[سعد بن عادي]

مـــــن لا يـعــانــق بـالـطـمــوح الـثــريّــا
يبقى على طول العمر تحت الاقدام..!

[سعد بن عادي]

الغـدر لـه بـصـدور الاحــرار كـيّـا
جمره واثرها عار في وجه الايام
ان جيـت اطفيهـا لهبهـا عصـيّـا
وان جيت اداريهـا تباريـح وآلام

[سعد بن عادي]

كنت احْسب انك حصن في وجه الاقدار
واثرك نوافذ يدخل الشر منها

كل المصايب هيّنه لو هي اكبار
الاّ محبّه رمح ولفك طعنها

[سعد بن عادي]

يا حـزة الضيـق فينـا مـا يكفيّنـا
روحي مع الضيق لا نخطيـه ونخمّـه
يجيبنـا الـهـم والهـمّـه توديّـنـا
نجاهـد الهـم وإلاّ نجاهـد الهـمّـه ..

[سعد بن عادي]

ان رحت تلقى لك من الناس خلان
وان جيت ماني قايل ٍ ويش جابك
احيان احس اني بـ( حاجتك ) واحيان
احيان احس اني بـ( حاجة غيابك )

[سعد بن عادي]

لولاي أخاف الله ولا ابغى القطيعه
يبعض خلق الله ماأمره ولا أجيه

لكن تحداني عليه الشريعه
وأطيع لأمر الله وأجنب نواهيه

[سعد بن عادي]

لاتعتمد لا علي ولا علـى غيـري
خل اعتمادك على الخلاق سبحانه
وراع الكرم مايحّسب للمخاسيري
لوكان ماياجد الا قـوة ورعانـه ..!

[سعد بن عادي]

الطيب وهبه والمراجل توافيق
ومن لا نشا بالمرجله ما لحقها