[سعد بن عادي]

واعذاب العين من كثر السهر واسبابه
لاغفت ساعه غنيمة حالـي التعبانـي
الزمان اللـي معاقبنـا نصـد انيابـه
لاكسرنا الناب الاول نبتلـش بالثانـي
يالله انك لاتضيّـع حسبـة الحسابـه
تحسب الطوفان وش ياتي مع الطوفاني
من يبى الخير يتغانم له بكـل ابوابـه
وقت يمشي والعمر مهما تمادى فانـي

[سعد بن عادي]

انتي آخر غلا وآخر محطة وقوف
ماوقفت ورسيت الا على جالهـا..!

[سعد بن عادي]

دام الامل باقي تحت ظل الطموح
يبقى علاج الجرح ضمن الامنيات
أسرج مهار الفكر يالوجه الصبوح
خل الدروب السبع سبع معلقات !!

[سعد بن عادي]

سلام كيف الحال والسهـم تجميـع
والتوصيه تقلب علـى مـن شقلهـا
أهـل الشمـغ تحاذفـو بالمرابيـع
ونصف الشمغ طاحت وطاحت عقلها
مدري قَنص ضبّـان والاّ جرابيـع
واللّـي يفـكّ قيادهـا قـد عقلهـا
مشاكلٍ في الريع مدري ورى الريع
وإليـا سكتنـا قالـو النـاس قلهـا
ها المشكله ماهي بنقـل المواضيـع
المشكله مدري من اللـي نقلهـا !!

[سعد بن عادي]

في وجه موضوعنا المطروق سبعة غرز
طـوارف علـوم فـال الله ولا فالـهـا
اللي ترزز وهو مالـه مـن اول مـرز
يرتـاح ويريّـح الحملـه وجمالـهـا

[سعد بن عادي]

الطيب وهبه والمراجل توافيق
ومن لا نشا بالمرجله ما لحقها ..!

[سعد بن عادي]

اي والله انــي احـبــك والمـحـبـه عـــذاب
لازلت في صدق حبي لك ودوّامتـك ..
الشعـر صـادق وسجلتـه لعيـنـك كـتـاب
ياجعل يفداك من رجلك الى هامتك ..

[سعد بن عادي]

يارب انا اللي شال مالايستطيع من الذنوب
ابوء لك بالذنب .. واطلبك العفو والمغفره ..!