[فضي البراك]

خيرني امري بين اصعب خيارين

موتي انا أو موت الاحساس فيني

[مرآهيش]

الشوق جمر(ن) ..توقد داخل ب بصدري..=والقلب عود(ن) يفوح بكثرة اشواقه
الطيب اسوقه لطيفك قبل مايسري.,=واحشمه من حشمتك .. وازعل على فراقه
مرات شايل ارق لامن لفى بدري..=ويضيع حلو المنام ب كثرت عناقه..!
هذا هو الحال بغيابك..ولا تدري..=اساير الوقت والايام سرّاقه

[مرزوق العجوني]

تدري وش اجمل ماتحسه بهالكون= انك تحب اللي تحسه يحبك

[مرآهيش]

صداقتك كنـز جعلـي مـا أخـلا منهـا=الـلـي خـــذت جـــل وقـتــي وهتمـامـاتـي

لو كنت مانـي علـى لأنظـار معلنهـإ=الا إنها جمل صداقه في صداقاتي

[ذيب الهجاد]

ان كان قصده يحرق القلب بعدين=قلبي على فرقاه محروق ياناس

شفت الخفوق اللي معذب عذابين=جرحً من الفرقاء وجرحً بالاحساس

ممنوع اللطش الحقوق محفوظة

[مرزوق العجوني]

ابوس راس الظروف ان جابتك قربي=يافرحه ودي اني مااوادعها
مدري كثر ايش احبك لكن وربي=اني احبك محبه ماتوقعها

[ذيب الهجاد]

الحال هو الحال ماتجهلينه=وعلى اختلاف الحال ياكثر الاسباب

مثل السحايب كل يوم ابمدينه=اغراب وحلينا على ديرة اغراب

الحقوق محفوظه ...

[مرآهيش]

من صدق احبك واشوف ان كلمة احبك=ب احساسي اللي احسه صارت صغيره
ابي لي كلمه تعبر صدق مانقالت=انا بشر غير في حبه وتعبيره