[مرآهيش]

اقسم قسم بالله اني احبك= محبتن ماحبها شخص قبلي

غلاك جابك داخل القلب صبك= مشيت بعروقي وتبخل بوصلي

يمدحك قلبي بس عقلي يسبك= فرقت حتى بين قلبي وعقلي

يمكن عرفت انسان قبلي وحبك= لا تنجرح اسف انا قلت :قبلي

لكن قسم بالله ربي وربك= بتموت ماتلقا من الناس مثلي

[ودق أنفاس]

والله أن حبك جريمة وأنا ماني بري
وأدري أني مرتكها ولاني قدها .. !

أعشقك مجنون هايم بحبك عنصري
لو تجي ضدك بني عبس جيتك ضدها .. !

[مرآهيش]

أقسَم قسْم بالله.. إني لكْ إشتقَت=وأقسَم قسَم بالله .. ماني بْـ / رآيَق ..!
ياللي معَك حسيتْ في قيمة آلوقتْ=غيبتك حلْم .. وذكريآتِك .. حقآيقْ ..!

[المر العذب]

دايم ترى اهل القلوب الحزينات=تنشد عن الغالي وتجي تشتكي له

علاقتي وياك غير العلاقات=لو كان ماهي ياحبيبي طويله

اشره على الغالي عليك انت بالذات=والا الرخيص رخيص ماني بجي له

[مرآهيش]

ضـلـوع صـدري مـالهـا فيك لايـم =تستاهل أكثر .. يا أكثر الناس قيمه
زولك مـثـل نفحة هـبوب النسايم =كـل ما لمحته قـلـت : ربـي يديمه

[المر العذب]

لك داخلي سبعة بحيّرات وابلاد=مامرها الطرقي بلادٍ عجيبه

بلادك . الحب . السهر . التنهاد=واما بحيّراتك جروحٍ عطيبه

كل يوم اسوي لك حفل عيد ميلاد=واطلب من الصدفات زولك تجيبه

عشان اشوفك عيد من ظمن الاعياد=يا اجمل من الصدفات من عقب غيبه

القلب مع حبك مسيّر ومنقاد=ماهو بكيفي يتبعك بالغصيبه

[مرآهيش]

ياذيب يومك ترقب الرجم وتويق= متفرعنٍ فوق الجبال المنيفه
عليك من وصف الرجال المطاليق=لاسننوا حدب السيوف الرهيفه
وعليك لاجريت صوتك من الضيق= نوح الوليف اللي رحل عن وليفه
ترسي فخر كنك على قمة طويق=لا والله الا عز نفسٍٍ عفيفه
يكفيك شيٍ بين كل المخاليق=تمووت جوع ولاتعشيت جيفه

[حرف]

مآ أحدٍ من آلنآس .. يعلم مـآ تكّـن آلصـدور

بعض آلسرآيـر تمـوت .. و لآ أنفتـح بآبهـآ

يآ صآحبي .؟ كآن يربْـك آلشعـر و آلشعـور

إرتح ورى آلعين .. و أفتـل سلـوة أهدآبهـآ

آلحب دون آلمحآنـي .. مـن غرآمـك يفـور

لبيـه .؟ و أنـت آلعيـون و سيّـد أحبآبـهـآ

جيتك .؟ و أنآ تآرك أيآمـي و قلبـي جسـور

أطرد طيوفـك .. و أنآجـي زآهـي أسرآبهـآ

صوتك .. يخلي غيآبي .. في سنينـي حضـور

يـآ فرصـةٍ فـي زمآنـي .. خآلقـي جآبهـآ

يآ حآلي آلهـرج .. لآ منـي سكـت إمعـذور

كل آلسوآلـف تـذوب .؟ و ترخـي أعصآبهـآ

إن غبت .؟ صآب آلحشآ يآ أجمل سنيني .. فتور

و إن جيت .؟ مآ أبغى مـن آلعربـآن غِيّآبهـآ