تقطفه


قالت الا قد سمعته بس لي منّك رجاة!
لا تناديني صغيرة.. زان زولي قم شفه!


قلت لا يهمّك كبيرة .. قالت اعذرني يبات
صغر سنّي فوق متنك دون خوف ٍ يرجفه


قلت هو قمّة عنادك اعتلت له نايفات؟!
جاوبت(ماااني عنيده) .. واطربتني فلسفه!


ذاب صوت ٍ للطفوله.. ماطلع حدّ اللهاة
من ذهوله في وصوفه.. من شقاها تخلفه


يا طفوله عانك الله من دلع ملح البنات
وياطفوله اسأليني عن شقاها واوصفه!!

[الـشـقـاوي]

يا | قلب | ياللي جروحك من موآليفك ..
ناس سعت في { عذآبك } ليش تغليهآ ..؟

[رماد الشوق]

لاتنحرج ماجيت اسبب لـك احـراج..

قلبي عقـب فرقـاك زاد انحراجـه..!

انت الوحيد اللي لـه القلـب محتـاج..

وغيرك ترى مالي بهالنـاس حاجـه..

ان ظقت ظاق اليم بعيـون الامـواج..؟

واليا ابتسمت..الكون يضحك حجاجه ..!

دنيـا بدونـك كلهـا هـم وازعـاج..

فيها ظـلام العمـر يطفـي سراجـه..

لاجيت يمـي صـار للظيـق مخـراج

ويعـود للقلـب الحزيـن ابتهـاجـه

ولاغبت ظيقة خاطري مالهـا أفـراج..

بيديـك صـارت ظيقتـه وانفـراجـه

لك في صميم الذات مسـرى ومعـراج

ولك مملكه فكـري وعرشـه وتاجـه

ان كان لجروح الغـلا طـب وعـلاج

انته طبيـب الجـرح وانتـه علاجـه

[ذبحني غروركـ]

في هالزمن .. أقرب حبايبك .. يشقيك ..
ألين تدفع في غلاه .. الضرايب !!

من بعد هذا .. يبتعد .. عنك .. ويجفيك ..
ماكنه .. بجنبك .. قضى الوقت .. طايب !!

وإلا .. الخوي اللي توقعت .. يفديك ..
يفديك عمره .. لا غدت بك .. نشايب !!

[رماد الشوق]

اشوف الناس كل واحد واخلة

وكل عاشق حبيبة ما يمله

وانا بس انتظر يمكن تجيني

انا احتاجك وانت تتغلى

[ذبحني غروركـ]

الضيق مـــاهـو فـ الاوادم طبيعه
والآدمي لاضاق تغنيه لابــاس
واللي يضيق خاطــرك في صنيعه
حاول تمثل كن ماعندك إحساس
واللي يبيعك مــاهــــو لازم تبيعه
لازم تكون انت الذهب دامه نْحاس

[رماد الشوق]

خل الحزن عنك ترى فيك مالاق
حرام قلبك يسكنه " أي ضيقه !

[ذبحني غروركـ]

صـــــباحك بالكــــــلام اللي يزين خــــاطري وياك
،،،،،،، بســــوق الشــــــعر لعيونك .. وأغنيها على بيتك
بأعــلق روحي بروحك ،، وأمشـيها على ذكراك
،،،،،،، وأقول بلهــفتي : ويــنك ؟ ترى من لوعتي جيتك
قريتك حـــرف .. والمعنى : بقلبي شاعر ٍ يقراك
،،،،،،، كتبتك حــــب .. يفضــــحني .. وأنا بالسر وصيتك
أنا ماشي على دربك .. ورجــــلي سابقة لخطاك
،،،،،،، أخاف قلوب تسبقني ،، وأقول بصــوت : يا ليتك
تعال نعيــــش في روحي يشــرف أرضها ماطاك
،،،،،،، تعال بعــــالمي تكــــفى .. بكل إحـساس : ناديتك