[سعد بن عادي]

زماني..! يقابلني بشيٍ من القسوة
وانا اقابله..! بالعلم والحلم والحكمة .!

[سعد بن عادي]

لا تهوّر .. دوّر اللي في لزومـك تستشيـره
لا تضيّعـك الهقـاوي والدعـاوي عالميّـه
تحسب أني منك ابزعل يوم ترقص مع سميره
شرهة الجاهل عليك وشرهة العاقـل عليّـه
وأبك أنا خابر وصابر وأحسب حساب العشيره
والله أنيّ ما رحمتك غير من بـاب الحميّـه
لو بغيت أصنفرك صنفرتـك بحبّـة شعيـره
تحتـزم بالطرطعـان ونحتـزم بالبندقـيّـه
يا قليـل الفـود والدنيـا رحاهـا مستديـره
من يقول الشمس ماتت ندفنه والشمس حيّـه
نكحل العين الصغيره لابغـت تصبـح كبيـره
ودقة القلب السريعه تركـد وتصبـح بطيّـه
لو يحطوّنك مراسل فـي تلفـزون الجزيـره
كان رزيّت العلم بيـن النجـف والناصريّـه
ولو ندقّك سلف يمكن يحترق سلك الظفيـره
وأنت وجهك بارد وعنـدك حـراره داخليّـه
لا نتفنا منك ريشه وأنـت جنحانـك كسيـره
لا تحمّلنـا ذنوبـك عنـد خـلاق البـريّـه
أن زعلت أسمع حبيّب يوم غنّا من ضميـره
( سامح الله من قصدني وأعتمدني بالخطيّه )

[سعد بن عادي]

تحصل على الراحه بتقديم الاتعاب
مافيه شئٍ وانت مرتـاح ياتيـك
ان كان ماجاهدت في بذل الاسباب
محدٍ يجيك يحب خشمك ويعطيـك ..

[سعد بن عادي]

الغالي اللي بذلت الجهد لعيونـه
واهديته القلب والاحزان ملتمّـه
يمكنّي اقدر اعيش العمر من دونه
اما اني انساه.!! لا في ذمتي ذمّه

[سعد بن عادي]

أردت ان أعشق حبيباً (مُخلِص) فبُليتُ بحبيب ٍ له ( مُخ / لِصّ )

[سعد بن عادي]

المدح لامن قيل في رجل ٍ يقول ولا يطول
كنه مسبّه ابطريقـه راقيـه ومهذبـه ..!

[سعد بن عادي]

روح البنادم تقضي العمر وتفيـض
وترجع لباريهـا بنفـس ٍ رضيّـه
سنّة ولي العرش يا كاظم الغيـض
قضى القضا فيهـا ودارت رحيّـه ..

[سعد بن عادي]

يالله عجل بالفرج وانت راعيه
كم ليلة ضاقت وعندك فرجهـا