[مرآهيش]

اضحك على حزنك .. وكفكف دموعك = وخل التفاؤل والصبر من سماتك !
وإقنع بمقسومك وهديء في روعك = وإجنح بدل زود الكلام .. لـ/ سكاتك !
من اشبعك يوم إنه ازداد جوعك = قادر يحقق لك جميع امنياتك !

[مرزوق العجوني]

مِن عرفتك ما بقى بـ اليَد حيل=ولو بكيفي قلبي محدٍ يدخلَه

[مرآهيش]

للحين صوتك داخلي حي مامات=أتذكّره.. وأحنّ له.. وأستعيده..
للحين أحسّه غير عن كل / الأصوات=هذي مواويله, وهذا نشيده
أتفقّده / وأفتقده بكل الأوقات=ويمدّلي من خلف الأحزان أيده ..
ماغاب عن سمعي ولو غاب "لحظات"=لو بيني و بينك مسافه بعيده
كل شي أحبه فيك.. والصوت بالذات=ياليت لو أن الليالي تعيده
صوتك تعبت (أختصره) في بعض الكلمات=صوتك لحن يوم أحتياجي (قصيده)

[مرزوق العجوني]

رِزقي علَى اللي إذآ عطى شي مآ منه=وإلآ إيدين الـ عرب تعطي و منآنه

لو شحوا النآس ربي يعطي الجنه=مآيغني إلآ كريم الوجه سبحآنه

والعز لـ النّفس وآجب و الحيآ سنه=وآنآ يديني من الثنتين مليآنه

[فضي البراك]

انا أحسب كل غايب مايعود=أحسب أنك عن العالم ظعنتي
وآثر مال الوليف إلا وليفه=قسيتي أو على الأحباب لنتي
حميتك مثل وجهي وأحتميتك=ولا ينقصك من كسوتك سنتي

[الهنوف]

لا عبتك الشطرنج من دون خطه
وانهيت نفسي قبل اوصل حدودك

كل الخساير .. تاتي بسبب غلطه
وانا غلطت .. وحاصرتني جنودك

[مرآهيش]

من سوء حظّي شربت الحب من بدري ،=وأثـر الخطايا تناديني .. وألبّيها
ما كنت أصدّق تموت أحلامي ، وعذري := بأني وسط عيني اليمنى × مخبّيها
أحيان أحس الزمن كاشف على صدري .,= وكل حاجة ٍ كنت أبيها صرت مابيها !
وأحيان أحس الزمن ماهو على خبري= خصوصـاً إن كنت تايه بين ( قلبيها )
قلـبٍ يبيني مثل حل ٍ لها .. جذري ،= وقلـبٍ إذا خان قال لـ قلبي : وش فيها ؟

[الهنوف]

باقـي مـن الـفرقا تـعب !!