[شوق]

أعـطـيك عـهـد ٍ بــ / الوفـآ .. يآ غـنآتـي
إن كـل قلـب ٍ عـقـب شـرواك (مـحـظـووور ) ...!

[شوق]

أمسح دموعي وأتظاهر بهاالنوم !
وانا طرى لي حب مات وسليته !!

جاني خياله يقترب كنه سموم !
كنت أحسبني من حياتي محيته !!

ذكرت قلبن اختفى بوقت مزحوم !
وهو يدري أني كل وقتي عطيته !!

لادمعتي فادت ولافادني لوم !
هذاجزا قلبي لأني هويته !!

أقفى وخلاني وسط كومه هموم !
وانا أحب حب حيه وميته !!

حبه فضحني بين الأهداب مرسوم !
وأخاف دمعي يجرحه لابكيته !!

حنيت له والقلب بالبعد ملزوم !
وش حيلتي لااشتقت له ولالقيته !!

لامر طيفه أحظنه مثل محروم !
بس اذكر اني بحد علمي مانسيته !!!

[شوق]

في غير الزمان
في نفس المكان
مرتني الذكرى وأنا واقف
في نفس المكان في غير الزمان
في ذا ضحكت أيام لكني بكيت
في ذا حلمت أحلام لكني صحيت
منها أبتديت
وفيها أنتهيت
إلا من الذكرى
في نفس المكان في غير الزمان
قالت لي الذكرى كلام عني
كلام والله بغيت أنساه ..
وصاحت ربابة شوق وأثر النغم مني
يشكي وأنا شكواه
وغنى صوت في ليلة فرح
وهلت عين وقلب أنجرح
في صوتها جرح وتعب
وفي عينها نظرة عتب
وشفت إبتسامه عليها هلت الدمعه
ونظرة ملامه من الماضي على ربعه
وأنا مع الذكرى
في نفس المكان في غير الزمان
تعطيني الذكرى ولا تاخذ أبد
تحكي لي الذكرى ولا تسمع ل..أحد
وأنا عندي كلام ممنوع حتى عن الخاطر
لا ياخذه أمسي ولا يقبله باكر
ما أقدر أوضح غايم الصوره
ولا أزود للمسا نوره
الله يا ذكرى ياما فهمتيني خطا ..؟
ياما قدم رجلي على جمرك وطا
واليوم هيضني هواي
أشكي ولا أدري وش بلاي
هو من شقاي اللي مضى وإلا هناي
وأنا مع الذكرى
في نفس المكان في غير الزمان ..!!

[شوق]

ياهيه اللتفت لي واسمع ادعاي لـك ياهيـه
ترا عـادك بتشبـع مـن البعـد وتواجـه


دعيتك بصـوت ٍ ياصلـك ليـه ماتوحيـه
وانا اسمع ضلوعك من صدى الصوت لجّاجه


عليـك الفـؤاد اخلاجـه مصمّـخ ٍ راعيـه
خـف الله فـي راعيـه ماتسمـع اخلاجـه


ترا العفو قـد جـاك اولـه واغتنـم تاليـه
وترا الحلم بحـر ٍ غيـر لا تامـن امواجـه

وترا الود ليل ٍ مظلـم ٍ جيـت لـك ساريـه
سراجه وصالـك والجفـى ينفـخ اسراجـه

وترا قصرنا اللي كم سنـه نجمـع ونبنيـه
هوى العذل طيّـح بابـه العـود وسياجـه

لي أيام مـدري ويـن دارك ولا ادري ليـه
وانا خابـر انـي بـاب شفـك ومزلاجـه

غيـاب ٍ بـلا سبّـه هجـاد ٍ بـلا تنبـيـه
وجفا أغلا العرب نار ٍ على الكبـد وهّاجـه

نضج قلبي من البعـد وش حاجتـك تكويـه
جفاك الجمر والصبر فـي بعـدك الصاجـه

طبـع حبـك بقلبـي والايـام مـا تمحيـه
هـذا هجـرك يحـاول يموجـه ولا ماجـه

يموت الأمـل لكـن ضنـون الغـلا تحييـه
وعروق الوفـا فالـروح والقلـب وجّاجـه

خبرتوا حـد ٍ يبكـي علـى واحـد ٍ يبكيـه
وخبرتوا حـد ٍ مسجـون مايبغـي أفراجـه

احبه ولا ابغضتـه علـى شـي ٍ إيسويـه
ولا زالـت أرقـاب الرجـا فيـه منعاجـه

عسى منزل ٍ ضمه حقـوق الوسـم تسقيـه
وتضحك له الدنيا وهـو يضحـك أحجاجـه

فقد خاطري شـي ٍ مـن الضيقـه امسلّيـه
وغدت روحي من النـاس والليـل هجّاجـه

اروح لمكـان ٍ خابـره ..خابـره ياتـيـه
اسوق القدم صوبـه وهـي مالهـا حاجـه

مكـان ٍ نزيـه وأول مواجهـي لـه فـيـه
وانـا خابـر ٍ مارجـل مثـلـه بـدواجـه

لعل وعسى مـا حدنـي للمجـي ..يدعيـه
واشوفـه وانـا مـاودي اسبـب احراجـه

يحب الجريح اخـر دروب اللقـاء ويجيـه
وتحـب القـدم جيّـة مكـان اول مواجـه

[شوق]

بكيت ودمعتـــــــي سالت على خدي تعاتبنـــــــي!!

وقالت لي..<<علامـــــك ضايـــــــق بالـــــــك>>..
سكت شوي
ثم رديت.. أنا حزنـــــــي يعذبنـــــــي!!

وكل ماقلـــــت بكــــــره يزيـــــن..

يجي بكره
<<يحطمنـــــــي>>

وعندي خل.. أحبـــــــه حيــــــــــــل..!!

مايطمني على أخباره ولا حتى يراسلني‏..؟!
..يادنيا أرحمـــــــي حالي..
من الأحزان مكتفيه..!!
ياليته يدري بحبـــــــه..شوقي لــــــه
جننـــــــي..

[شوق]

يسألوني ليه الحزن ساكن حروفي ؟

مادروا عن مدينة الحزن اللي وسط جوفي

مدينه ماتعرف نهار ...مدينه مابها أنوار

فيها كثير أسرار...مهجوره ولا فيها أي دار

أمطارها دموع عيني ...سحابها قسوة سنيني

حدودها صحراء جفاف ...منها الفرح يخشى ويخاف

يدري أن ماله مكان...صعب يخترق سور الأحزان

وهذي حكاية مدينه بقلبي ...هي سبب همي وتعبي

عايش بها طفل صغير ...بداخله حلم كبير

[شوق]

إن تبت عن حبـي فلانـي بتايـب
تبقى حبيبي دون لجنه وتصويـت

[شوق]

أنا و قلبي تعاندنا انا صابر وهو ،، مشتاق ،،

يمين الله وهو قلبي تمرّ احيان ما ،، اطيقــه ،،